Latín e Grego

Hoxe mércores, no primeiro recreo, terá lugar a estrea mundial do vídeo da Viaxe a Roma. Será en multimedia 1. Estades todos invitad@s!

Xa están cargadas na nosa galería en Flickr, as fotografías da nosa viaxe a Roma. Aquí tedes unha fermosa presentación en pantalla completa cunha selección das mesmas.

E a vindeira semana, estrea do vídeo!

O noso centro acollerá o vindeiro mércores, de 16:30 a 19:30, a proba de desempate entre os equipos que acadaron igual puntuación na fase galega do concurso Odisea 2010 de Cultura Clásica.

Serán 4 equipos: un do IES Antón Losada, da Estrada (Veneris Regula), outro que virá dende o IES María Soliño de Cangas (María Soliño), e os dous equipos do noso centro, as DIVINAS, composto por Noa, Catuxa e Sandra, alumnas de 4ºC de ESO, e ACHLYS, integrado por Paula e Andrea, de 2º C de Bacharelato.

Recordamos que o gañador do concurso en Galicia disputará a final co gañador na comunidade valenciana. Sorte para todos! (e unha pouca máis para os equipos do MGB...)

Case 50 alumnos (15 equipos) do García Barros están inscritos para participar, a vindeira semana, no Concurso de Cultura Clásica ODISEA 2010, organizado pola sección galega da Sociedade Española de Estudios Clásicos, SEECGalicia.

O certame consiste nunha serie de preguntas que os equipos, de ata 3 membros, deberán responder directamente dende a web do concurso o luns, martes, mércores e xoves próximos. Participan nel case 50 centros de toda Galicia, cuns 700 alumnos en total. Os gañadores en Galicia competirán co equipo gañador da Comunidade Valenciana, nunha segunda fase a nivel Estatal. 

Os nosos alumnos estarán dirixidos polos profesores Esther Barroso e Álvaro P. Vilariño. dende os  departamentos de Latín e Grego. Moita sorte a todos!

Mañá martes de 10 de marzo dentro das actividades do proxecto "2000 anos por correo" os/as alumnos/as de 4º ESO B, 1º Bacharelato C e 2º Bacharelato C irán a Lugo a ver dúas obras de teatro Grecolatino: "Antígona "e "Mostellaira". Sairán ás 8:45 horas e voltarán sobre ás 20:00 horas

Presentamos o vídeo da viaxe dos alumnos de latín de 2º de Bacharelato a Tarragona, dentro do proxecto dos "2000 años por correo".

O pasado sábado 30 de xaneiro regresaron os/as alumnas que participaron en diversas actividades do proxecto "2000 anos por correo" en Tarragona durante os días 27, 28, 29 de xaneiro. Alí realizaron talleres de arqueoloxía, lucernas e lexionario nas instalacións do Camp d´aprentenatge, visitaron o museo arqueolóxico de Tarraco e o museo provincial, o anfiteatro e o circo,  e tamén fixeron un percorrido polas ruinas da villa romana dels Munts. Accede dende aquí á galería de imaxes desta viaxe.

Durante a pasada fin de semana os alumnos e profesores pertencentes ao proxecto dos "Dous mil anos por correo" viaxaron ás Médulas e aos actos do "Arde Lucus" .

Isto é un resumo do que viviron.

Dentro do proxecto "Dos Mil años por correo" os alumnos irán a Lugo e ás Médulas os días 20 e 21 de Xuño.

Hoxe, no 2º recreo, tivo lugar na sala de usos múltiples a proxección do vídeo "Iter Saguntinum", que recolle a viaxe realizada no pasado mes de abril a Sagùnt e Valencia polo grupo de alumnos do MGB pertenente ao proxecto dos "Dos Mil años por correo". Preme en ler máis para ver a película.