Hoxe tivemos unha nova experiencia matemática na clase:
¡Que rebumbio!
Eramos 2 grupos (A e B) competindo por superar unha proba matemática...o resultado como dín as mestras sempre se pode mellorar. Iso sí aprobamos con moi boas sensacións de organización, traballo en equipo...para ser a primeira vez SAIUNOS DE MATRÍCULA!!!
Dependemos da supervivencia das abellas
As abellas e outros polinizadores, como bolboretas, morcegos e colibrís, están cada vez máis ameazados polos efectos da actividade humana.
A polinización é un proceso fundamental para a supervivencia dos ecosistemas, esencial para a produción e reprodución de moitos cultivos e plantas silvestres. Case o 90 por cento das plantas con flores dependen da polinización para reproducirse. Así mesmo, o 75 por cento dos cultivos alimentarios do mundo dependen en certa medida da polinización e o 35 por cento das terras agrícolas do mundo. Os polinizadores non só contribúen directamente á seguridade alimentaria, senón que tamén son esenciais para conservar a biodiversidade.
Para concienciar sobre a importancia dos polinizadores, as ameazas ás que se enfrontan e a súa contribución ao desenvolvemento sostible, as Nacións Unidas declarou o 20 de maio Día Mundial das Abellas.
O obxectivo principal é protexer as abellas e outros polinizadores para que poidan contribuír de forma significativa a resolver os problemas relacionados co abastecemento mundial de alimentos e acabar coa fame nos países en desenvolvemento.
Todos dependemos dos polinizadores e por iso é fundamental controlar o seu declive e frear a perda de biodiversidade.
Outros animais polinizadores, ademais das abellas:
Que podemos facer?
Ti, no teu día a día:
Os apicultores e agricultores poden:
E como actividade final elaboramos unha creación artística:
Este ano o DÍA DAS LETRAS GALEGAS está adicado a LUISA VILLALTA, unha coruñesa ilustre que loitou pola igualdae, pola diversidade e pola liberdade.
Diferentes actividades leváronse a cabo na clase como visionado dun vídeo coa súa biografía contado por nenos e enas coma nós, unha coreografía cun dos seus poemas SILENCIO e coa creación artística poñendo en funcionamento a nosas creatividade e diferentes técnicas de arte plástica:
E así quedou o mural deste ano na aula
Chegou o inicio dos agardados XOGOS DE PRIMAVERA, organizados pola mestra de EF, Marita. Diferentes competicións deportivas que van a poñer de manifesto moitos valores tal como deportividade, respecto, compañeirismo, igualdade...vanse celebrar todos os recreos entre os diferentes niveis dos diferentes ciclos.
No primeiro ciclo de EP, concretamente en 2ºB, imos participar en BRILÉ e para iso deseñamos unhas camisetas para os dous equipos que fixemos na nosa clase:
De maneira interdisciplinar en plástica, proxecto competencial e ciencias naturais estamos a traballar diferentes tipos de flores, que, despois de investigar e recoñecer características, plasmamos nun lenzo empregando acuarelas, lapis acuarelables ou témperas.
Como resposta á segunda actividade proposta polas educadores titulada VERSIONANDO A VESTIMENTA rematamos a primeira parte . Partimos da obra deste artista, Joaquín Sorolla, titulada O TIPO DE GALICIA ou A GALEGA para deseñar e versionar elementos típicos do traxe rexional galego, que pintou no tempo que estivo na nosa Comunidade para pintar o panel de Galicia.
Así nos quedou, despois dunha longa xornada de traballo intenso:
Na última sesión de PC que plantamos no noso bancal de aula patacas e tomates cherri e xa temos plantas á vista:
Agora toca coidar e mimar a nosa produción agrícola!
O Día de Europa celébrase cada 9 de maio. Neste día celebramos a paz e a unidade en Europa. Nesta data cúmprese o aniversario da coñecida Declaración Schuman, na que expuxo a súa idea dunha nova forma de cooperación política en Europa, que faría inconcibible a guerra entre as nacións europeas. A proposta de Schuman considérase o inicio do que hoxe é a Unión Europea.
Dentro do curriculo do 2º nivel estamos inmersos nun proxecto que afonda no sector secundario da vila, a súa industria.
Toca experimentar, nunha primeira actividade, coa industria máis preto de nós, a queixería GALMESÁN:
Canta información nos deu Carmela, a gerente de Galmesán. Moita e moi interesante, por exemplo que fan falta 200 litros de leite para facer un queixo destes de 12 kg, que os queixos florecen, o ritual a seguir para facer 42 queixos, os mimos que hai que darlle...ata chegar a distribución e empaquetado para que nós poidamos saborear.
Grazas polo agasallo que levamos para facer unha boa e apetitosa merenda, queixo GALMESÁN.
O 2 de maio celébrase o Día Internacional contra o Acoso ou Bullying, co obxectivo de concienciar sobre o risco do acoso escolar en nenos e nenas e mozos e mozas de todo o mundo, así como buscar mecanismos para evitar este mal, que hoxe se converteu nun terrible perigo para todos e todas. Hoxe en día, o ciberacoso está á orde do día.
Temos que tentar previr e educar no respecto e no amor a nós mesmos e aos demais: todos e todas merecemos ser felices e sorrir compartindo momentos agradables, tratando de axudar aos e ás que, pola causa que sexa, non o fan ou non viven ben.
Na nosa clase estivemos vendo unhas curtas sobre esta temática, onde logo falamos sobre o que observamos, o que nos queren dicir, como temos que actuar, como podemos axudar...todos podemos facer algo para que esta data non se teña que visualizar poñendo unha data soamente. E como remate elaboramos uns carteis para expoñer na clase nun lugar moi visible:
Fai que sexa 2 de maio todos os días do ano é o noso lema!
Plantea unha reflexión sobre o acoso escolar desde o punto de vista de quen o observa, pero non decide actuar. Neste caso, a testemuña dos malos tratos cometidos por un neno cara ao resto dos seus compañeiros é unha especie de monstro "perdido" feito cos desperdicios de xoguetes, teas e outras cousas, que vive nunha caixa no patio do colexio da escola. Chámase Lou e, lonxe de quedar parado, decide intervir e levar a cabo un plan para darlle ao matón unha valiosa lección. A historia, que naceu inicialmente para acompañar nas salas a película 'Cars 3', foi nomeada ao Oscar á mellor curtametraxe de animación.
Esta curta promove a reflexión sobre as consecuencias do acoso escolar e insta aos nenos a actuar cando se atopan nunha situación de violencia. Para iso, a historia ten como protagonistas unha pedra, un papel e unha tesoira; personaxes que son acosados por diferentes matóns por igual. Todo cambia cando un día collen coraxe e deciden axudarse mutuamente para enfrontalos. Deste xeito, tamén se transmite o valor da amizade e a súa capacidade para afrontar situacións de acoso escolar.
Un ourizo sofre acoso escolar por parte dos seus compañeiros e sente unha inmensa soidade que o fai vulnerable na escola. Intenta encaixar, xogar cos seus compañeiros e ser un da clase, pero as súas plumas fano diferente do resto. Finalmente, por Nadal, os alumnos e alumnas da súa clase decátanse dos erros que cometen e deciden regalarlle algodón para que os cubra, para que poidan xogar con el e que se sinta un máis. Unha curta que axuda aos menores a entender que todas as persoas son diferentes e únicas e, non por iso, peores ou mellores.
Xunta de Galicia - Consellería de Educación, 2013 | ||
