Volvemos cun novo episodio de Dino Radio, desta volta adicado ao cubo de Rubik, ese cubo que algúns non damos resolto nin de broma, e que outra xente resolve coas mans nas costas. Asier, que é un destes últimos, nos fala do cubo nunha entrevista que se lle fixo no obradoiro de Radio que temos os venres no recreo do comedor.

Escoitádea, non ten desperdicio!

Esta semana estamos de noraboa, porque estamos recuperando algunhas das actividades que máis felices nos facían, como son os apadriñamentos lectores, e como non, "os martes....Conto".

E nos fan felices porque é o alumnado e as familias as que collen as rédeas destas iniciativas e partillan o seu gusto pola lectura, facendo, de seguro, nenas e nenos lectores do futuro.

Moitas grazas ás nais e pais contadores de contos, por traernos a ilusión, a fantasía e a maxinación á biblioteca.

E ao resto, animádevos a vir escoitar contos e, porque non, a contalos!

Rematou a pandemia e podemos volver a atoparnos nos recreos, a ser unha comunidade lectora e solidaria. Así que volvemos ter a felicidade de ver no patio de infantil ao alumnado de sexto que van contar aos seus alumn@s apadriñad@s un contiño no recreo.

Por iso vos deixamos aquí a constancia gráfica dos apadriñamentos lectores que de novo volven a encher de historias os nosos recreos.

Como xa dixemos no Barquiño de papel do mes de novembro, deixámovos aquí os materiais (o fondo de pantalla e as imaxes necesarias) para realizar este sinxelo xogo que consiste na realización dun circuíto eléctrico.

Temos que programar para que a bombilla se acenda cando estea ben colocada no circuíto, e tamén o interruptor. Para que funcione, ademáis, temos que facer que o interruptor se poña en "on" cando poñamos o rato por riba del.

É un proceso complicado, xa que temos que facer que a bombilla e o interruptor teñan dous disfraces, un apagado (off) e outro acendido (on).

Tamén temos que crear dúas variables, para que o programa saiba se se cumpren as condicións para acender a bombilla.

Tanto para o interruptor como para a bombilla temos que programar a súa función cunha variable condicional.

Por último o interruptor tamén temos que programalo para que se poña en posición de encendido cando poñamos o rato por riba del, por suposto con outra condicional.

Animádevos a realizar este reto, estamos convencidos que despois de trastear un pouco iremos conseguindo que funcione. Veña, que sodes uns "cracks"!!!

Deixámovos aquí o vídeo co que queremos aterrorizarvos nesta festa do Samaín.

Tamén queremos animarvos a ler algúns destes títulos, escolmados para vós de entre os títulos de terror da nosa biblioteca

Tamén vos deixamos un vídeo de como o alumnado de sexto curso preparou o tunel do Terror, que despois da pandemia puido volver a se realizar

Christian Barrio, un noso ex-alumno acaba de escribir un libro onde recolle  a súa memoria familiar que se relaciona coa mina de Valborraz, xa que o seu avó foi o último gardián da mina.

Volve, co outono e a xornada partida, a Lectura Silenciosa ás nosas aulas. Así é como comezamos a nosa xornada escolar, cuns minutos de lectura persoal, en silencio, concentrados, desfrutando de todo o que nos pode ofrecer un libro, esa fiestra ao coñecemento, á fantasía, ao pasado e ao futuro.

E así continuaremos durante todo o curso, aprendendo a ser lector@s en compañía dos nos@s compañeir@s.