Latín e Grego

Durante a mañá do mércores 30 de outubro, e tal como fixemos o curso pasado, os alumnos de latín de 2º de Bacharelato do MGB visitaron a Biblioteca América da USC, sita no Pazo de Fonseca de Santiago.

Este ano, ademais de poder ver e tocar a edición fácsimil do orixinal de 1055 do Libro de Horas de Fernando I, tivemos a oportunidade de ter diante dos nosos ollos edicións antigas (séculos XVI e XVII) de clásicos da literatura latina, como Plauto, Terencio, Cicerón ou Ovidio.

O pasado xoves 4 de abril, na facultade de Filoloxía da USC, as alumnas de 2BAC Patricia Riveiro, Alexandra Gambino e Carlota Goldar, participaron nas probas de tradución de grego, dentro da V Olimpíada de tradución de textos clásicos organizada por SEECGalicia. A festa de entrega solemne de diplomas a todos os participantes e de premios aos tres primeiros clasificados en cada modalidade terá lugar o próximo 15 de maio na mencionada Facultade de Filoloxía. 

Onte xoves no segundo recreo fixemos entrega na MeGaBiblio dos premios correspondentes á edición 2019 do concurso de Cultura Clásica Odisea.

Os grupos gañadores foron os seguintes:

1. FAMILY FRIENDLY, de  3ESO (Jesús Silva, Mauro Iglesias e Brais Vinseiro)
2. RAPSODAS ESTRADENSES, de 1BAC C (Victoria Pazos, Ana Quintela e Lucía Rey)
3. MI FAMILIA ADOPTADA, de 3ESO (María Porto, Carla Viqueira, Laura Salgueiro)

O pasado xoves 8 de novembro, os alumnos de latín de 2BAC do MGB estiveron visitando as dependencias da Biblioteca América da USC no Pazo de Fonseca, onde puideron admirar a edición facsímil do Libro de Horas de Fernando I de León, un códice de 1055, anterior ao códice Calixtino.

O pasado mércores, os alumnos de Cultura Clásica, Latín e Grego, participaron nos III Ludi Compostelani na Facultade de Filoloxía de Santiago, organizados por SEECGalicia. O MGB participou coa organización dun obradoiro de microteatro, onde se representaron escenas da adaptación da Odisea que fixo o escritor estradense Xosé Luna.

1. ΣΕΛΗΝΗ (María Rozados, Adela Sánchez, Carlota Campos) 1ºBAC B
2. STVLTVS QUI ID LEGIT, (Adrían Rodríguez, Pablo Fernánez, Nicolás Puente), 2ºBAC C 
3. RVRSVS RVRSVS, (Ángela Vinseiro, Aldara Baliño), 2ºBAC C 

Mañá venres no 2º recreo, na Biblioteca do centro,  faremos entrega dos premios MGB aos 3 primeiros clasificados na Odisea 2018 .

Ven e dálles un merecido aplauso!

Hoxe presentamos aos gañadores do concurso de disfraces do Entroido MGB:

"El Cártel de Roma (Romae Societas)", protagonizado por Adrián Gago (Adrianus) como Gustavo, e Sebastián Eiras (Sebastianus) como Pablo.

Hoxe no primeiro recreo tivo lugar a entrega de premios do concurso de Cultura Clásica Odisea 2017.

O vindeiro mércores 13 de abril alumnado de Latín, Grego e Cultura Clásica de 3º e 4º de ESO e Bacharelato viaxará a Ourense ao Festival de Teatro Grecolatino no que asistirán ás seguintes representacións teatrais: Euménides de Esquilo e Gemelos de Plauto (Grupo Noite Bohemia, A Coruña). Estarán acompañados por Álvaro Pérez, Beatriz Mera, Miguel Bugallo e Teresa Filloy.

Hoxe no segundo recreo tivo lugar a entrega de premios do concurso de Cultura Clásica Odisea 2016. Os gañadores do MGB foron os equipos seguintes:

• 1º clasificado: VDECARBALLO (Lucía Vázquez, Lucía Sanmartín, Paula Durán 2º BAC C)
• 2º clasificado: VITA MILITIA (Soraia Domínguez, Nerea Sanmartín, Carla Ferrero 2º BAC C)
• 3º clasificado: εν τω κατω κοσμω (Ana Sayáns, María Somoza, Mariña Pena 1º BAC C)

Aínda que finalmente ningún equipo puido pasar ao desempate temos que salientar o gran traballo realizado, xa que só unha grafía incorrecta nos privou de estar entre os mellores de Galicia. Intentaremos mellorar o resultado para a próxima edición.

A partir das 9:20 da mañá do xoves 4 de febreiro e ata as 14:25 horas, dende a Biblioteca e as salas de informática, os alumnos de Cultura Clásica e Latín e Grego do MGB participarán na XI edición do concurso de Cultura Clásica Odisea 2016, xunto con outros centros de Galicia, Valencia, Castellón, Alacant, Catalunya, Aragón, Valladolid, Extremadura, Cádiz, Córdoba, Granada, Málaga, Sevilla, La Rioja e Canarias.

Organizado pola Sección Galega da Sociedade Española de Estudos Clásicos (SEECGalicia), a temática este ano xirará en torno a “A guerra en Grecia e Roma”. 

Os alumnos de Grego de 1º de BAC realizarán mañá venres a 2ª hora e no 1º recreo, un obradoiro de escritura en grego antigo sobre papiro, empregando textos de Homero e a poetisa Safo. Se estades interesados podedes pasar no recreo a ver o resultado.