Barreiro

CASTAÑAZO ROCK 2021! 

Se algo nos gusta na nosa aula é a festa! E non hai nada mellor que manter as tradicións mesturandoas con novas aprendizaxes e descubrimentos como que a música rock nos encanta.

Así o tradicional magosto transformouse nun festival no que tivemos que apañar castañas no noso monte particular, preparamos "choripán" para non ter fame, construímos as nosas guitarras castaña, vestímonos como auténticos rockeiros e aínda que nos impresiona ter público podo asegurarvos que pasamos moi bos ratos bailando e cantando éxitos como "Dame máis castañas!", "Quiero leche" ou "Fame".

Tralo éxito deste ano, seguro que este festival terá máis edicións. Atentos para non quedar sen as vosas entradas!

SAMAÍN

Chegou o tempo dos medos pero tamén das risas… Rimos ao descubrir que nos encanta ensuciarnos e que os monstros que se lavan na lavadora non asustan a ninguén.

Queredes ver como o pasamos?

Velaí un pequeno vídeo.

AS MAIMIÑAS

Despois de moitos meses sen acudir a actuacións nin facer excursións, hoxe disfrutamos dunha actuación musical na sede do cra que nos levou de viaxe por países como Reino Unido,Australia,Italia, … 

Aínda que sentadiños, disfrutamos un montón!

Carreira solidaria

Un ano máis unímonos á iniciativa solidaria da Fundación “Uno entre cien mil”e participamos nunha nova carreira solidaria na que corrimos, saltamos e superamos todo tipo de obstáculos coa finalidade de contribuir á investigación contra a leucemia infantil.

                                                                                                                                                                                Sodes uns campións!

Con motivo do volcán…

A partir da nosa experiencia sobre os volcáns e de comprobar as propiedades das pedras volcánicas propuxémonos experimentar con pedras. Cada un trouxo unha pedra e descubrimos as súas propiedades e características pero ¿por qué son diferentes?

Para comprendelo, puxémonos a experimentar empregando… CARAMELOS! Os doces convertéronse en rochas que sufriron todo tipo de procesos que deron lugar a novos tipos de pedras. Así descubrimos que as rochas se poden clasificar en tres tipos cuns nomes… raros, raros,…

Mirade o noso traballo

Ola familia,

O pasado xoves un paquete chegou á escola. Nun primeiro momento pensamos que alguén pedira algo por Amazon… pero non! Era do noso amigo Lupo. Por fin tivemos novas del! Contounos que a través dos contos descubríu que hai un montón de sitios incribles e que os quixo coñecer. Tamén nos contaba onde está e nos envíaba algunhas cousas típicas dese lugar.

Seredes quen de adiviñar de qué sitio se trata?

Premede na seguinte imaxe e… sorte!

Seguro que o conseguides pero se non…

Velaí vos van unhas fotiños

Saúdos dende a escola

O teu navegador non soporta este vídeo.

De volta na escola!

Parece que foi onte cando pechamos a porta para desfrutar dunhas merecidas vacacións e xa estamos de volta!

Cos peques de novo nela, a escola volve a ser un espazo vivo, cheo de ruido e de movemento.

 Un espazo no que compartir o que pensamos, sentimos e que sabemos cos outros.

Nestes primeiros días, estamos a recuperar as rutinas e a recibir aos novos e ás novas compañeiras. Agardamos que pronto sintan este espazo como propio e que desfruten xogando, bailando, …

Pero… neste regreso, notamos a falta dos nosos compañeiros e das nosas compañeiras que comezan a súa etapa de educación primaria, moito.

E tamén da nosa mascota, Lupo que non está por ningures. Nun intento por encontralo, temos preparado uns carteis para tentar atopalo, ¿qué vos parecen?  

Hoxe é un gran día,

De novo á escola énchese de:

Ideas,

Lágrimas,

Unicos momentos,

Sorrisos,

impaciencias,

orixinalidade e

nervios.

Comeza un novo curso, unha viaxe que nos levará a coñecernos, a aprender e a compartir momentos e situacións que seguro non nos deixarán indiferentes.

Benvidas e benvidos!

Como vos comentei o último día de clase, somos uns magníficos buscadores de bichiños e compartir os nosos achados cos compañeiros e compañeiras nos encanta.

Xa chegaron as primeiras fotos e velaquí están

Brais – chinche das malvas

Katia - xoaniña

Mil grazas! E seguide buscando!

Remata un curso tan especial que non teño nin palabras para definilo.

Só darvos as grazas por tanto esforzo, tanto cariño, tanto amor…