Responder ó comentario

MALETAS CREATIVAS

Dende o equipo de biblioteca escolar seguimos traballando cada día para achegarvos un anaquiño da nosa biblioteca ao voso fogar. Por este motivo, creamos un novo servizo de préstamo denominado “maletas creativas”.

Con este recurso pretendese mellorar a competencia lectora do alumno/a, e tamén queremos que compartades momentos inesquecibles de lectura e xogo cos vosos fillos/as.

Cada maleta está composta por dous contos infantís (un en galego e outro en castelán), un libro pedagóxico para adultos, un conto en inglés, un libro musical, dous xogos educativos e unha tablet.

INFORMACIÓN SOBRE A RESERVA DAS MALETAS CREATIVAS

Destinatarios:todo o alumnado do CRA Raiña Aragonta.

Solicitude:mediante correo electrónico á seguinte ligazón bibliotecarainaaragonta@gmail.com indicando o nome do alumno/a e a aula no que están matriculados.

Orde de prioridade: segundo a orde de chegada das solicitudes (no caso de ser moitas as solicitudes terán preferencia primeiro os alumnos/as de 6º de Educación Infantil, despois o alumnado de 5º de Educación Infantil e finalmente 4º de Educación Infantil).

Confirmación: unha vez realizada a solicitude, a familia recibirá un correo electrónico informándolle o día exacto que comeza o préstamo.

Duración: o préstamo será dunha semana (de martes ao martes da semana seguinte).

Recollida e devolución: a familia será a encargada de recoller e entregar a maleta na sede do centro educativo.

Horario: os martes de 16:00 a 16:30.

Deterioración ou perda de material: ao recoller a maleta, as familias deberán asinar un documento, que indica que son os responsables dos danos ou perdas que poidan sufrir os materiais mentres dure o préstamo.