No mes de xuño terán lugar as probas da Alianza Francesa co obxectivo de que o profesorado galego poida acreditar as súas competencias nesta lingua e certificar os seguintes niveis:

O DALF, Diplôme approfondi de langue française (Diploma avanzado de Lingua francesa),  é a certificación oficial internacional expedida polo Ministerio de Educación Nacional de Francia, para acreditar as competencias en francés dos/as candidatos/as estranxeiros/as.

O DELF, Diplôme d’études en langue française (Diploma de Estudos en Lingua Francesa), é a certificación oficial internacional expedida polo Ministerio de Educación Nacional de Francia, para acreditar as competencias en francés dos/as candidatos/as estranxeiros/as.

As probas celebraranse na EGAP (Escola Galega de Administración Pública), en Santiago de Compostela os días 1 de xuño e 5 de xuño, durante a mañá.

Para ter máis información ao respecto, pódese remitir un correo ao enderezo electrónico cafi.linguasestranxeiras1@edu.xunta.gal

Obxectivos

1.Desenvolver as estratexias didácticas para a mellora das destrezas comunicativas na lingua francesa do alumnado.

2.Facilitarlle ao profesorado especialista a práctica do francés para a súa actualización.

3.Achegarse á cultura francófona a través de actividades interculturais variadas.

Contidos

1.Estratexias e recursos didácticos e dixitais para fomentar a motivación e a autoaprendizaxe.

2.Actualización nos usos oral e escrito en lingua francesa.

3.Achegamento á interculturalidade.

Observación

O curso terá lugar os mércores pola tarde no CAFI, en Santiago de Compostela, modalidade presencial. É necesario ter un nivel B1, posto que a actividade está dirixida a profesorado cun nivel B2.

O programa Observa_Acción terá unha duración de dous cursos académicos e desenvolverase en catro fases (dúas en cada ano lectivo)

1. Observa_Acción. Fase Intracentros (Comparte) entre docentes do mesmo centro educativo.

2. Observa_Acción. Fase Intercentros (Acolle) dirixida a equipos de docentes de varios centros de todo o ámbito da comunidade autónoma de Galicia.

3. Observa_Acción. Fase Estatal (Conecta)  colaboración entre diferentes comunidades autónomas adheridas ao plan

4. Observa_Acción. Fase Europea (Internacionaliza)   experiencia de Observa_Acción visitando un centro educativo dun dos países socios europeos.

Os obxectivos que se perseguen con este programa son os seguintes:

• Experimentar novas vías de formación do profesorado e favorecer a innovación educativa nos centros educativos de Galicia, e colaborar con centros doutras comunidades autónomas e/ou países de ámbito europeo.

• Facilitar ao profesorado e aos membros do equipo directivo dun mesmo claustro a posibilidade de observar de forma directa metodoloxías nos procesos de ensino-aprendizaxe, xeitos de relación e comunicación, ou vías de xestión dos recursos propios e alleos.

• Fomentar o traballo en equipo de grupos de profesores/as, establecendo así vías de comunicación para o intercambio de boas prácticas, a reflexión e a formación metodolóxica

• Favorecer a internacionalización dos centros educativos, ofrecendo a posibilidade de levar a cabo proxectos con outras Comunidades Autónomas e/ou países

• Aplicar e revisar protocolos de observación de práctica docente e potenciar accións metodolóxicas innovadoras para a mellora dos procesos de aprendizaxe do alumnado.

Ligazón á convocatoria: Observa_Acción

Os Cursos de Actualización Lingüística e Comunicativa do Profesorado (CALC) están orientados ao desenvolvemento das destrezas orais e da competencia comunicativa nunha lingua estranxeira, co fin de que o profesorado participante consiga a capacidade expresiva necesaria para poder impartir as súas aulas baixo estas premisas. Por este motivo, os CALC están dirixidos, preferentemente, ao profesorado de centros plurilingües e seccións bilingües que debe dar a súa materia en lingua estranxeira, pero pode matricularse calquera profesor que desexe acreditarse para impartir áreas, materias ou módulos non lingüísticos nunha segunda lingua.

