O CIFP Compostela presentou o seu proxecto de "Produtos cárnicos gourmet", premiado o ano pasado cun dos premios á innovación na Formación Profesional, durante a segunda xornada do Salimat Abanca 2017. O proxecto destaca polo uso de carnes de vacún e porcino selectas, contando tamén como ingredientes con algas, castañas, cogomelos e mel, sen o uso de aditivos artificiais. O resultado son produtos cárnicos gourmet, concretamente hamburguesas e chourizos crioulos, para o seu uso en menús elaborados con produtos 100% naturais e autóctonos.