Un 15 de novembro do ano 1995 na Conferencia Xeral da UNESCO aprobouse en París que a partir do seguinte ano todos os 23 de abril íase celebrar  o Día Internacional do Libro. A proposta fora presentada á Unesco pola Unión Internacional de Editores co obxectivo de fomentar a cultura e a protección da propiedade intelectual por medio do dereito de autor.

A razón de elixir esta data como día do libro e do dereito de autor, procede da coincidencia do finamento dos escritores Miguel de Cervantes, William Shakespeare e Inca Garcilaso de la Vega o 23 de abril de 1616. Tamén coincide co  nacemento de William Wordsworth (1850) e morte de Josep Pla (1981).

En Cataluña, esta data coincide coa Diada de Sant Jordi (Día de San Xurxo) que, segundo a tradición, entre os seres queridos agasállanse con  rosas e libros, tradición que empregou como argumento a Unesco para escoller este día.

En España nesta data faise a entrega anual dos Premios Cervantes, o maior galardón realizado aos autores hispanos.

En 2001, a iniciativa da UNESCO, nomease Madrid como Capital Mundial do Libro. Dende entón cada 23 de abril, diferentes capitais de países do mundo foron acollendo esta honra, realizando durante o ano diferentes actividades culturais relacionadas cos libros. Dende 2008 Amsterdam é a actual capital.  

Algúns países realizan actos semellantes noutras datas. En Reino Unido e Irlanda o primeiro martes de marzo realizan o chamado World Book Day (Día Mundial do Libro).

 Cada ano, o día 23 de abril, a Biblioteca do Isaac Peral é o escenario onde se conmemora o Día do Libro coa organización de diferentes actividades.