Estes cursos teñen como obxectivo a preparación do profesorado para a superación das probas de certificación das EEOOII, en inglés. As persoas asistentes recibirán un certificado polas 60  horas de formación recibidas, pero non a a acreditación de nivel lingüístico, para iso deben superar as probas oportunas.

Unha vez seleccionado, o profesorado deberá acreditar que posúe o nivel de competencia anterior para ser admitido no curso, de acordo co anexo da Orde do 18 de febreiro de 2011, de acreditación de idiomas. O profesorado que conte con coñecementos previos pero non cunha certificación que o acredite, pode realizar unha proba de nivel previamente no CAFI ou CFR correspondente (pendente de confirmación da data), para a que deberá inscribirse a través da aplicación www.edu.xunta.gal/fprofe.

O prazo de inscrición en Fprofe está aberto ata o día 30 de novembro.

Está aberto o prazo para a inscrición nas seguintes actividades:

• C2201032 - Introdución ao árabe. A1-1        
• C2201033 - Árabe. Nivel A1.2
• C2201034 - Inglés nivel B2
• C2201035 - Inglés nivel C1
• C2201036 - Inglés nivel C1
• C2201037 - Curso de actualización lingüística e comunicativa (CALC) en Inglés no nivel B2
• C2201038 - Curso de actualización lingüística e comunicativa (CALC) en Inglés no nivel C1
• C2201039 - Curso de actualización lingüística e comunicativa (CALC) en Inglés no nivel C1
• C2202006 - Proba de nivel para participar en cursos CALC     

Consulta nas fichas das actividades prazos de inscrición, lugares de celebración e datas.

Máis información sobre este tipo de cursos:

https://www.edu.xunta.gal/centros/cfrcoruna/aulavirtual/course/view.php?id=759

Para máis información sobre o proceso de inscrición nas actividades consulta esta ligazón:

https://www.edu.xunta.gal/centros/cfrcoruna/aulavirtual/course/view.php?id=1968#section-7

A Consellería de Cultura, Educación, Formación Profesional e Universidades ten interese en facilitarlle ao profesorado, preferentemente vinculado aos programas plurilingües e centros bilingües, a posibilidade de certificar o seu nivel de inglés a través dun sistema de acreditación externa. Para tal efecto, co obxecto de avaliar o nivel desta lingua, a Consellería dará a oportunidade de presentarse aos seguintes exames desenvoltos por Trinity College:

G2202019  Trinity College GESE grao 7.Nivel B2 
G2202017  Trinity College. GESE grao 10. Nivel C1 

Estas probas desenvolveranse de xeito presencial, en Santiago de Compostela, con probabilidade na EGAP, Escola Galega de Administración Pública, a través de videoconferencia. 

Para ter máis información sobre o desenvolvemento da proba, pódese remitir correo a cafi.linguasestranxeiras1@edu.xunta.gal

Esta actividade ten como obxectivos que o profesorado poida seleccionar, crear, modificar, protexer e difundir recursos dixitais para a docencia de linguas estranxeiras. Ao mesmo tempo búscase adquirir estratexias de avaliación, planificación e retroalimentación co fin de familiarizarse cos principios da aprendizaxe colaborativa e autorregulada de linguas estranxeiras. E, por último, quérese promover a accesibilidade e a inclusión na aula de lingua estranxeira a través da capacitación dixital e a personalización. Entre os contidos que se van desenvolver, podemos atopar os seguintes:

1. Mellora (substitución e aumento) e transformación (modificación e redefinición) dos recursos dixitais.

2.Ferramentas para mellorar a habilidade comunicativa.

3.Ferramentas institucionais.

4.Dixitalización do deseño e avaliación de unidades didácticas.

