SIMULACRO DE EVACUACIÓN

Hoxe fixemos un exercicio de simulacro de incendio no noso cole.
Foi un éxito pois logramos evacuar en pouco máis de catro minutos a todos os ocupantes do centro, entre eles máis de cen alumnos de infantil.

Fíxose nun clima de tranquilidade e colaboración. 
Un responsable dos Bombeiros do Parque Comarcal do Eume foi controlando todas as nosas actuacións indicándonos ao remate aqueles aspectos a mellorar.

Mentres Protección Civil extinguía o incendio, persoal sanitario do Centro de Saúde de Pontedeume atendía con profesionalidade e cariño a alumnos e alumnas que simularon resultar feridos.
Actuacións como estas sírvennos para educar ao alumnado en prevención e seguridade, comprobar o axeitado funcionamento dos medios humanos e materiais previstos para situacións de emerxencia, valorar a resposta e participación dos ocupantes e cuantificar o tempo empregado.


Temos que agradecer a colaboración da Policía Local de Pontedeume, dos Bombeiros do Parque Comarcal do Eume, do persoal sanitario do Centro de Saúde de Pontedeume e especialmente da Agrupación de Voluntarios de Protección Civil de Pontedeume que se volcou na formación, desenvolvemento e valoración de todo o proceso.

 

 

    

 

SIMULACRO DE EVACUACIÓN

 

 

AVISO IMPORTANTE


 Respondendo á necesidade de seguridade nos centros escolares, e como parte das prácticas pedagóxicas habituais neste campo, vaise realizar un simulacro de evacuación no colexio, durante esta semana.

Non se indican día nin hora exactos para non restar efectividade ao mesmo, pero informamos para evitar que cundan alarmas innecesarias ante a posible presenza de ambulancias, protección civil, policía, etc.
Como sempre, grazas pola vosa colaboración.

MAIOS 2016

 

Como todos os primeiros de maio, unha invasión de cores e olores chegou ao Couceiro. Unha fermosa mestura de traballo colaborativo de alumnado, familias e profesorado, deu vida e continuación a unha das tradicións máis característica da nosa vila, a festa dos Maios.

Nun ambiente lúdico identificamos, clasificamos e debuxamos plantas e flores, cantamos e fomentamos actitudes de axuda e colaboración ao tempo que participamos da cultura popular de Pontedeume.

Un ano máis... grazas familias pola vosa colaboración !!!

 

 

  

  

ARPA LEAP MOTION

Hoxe o alumnado de quinto de primaria participou nunha videoconferencia sobre robótica dentro do proxecto ARPA LEAP MOTION. O reto consistía en conseguir deseñar, programar e facer soar un arpa para que o alumnado creara a súa propia música. Para acadalo, a investigadora Susana Oubiña introduciu aos rapaces e rapazas na robótica utilizando o software Scratch 2.0, que conectou ao dispositivo de infravermellos Leap Motion. Como produto final, obtívose un instrumento musical (arpa), que se podía usar de maneira moi sinxela, só movendo no aire os dedos das mans.

     

 

LISTA DE ADMITIDOS

 

 

Xa están publicadas no taboleiro de anuncios as listas do alumnado admitido. A formalización da matrícula será do 20 ao 30 de xuño.

Mentres a natalidade na nosa vila vai descendendo, a matrícula no  noso centro vai aumentando.

Grazas por confiar en nós !!!

!  

 

AUTOPROTECCIÓN

Agradecemos a Protección Civil de Pontedeume o cariño e a paciencia que están mostrando cando explican ao noso alumnado de que medios dispoñen, cales son os posibles riscos e como debería afrontar unha situación de perigo.

                                                 

 

VAI X DIANTE

Estes días o alumnado de sexto de primaria participa no programa  do Concello de Pontedeume "VAI X DIANTE". O seu obxectivo é a prevención do consumo de drogas no ámbito educativo.

Están a traballar tanto as competencias conductuais, sociais e cognitivas como as emocionais. A finalidade é que poidan mostrarse máis competentes para establecer vínculos prosociais e facer fronte ás presións do ambiente favorables ao desenvolvemento de condutas de risco para a saúde.

 

DÍA DA POESÍA

O pasado venres,18 de marzo, celebramos o Día da Poesía. Este ano decidimos saír á rúa e recitar os distintos poemas de Manuel María recollidos no seu libro "Os soños na gaiola". Con eles percorremos diferentes lugares da nosa vila, e este foi o resultado...

FOTOS


ALMORZOS PARA MADRUGADORES

      O alcalde de Pontedeume anuncia a posta en marcha do programa "Almorzos para madrugadores" no noso centro.

      Esta medida axudará a conciliar a vida familiar e laboral das familias do noso concello.

Ver noticia en La Voz de Galicia ou en Diario de Ferrol

 

 

MATRÍCULA 2016-2017

         matricula

 

 CURSO 2016-2017

 

DO 1 AO 29 DE MARZO ÁBRESE O PRAZO PARA A

PRESENTACIÓN DA SOLICITUDE DE ADMISIÓN.

 

Visitas guiadas para coñecer o noso centro os martes 1, 8 e 15 de marzo

en horario de 17.00 a 18.00 horas


Máis información aquí 

 

 

Distribuir contido