Este luns deron comezo os obradoiros de "Samaín Saudable". Os/as cociñeiros/as foron os alumnos de 5º e 6º de Educación Infantil que elaboraron unhas deliciosas piruletas terroríficas que, ademais de sans, conforman un dos doces apropiados para esta época.

Dentro das actividades programadas para celebrar o Samaín, este luns día 3 de outubro comezará, sen dúbida, a máis apetitosa. En colaboración con "Arabela, atelier de doces" levaranse a cabo obradoiros de cociña dirixidos a todo o alumnado nos que se experimentará con novas receitas e ingredientes, dende unha perspectiva saudable e intentando introducir novos sabores. Botádelle un ollo á primeira receita xa que, se vos resulta de interese, poderedes realizala na casa. Sen dúbida, será un Samaín delicioso!

Xa está aquí a nosa revista que publicamos cada ano dende o curso 2011-2012: "AS BRAÑAS". Nela recóllense moitas das actividades que fomos levando a cabo no noso centro ao longo do curso. Para a súa elaboración contamos coa axuda de todo o alumnado e profesorado do centro.

Invitámosvos a que lle botedes unha ollada.

Este curso tamén participamos co alumnado de 3º de educación primaria no concurso "Radio na Biblio" convocado por bibliotecas escolares.

Nesta ocasión preparamos e gravamos un podcast sobre animais da nosa contorna e poesías de tradición oral sobre eles.

Queredes escoitalo? Pinchade na fotografía.

O pasado 21 de marzo celebrouse o DÍA DA POESÍA e para esta celebración pedimos a colaboración das familias para que participaran dende as súas casas achegando vídeos onde apareceran recitando poesías seleccionadas por elas para así compartilas co resto da comunidade educativa.

Estamos moi agradecidos polas achegas e a participación. O resultado de todas estas achegas poderedes velo no seguinte vídeo.

Queremos agradecervos moitísimo a vosa participación!!!!! Moitísimas grazas, os vídeos son fantásticos!!!! BRAVO!!!!

Un ano máis o noso centro participou no concurso convocado conxuntamente pola  Secretaría Xeral de Educación e Formación Profesional e a Secretaría Xeral da Igualdade  para o deseño do cartel do día 8 de marzo con motivo da celebración do Día Internacional da Muller.

A través deste concurso preténdese fomentar a promoción da igualdade e dar visibiliddade a contribución das mulleres nos distintos ámbitos así como promover a reflexión sobre os estereotipos de xénero que aínda existen na sociedade e as causas e a orixe da discriminación de xénero.

Todo o alumnado de primaria participou e elaborou distintas propostas grazas a mestra de educación artística: Malena. De todas as propostas só se podían escoller dúas (unha para cada categoría). Nos carteis elaborados intentouse transmitir unha mensaxe positiva sobre a participación activa das mulleres na sociedade e promover a loita contra as desigualdades de xénero.

No seguinte vídeo, amenizado coa canción das Tanxugueiras: "Que non mo neguen", queremos compartir con vós todos os carteis elaborados polo noso alumnado de educación primaria.

O día 23 de febreiro celébrase o nacemento dunha das nosas figuras máis importantes da nosa cultura: ROSALÍA DE CASTRO.

Ao longo destas semanas todo o alumnado do noso centro estivo traballando sobre a autora seguindo as propostas da Asociación de Escritoras e Escritores en Lingua Galega. Como a flor favorita de Rosalía de Castro eran os pensamentos as propostas consistiron en:

- O alumnado de educación infantil, 1º e 2º ciclo de primaria pintaron e recortaron os pétalos dos pensamentos e pegáronnos ao redor do rostro de Rosalía de Castro. En cada pétalo escribiron unha palabra dalgún dos seus poemas ou algunha que lles gustara especialmente.

- O alumnado de 3º, 4º, 5º e 6º de educación primaria tamén pintaron e recortaron os pétalos dos pensamentos e pegáronnos ao redor do rostro de Rosalía de Castro pero en cada pétalo escribiron un verso de Rosalía de Castro. Ademais o alumnado de 3º e 4º de educación primaria recitaron poemas da autora, o alumnado de 5º e 6ºA de educación primaria elaboraron uns HAIKUS e o alumnado de 6ºB escribiron e interpretaron un RAP.