Esta actividade impartirase os días 19 e 26 de novembro co seguinte horario. O primeiro día, a sesión da mañá, de 10.00 a 14.00 e a sesión da tarde, de 16.00 a 20.00. O segundo día, a sesión da mañá,  de 10.00 a 14.00 e a sesión da tarde, 16.00 a 19.00.

O curso desenvolverase no primeiro trimestre, en breve, engadiremos as datas e horarios desta actividade en Fprofe.

O curso está deseñado para coñecer e empregar distintos recursos e dispositivos, así como dinámicas e metodoloxías para optimizar o ensino semipresencial de idiomas. Tratarase de aprender a monitorizar a aprendizaxe do alumnado, aproveitando a aula virtual ao máximo, sen esquecer a retroalimentación como complemento activo no proceso de revisar, corrixir e avaliar as actividades lingüísticas.

Os contidos que se van impartir estrutúranse en relación con:

1 .A modalidade semipresencial no ensino de idiomas nas escolas oficiais: conceptos básicos.

2. Ferramentas para a aula: deseño de tarefas de comprensión de textos orais e escritos e de produción, coprodución e mediación oral e escrita.

3. Elementos dunha aula virtual para o ensino semipresencial nas EOI.

4.Titorización e avaliación: interacción, retroalimentación e aplicación das táboas de baremación analíticas e holísticas para as producións, coproducións e mediacións orais e escritas.

O profesorado que pode inscribirse nesta actividade pode pertencer tanto ao profesorado de EOI, como ser profesorado en ensino secundario que imparta linguas estranxeiras.

A distribución de datas e horarios das sesións é a seguinte:

Sesión 1 (presencial): 14 de outubro de 16:30 a 20:00
Sesión 2: Traballo individual non presencial: 18 outubro (1,5 horas)
Sesión 3: Videoconferencia: 22 de outubro de 09:30 a 13:00
Sesión 4: Videoconferencia: 4 de novembro de 16:30 a 20:00
Sesión 5: Traballo individual non presencial: 9 novembro (3 horas)
Sesión 6: Videoconferencia: 11 de novembro de 16:30 a 20:00
Sesión 7: Traballo individual non presencial: 14 novembro (3 horas)
Sesión 8 (presencial): 18 novembro de 16:30 a 20:00

Esta xornada pretende facer un resumo de toda a evolución do Proxecto SBLENDID ao longo destes dous últimos cursos académicos (2020-21 e 2021-22). Búscase compartir todo o aprendido e avanzado na modalidade semipresencial en Galicia, a partir da formación recibida tanto nos webinarios, nas mobilidades virtuais e presenciais (cursos estruturados e observación docente) e no propio intercambio de experiencias entre o profesorado de EOI, tanto a nivel autonómico como nacional e internacional. Por outra banda, compartirase información sobre o itinerario de formación para o profesorado desta modalidade, así como os recursos creados polos grupos de traballo.

Entre os obxectivos desta xornada destacamos os seguintes:

1. Apreciar a evolución do ensino semipresencial nas EOI en Galicia

2. Repasar as actividades do proxecto Erasmus+ SBLENDID

3. Relacionar estratexias de dinamización de aula presencial, deseño dos Espazos Virtuais de Aprendizaxe (EVA), emprego da tecnoloxía e aprendizaxe dixital

Os contidos que se van abarcar durante a celebración desta actividad indícanse a continuación:

1. Ensino semipresencial en Galicia: Creación e titorización de cursos. Itinerario de formación para o profesorado

2. Xénese e impacto do proxecto Erasmus+ SBLENDID

3. Aspectos esenciais do ensino semipresencial e transferencia á aula independentemente da modalidade

O prazo de inscrición en Fprofe é ata o día 13 de setembro. Esta actividade está destinada a profesorado de EOI, pero pode solicitar a inscrición profesorado pertencente a outros corpos mais con interese no ensino semipresencial.

Remitiuse o Boletín CFR A Coruña xuño-2021, a tódolos centros da área de influencia. Así poderano consultar antes de fin de curso e contar con el para posibles recomendacións lectoras.

Tamén o podes descargar clicando aquí: