Instalacións
Estrea de novos espazos
Onte, 22/11/19, foi un día de estrea de distintos espazos creativos para os alumnos e alumnas do CEIP Carrasqueira, dende un rincón de teatro onde facer improvisacións, actuacións musicais ou poñer a proba as distintas habilidades artísticas ata un rincón de xogo máis calmado, onde sentarse e pensar na estratexia a seguir para gañar ao xadrez, as damas ou outros xogos de mesa.
Premede na seguinte ligazón https://twitter.com/Carrascoruxo/status/1197853475742322688?s=08 para para descubrir iso do que tod@s falaban no patio
ESTREAMOS NOVO PATIO EN INFANTIL
Neste verán na nosa escola tivo lugar un cambio importante no patio de infantil; froito dun proceso longo de reflexión e debate por parte das mestras deste ciclo, e que trasladaron á comunidade educativa, co apoio do equipo directivo, tanto o saínte coma o entrante.
Tratouse de trasladar ao espazo de xogo, unha perspectiva diferente desta zona, creando ambientes e espazos de aprendizaxe, movemento, experimentación e desfrute en contacto continuo coa natureza. Dando cabida a diferentes actividades, ritmos e estilos de xogo dos diferentes nenos e nenas e apetenzas de cada momento:
-Un espazo de actividade intensa e movemento cos troncos de equilibrio e trepa
- Un espazos semi-activo e sensorial cun panel instrumental e cunha cociniña xunto as plantas aromáticas para o xogo simbólico.
- A zona do areeiro cos cacharriños, carretillas, caldeiros e pas que tanto lles gusta.
- E unha zona tranquila coas cabañitas para falar, descansar e ler contos.
Estamos moi content@s co resultado, creemos que están desfrutando moito , e que se alcanzaron os obxectivos plantexados no proxecto.
Queremos agradecer a todas as familias que colaboraron e participaron para facer isto posible; e facer unha mención especial ao noso papá carpinteiro que escoitou as nosas propostas e co seu bo facer e grandes dosis de ilusión, motivación e creatividade o fixo posible. Graciñas.
Máis información aquí