Este Xoves 1 de Marzo rematamos o noso programa de concertos na escola cunha proposta que de seguro lles ha encantar aos cativos e cativas de 1º e 2º de primaria. Baixo o título de "Músicas para Peto", o sempre creativo e imaxinativo Ariel Ninas amosarálles aos nenos unha forma de vida posible en torno a música. Existe un mundo inmensamente rico de instrumentos e pequenos artellos sonoros que, coa única premisa de lograr coller no pequeno espacio que ocupa un peto, xa poden viaxar canda nós a calquera sitio. Con eles podemos facer música e divertirnos en calquera lugar e momento, sen necesidade de ser músicos profesionais nin estar en grandes escenarios. Existe mellor maneira de endulzar a vida?

Musicas para peto from Ariel Ninas on Vimeo.

Volve ao cole o noso home orquestra favorito; desta para cantar e brincar cos máis cativos. O inimitable Ce Orquestra Pantasma dará un concerto para os alumnos e alumnas de Infantil o vindeiro martes 14 de Novembro. Con el a festa e a ledicia estarán garantizadas.

Se queredes coñecer máis de el:

http://www.ceorquestrapantasma.com/

Comezamos a nosa programación de concertos educativos deste curso cunha grande nova. Os alumnos e alumnas de 5º e 6º de EP poderán desfrutar do concerto a cargo do coñecido, aclamado e incluso televisivo músico especializado en instrumentos de vento Xavi Lozano. Coa súa propósta didáctica titulada "Tubos do Mundo", Xavi propón aos cativos unha apaixoante e sorprendente aventura sobre como reutilizar materiais de refugallo aproveitando as súas posibilidades sonoras para facer música.

O concerto terá lugar o vindeiro venres 10 de Novembro no auditorio da biblioteca municipal. Será unha experiencia vibrante, chea de creatividade e estímulos para os nosos sentidos.

Páxina oficial de Xavi Lozano e Tubos do Mundo:

http://xavibufa.com/tubs_del_mon.html

UN SAMAÍN DE MEDO....

O venres 3 celebramos no noso cole a festa do SAMAÍN cargado de medo e risas... Tivemos unha exposición de cabazas, decoramos as portas das nosas aulas e celebramos o Magosto xogando con castañas para despois comelas. Como este curso o tema do centro é América, aproveitamos para coñecer algo da festa dos mortos e ata tivemos un Mariachi!!!!

Deixámosvos unhas fotos para que vexades o ben que o pasamos....

Celebramos a finalización dun ano de traballo compartido arredor da lectura cunha visita ao Balneario de Mondariz para coñecer mellor un dos aspectos sanitarios, lúdicos e sociais máis destacables do século XIX en Galicia. O mundo en revolución foi o  tema que propuxo a Biblioteca este curso como centro de interese e estudo e o Club de Lectura Salicornia quixo mergullarse nesta etapa histórica coa lectura de varias obras literarias e a investigación sobre a importancia da cultura termal.

Pero tamén quixemos experimetar e alá fomos. Explicáronnos como era a vida no Balneario de Mondariz no século XIX e tamén o que podamos atopar hoxe alí... Asegurámosvos que é una auténtico pracer probar a auga da fonte da Gándara, que tantos beneficios aporta ao noso corpo por dentro, e tamén a auga do spa, que tan relaxadiños nos deixou.

Á beira do río comemos, lemos textos de escritores do XIX que disfrutaron das ledicias do balneario e escribimos micro-relatos.

Unha xornada ben completa!

O CPI Castro Baxoi foi seleccionado entre máis de 120 centros de toda Galicia para participar no proxecto ESCORNABOTS de Bibliotecas Escolares . Catro mini-robots estarán á disposición da comunicade escolar na biblioteca do Centro para iniciar aos alumnos de Infantil e Primaria na linguaxe de programación e axudarlles a mellorar as súas competencias. Para que os escornabots nos axuden a aprender teremos que coñecer ben como guialos, así que imos ter que pensar, expresarnos, intercambiar opinións, decidir, colaborar.. e tamén divertirnos. Neste final de curso traballaremos sobre as propostas de actividades e no vindeiro o noso cuarteto de escornabots camiñará connosco ata onde nós queiramos.

Os alumnos de 1º de ESO participaron  nunha charla con Sole e Alberto, membros da ONG Arquitectura sen fronteiras e autores da unidade didáctica O Dereito ao hábitat coa que se iniciou a andaina dentro do Proxecto Terra. Foi o momento de analizar os debuxos realizados polos alumnos que recollen os aspectos fundamentais do seu hábitat (Miño) e de reflexionar conxuntamente sobre todo o que hai e tamén sobre o que falta para que este hábitat humano sexa adecuado para o desenvolvemento persoal e social dos que aquí viven.

Os alumnos de 1º ESO están a participar nun proxecto de innovación educativa titulado "Proxecto Terra: O dereito ao hábitat". Como parte do traballo, reflexionaron sobre o hábitat en xeral e analizaron as características do seu,  Miño. Realizaron debuxos cos aspectos fundamentais e, con eles, fixeron un mural que instalaron no vestíbulo de Secundaria.

Todos estes debuxos e as súas reflexións recóllense na presentación seguinte.

Celebramos o Antroido cun desfile onde personaxes e feitos do século XIX fixéronnos recordar as características desta época histórica. Como cada ano e seguinto a proposta da biblioteca, mergullámonos nun momento da historia para coñecela dende diversos puntos de vista e representámola nesta data tan festiva. Os protagonistas do desfile do Antroido foron os seguintes:

Brancaneves e os ananiños dos Irmáns Grimm (Educación Infantil)

Darwin e as especies (1º EP)

Inventos do Século XIX (2º EP)

Vaqueiros da febre do ouro americana (3º e 4º EP)

Náufragos e bucaneros da Illa do Tesouro de Stevenson (5º e 6º EP)

New York vs Francia (2º ESO A)

O París de Toulouse Lautrec (2º ESO B)

Drácula (3º ESO)

Os personaxes literarios do Século XIX (4º ESO A)

Os alumnos de 4º de ESO B foron os encargados de  presentar o acto e os de 1º de ESO fixeron desfilar o Meco e leron o seu testamento.

¿Que é un QUIMION? Pois así se chama a unha funda de feltro adornada cun superheroe, una princesa ou un personaxe infantil que o persoal sanitario das plantas de Oncoloxía Pediátrica dos hospitais utilizan para cubrir as bolsas de medicamentos que lles administran aos nenos. O CPI Castro Baxoi participa no RETO QUIMIÓNS CORUÑA, unha iniciativa que pretende conseguir un número suficiente de QUIMIÓNS para que todos os nenos hospitalizados na Coruña teñan ao seu carón os seus personaxes favoritos mentras reciben os tratamentos que precisan. Os alumnos de Pedagoxía Terapéutica e 2º e 4º de Educación Primaria e os alumnos da ESO que forman parte do Club de Lectura Salicornia, axudados polos seus profesores, as súas familias, dúas artesás oleirenses e outros membros da comunidade escolar realizaron nos últimos días 59 quimions que xa foron entregados aos impulsores da iniciativa. Velaí o froito do noso traballo.