Na semana das Letras Galegas o alumnado de infantil e primaria elaborou un mural ilustrado con varios debuxos e unha caricatura, no que se recollía información sobre a vida e obra de Luísa Villalta.
O alumnado de secundaria realizou traballos sobre a vida e obra das escritoras galegas homenaxeadas no Día das Letras Galegas.
Na biblioteca expúxose unha selección de obras das escritoras recoñecidas no Día das Letras Galegas.

Intercambio do Club de Lectura do CPIP de Castroverde e o CPI Dr. López Suárez de Friol,para comentar a obra "Donas de nós " de Ánxela Gracián.

No encontro,celebrado na biblioteca do centro, contamos coa presenza da autora que nos explicou cando escribiu a obra,o significado e o motivo do nome dos protagonistas,o obxectivo da obra...

O alumnado preguntou e deu opinións sobre o contido do libro e un grupo realizou unha lectura dramatizada das escenas finais da obra.

Despois percorremos un curto traxecto do Camiño Primitivo,o que vai desde Vilar de Cas ata A Pallota.

Visitamos o cemiterio de Soutomerille e fixemos unha parada na igrexa do mesmo nome.

Rematada a andaina, paramos para repoñer forzas cun xantar campestre na Pallota.

O encontro rematou coa lectura de dous poemas da obra "Paisaxes de pan" por parte da autora,Ánxela Gracián,que nos acompañou durante toda a actividade.

Para conmemorar o Día das Letras Galegas, o CPI de CASTROVERDE invitou a unha escritora do concello, a Ánxela Gracián. E así, o alumnado de 5º Ed. Infantil, 1º e 2º Ed. Primaria, poidemos escoitar o relato dos seus contos: Gombó e o medo á escuridade, e Gombó e a viaxe á lagoa. Foi todo un pracer terte no noso cole. Moitas gracias Ánxela!!

A semana pasada tivemos outra sesión de lectura en familia. Nesta ocasión veu a familia de Rosalía a ler o conto de LEOTOLDA, e tivemos que ler o conto case ás escuras, por que tiña sorpresas agochadas. Encantounos!!!

Usamos este libro co alumnado de 6º de EI para traballar sobre os animais salvaxes. En concreto tratáronses estes puntos:

- Léxico dos animais e adxectivos.

- Estruturas: She/ He was too... They sent me a... Back...

- Reflexión sobre a non conveniencia de traer animais á casa guiados polo que nos poidan gustar, sobre o respeto e coidado dos seres vivos en xeral, etc.

E como colofón, cada alumno leva un día o libro "Dear Zoo" para a casa. A finalidade é que compartan a lectura do libro coa súa familia e que escoiten xuntos como conseguimos contar esta historia xa que cada exemplar leva un código qr para acceder ao audio que gravamos na casa. 

E por se alguén o quere escoitar, só hai que premer no adxunto, ó final desta publicación. Agardamos que vos guste!