CEIP Plurilingüe Ben-Cho-Shey |

Menú xuño

Ven, 28/05/2021 - 11:55 — Anónimo

Xa está dispoñible o menú do mes de xuño. Preme na imaxe para velo.

FONDO SOLIDARIO DE LIBROS DE TEXTO.

Ven, 21/05/2021 - 10:44 — mariapato

ORDE do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2021/2022.

CONCURSO DE MARCAPÁXINAS

Ven, 07/05/2021 - 13:49 — tere

Algúns alumnnos do noso cole participaron no "Concurso de Marcapáxinas" que convoca o Concello do Pereiro de Aguiar a través da área de Cultura, para celebrar o Día do Libro.

E estamos de noraboa!! Dous dos nosos alumnos: Pablo de 4º de E.I. e Desiré de 6º de E.P. foron os gañadores.

Dende aquí as nosas felicitacións e grazas a todos por participar.

Un agasallo no día do libro

Sáb, 24/04/2021 - 00:49 — mariapato

Neste pequeno vídeo poderedes ver a cara de ledicia dos/as nenos/as do Bencho cando hoxe pola mañá recibiron esta gran sorpresa.

Moitas grazas á nosa ANPA.

Digicraft

Xov, 15/04/2021 - 11:43 — Anónimo

O noso centro foi seleccionado para participar no programa “Digicraft en tu cole” da Consellería de Educación en colaboración coa Fundación Vodafone.

O obxectivo deste programa é formar ao alumnado de 5º e 6º de Educación Primaria en competencias dixitais.

Digicraft parte dunha metodoloxía fundamentada na aprendizaxe colaborativa e busca a participación activa do alumnado a través do xogo e a experimentación, nun contexto que estimula a súa curiosidade, creatividade e desenvolvemento emocional positivo.

A través duns kits de traballo o alumnado realizará unha serie de actividades que van aumentando gradualmente en nivel de dificultade. As actividades combinan o mundo dixital e a tecnoloxía co xogo, o aprender facendo e o desenvolvemento de habilidades motoras.

O programa ten unha duración de dous cursos académicos e será levado a cabo polas mestras Nancy Fernández e Isabel Blanco.

Para máis información pódese consultar a páxina da convocatoria premendo aquí.

Eduardo Díaz Fidalgo

Sáb, 20/03/2021 - 10:17 — benchoprofes

Estimados membros da comunidade educativa: En cuarto estamos traballando sobre un escritor fantástico, veciño noso, de Santa Marta. Coa axuda da familia, á que estamos moi agradecidos, queremos que todos o coñezades e desfrutedes dos seus marabillosos libros. Con este enlace podedes ver moita información que vos vai ser moi interesante. Xa veredes!

BIBLIOBENCHO NAS REDES SOCIAIS

Mar, 09/03/2021 - 23:16 — mtemes

Bo día,

Agora nas RRSS podes seguir as novidades e as aventuras que ocorren en Bibliobencho.

Toma nota:

@BiblioBencho Pereiro

@bibliobencho

Xa sabes... dálle like , corazón ou tweet.

Anímate e séguenos.

DIA DA MULLER-8M

Lun, 08/03/2021 - 11:03 — mariapato

Con motivo do 8 M dende o equipo de convivencia organizouse unha actividade dirixida ao alumnado de 5º e 6º de primaria.

VACANTES 2021/2022

Mér, 03/03/2021 - 13:38 — mariapato

VACANTES CURSO 2021/2022
CURSO	VACANTES
4º E.I	50
5º E.I	22
6º E.I	21
1º E.P	7
2º E.P	23
3º E.P	0
4º E.P	25
5º E.P	13
6º E.P	21