Queremos compartir con todos vós este fantástico traballo. Para acceder pinchade nas imaxes que aparecen a continuación:

- VÍDEO DOS PENSAMENTOS acompañado DO RAP ELABORADO POLO ALUMNADO DE 6ºB:

- ALUMNADO DE 3º E 4º EP RECITANDO A ROSALÍA:

 - HAIKUS ALUMNADO DE 5ºEP:

 - HAIKUS ALUMNADO DE 6ºA

 - RAP DO ALUMNADO DE 6ºB:

Dende o ano pasado temos a sorte de contar na nosa escola cunha radio e como o vindeiro 13 de febreiro celébrase o Día Mundial da Radio gravamos para a ocasión uns podcasts co alumnado de 3º e 4º de educación primaria.

As alumnas e alumnos de 3º gravaron os contos da Rata Luisa e os de 4º fixéronlle unha entrevista á mestra Sonia sobre unha das súas paixóns: a música tradicional.

Esperamos que desfrutedes tanto escoitándoos como nós o fixemos preparándoos e gravándoos.

Pinchade na imaxe para escoitar cada un dos podcasts.

O alumnado de 6º e 5º de educación primaria levaron a cabo unha investigación sobre persoas relevantes na loita pola Paz. A continuación deixámosvos cos seus traballos e uns podcast que expoñen o seus traballos. Escanea os códigos QR para escoitalos.

Para a conmemoración do Día escolar da PAZ e da NON VIOLENCIA preparamos este rosco de palabras para ver cantas palabras coñecedes que gardan relación coa temática.

Pensamos que era boa idea, xa que en colaboración co Equipo de Convivencia todos os alumnos e as alumnas do centro tamén escribiron nunha pluma unha palabra que para eles e elas representaban a PAZ. Con todas elas despois elaborarase a pomba da paz de Picasso.

Esperamos que vos guste!

Prezadas familias,

Temos o pracer de compartir con todas e todos vós o vídeo que realizamos coas vosas "manualidades" de Samaín. Aproveitamos para felicitarvos polo fantástico traballo levado a cabo!

Esta exposición, grazas a vosa colaboración, aínda que non poidamos realizala de xeito presencial por mor desta situación na que estamos inmersos, si podemos levala a cabo de xeito virtual.

Moitas grazas pola vosa participación!!! Sen a vosa axuda non sería posible!!!

Esperamos que desfrutedes da exposición virtual!!!

Durante estas semanas estivemos coñecendo o pintor Urbano Lugrís. Coñecemos datos sobre a súa vida e as súas obras e serviunos de inspiración para reproducir os seus cadros e para crear os nosos propios seres mitolóxicos para celebrar o Samaín. Todas estas creacións decoran os corredores do noso centro. Deixámosvos un vídeo onde poderedes velas todas.

Queremos compartir con vós estes recursos encontrados na web para aprender máis sobre a festa do Samaín e ao mesmo tempo pasalo ben!!!

Para educación primaria:

 Para educación infantil:

Como xa sabedes, este ano no centro estivemos traballando lendas e seres mitolóxicos galegos que inspiraron ao pintor Urbano Lugrís. Os alumnos e alumnas de 6º de educación primaria gravaron na radio varios destas historias para dar comezo á celebración do Samaín.

Fixérono xenial!!!! Esperamos que vos guste. Pinchade na foto para escoitalos!!!

 Este curso seguimos contando con restricións por mor da COVID-19 polo que debemos aínda adaptar a celebración das primeiras festas do curso: SAMAÍN e MAGOSTO.

 Como xa sabedes, o venres 29 de outubro será un día especial no centro e animámosvos a todos e todas os que aínda non subistes as vosas creacións a que o fagades para poder desfrutar dunha fantástica exposición web. Tedes de prazo ata o martes 26 de outubro.

 MOITAS GRAZAS POR PARTICIPAR!!!!

 A continuación deixámosvos os dípticos que elaboramos para esta ocasión.