Publicada a listaxe de persoas convocadas para a segunda parte da proba (demostración real no manexo do guindastre) da especialidade de  guindastre móbil autopropulsado, categoría B.

O próximo 27 de novembro de 2017 terá lugar a sexta edición do Job Day da Eurorrexión Galicia-Norte de Portugal, na Escola Superior de Ciencias Empresariais, en Valença, dedicado ao sector do metal. Os seus obxectivos son promover a contratación de traballadores na Eurorrexión e fomentar a cooperación transfronteriza entre empresas.

A Unidade de Educación Superior do Servizo Español para a Internacionalización da Educación (SEPIE) organizará o acto final de celebración do 30 aniversario do programa Erasmus+, que terá lugar en Madrid o día 18 de decembro de 2017.

Nese acto concederanse recoñecementos ao labor realizado polos estudantes de Educación Superior no curso académico 2016-2017 que participaran en proxectos do programa Erasmus+ e que destacaran durante a súa experiencia de mobilidade a outro país do programa.

Publicada a Orde ECD/1055/2017, do 26 de outubro, pola que se modifica a Orde ECD/2159/2014, do 7 de novembro, pola que se establecen validacións entre módulos profesionais de formación profesional do Sistema Educativo Español.

Publicada a listaxe definitiva dos proxectos premiados no concurso eduemprende Idea 2017 (Orde do 30 de marzo de 2017, dirixido ao alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia, sostidas con fondos públicos, publicada no Diario Oficial de Galicia do 17 de abril do 2017), elaborada pola comisión avaliadora do devandito concurso.

O pasado 28 de outubro de 2017, no programa da segunda canle de Televisión Española "España en comunidade", emitiuse unha reportaxe sobre a FP Dual en Galicia, en concreto sobre os grandes resultados do ciclo de Mecatrónica Industrial, que oferta o CIFP Politécnico de Santiago en colaboración coa empresa Financiera Maderera, S.A.

Publicada a convocatoria de proxectos de formación específicos para o profesorado que imparte docencia nas ensinanzas de formación profesional en centros públicos para o curso 2017-2018.

Convócanse 75 proxectos de formación do profesorado de formación profe­sional, nos centros educativos de niveis non universitarios que impartan estas ensinanzas.

O vindeiro 11 de novembro terá lugar no recinto de Expourense o 5º Foro da comunicación de Galicia. Xunto co programa de conferencias e debates, existirá unha área expositiva onde estarán representados os sectores da publicidade, colexios oficiais, asociacións de prensa e periodistas, academias de audiovisuais, clústers, medios de comunicación, axencias consultoras de comunicación, community managers e universidades galegas.

Desde o día 25 de outubro ata o próximo 3 de novembro de 2017 está aberto o prazo para participar na II edición do Concurso de Ideas e Procesos Colaborativos para o Emprego (INDEA), da Axencia Local de Colocación de Santiago de Compostela.

O propósito deste Concurso é potenciar ideas colaborativas para o emprego que proveñan do diálogo entre a cidadanía, axentes económicos e sociais e a comunidade educativa, en especial a Universidade e a Formación Profesional.