CEIP Juan Fernández Latorre

Este ano retomamos a plena normalidade e polo tanto realizaremos a tradicional XORNADA DE PORTAS ABERTAS O VINDEIRO LUNS 6 DE MARZO ÁS 18,15H. Tamén poñemos a vosa disposición dúas presentacións de imaxes das instalacións do colexio, unha delas con fotos en 360º. Tamén un lip dub feito hai uns anos, pero que fai un divertido percorrido polo colexio. Por último contades cun tríptico e un documento de preguntas frecuentes que aportan moita información sobre o funcionamento, dependencias e persoal. 

Tres anos despois voltamos co noso clásico festival de Entroido. Acompañados novamente polas familias, e así todos xuntos disfrutamos dos desfiles, bailes e xogos organizados polo profesorado e que neste curso tiña o MUNDO MÁXICO como tema central. Coa participación dos 450 alumnos-as, profesorado e "sientos e sientos" de familiares fixemos unha grande festa, divertida, entretida e variada, da que podedes ver un resumo no seguinte vídeo. Grazas pola participación e axuda a todas e todos!!

IMAXES DA XORNADA

No día de San Valentín o director Juan Vicente e a xefa de estudos, Loli Mantiñán fixeron entrega do recaudado no mercadillo solidario no Día da Paz. Como sabedes a ONG destinataria este curso foi Cáritas da Parroquia de Oza, moi preto do noso colexio. Na entrega estivo presente Victor Pérez Bedía, director desa Cáritas, e agradeceu a todas e todos a implicación pola importante cantidade acadada, e tamén ao centro a iniciativa organizada.

Aproveitando sinerxias, invitamos aos integrantes do equipo dos DEMENTORES de Coruña, campións de España de quiddicht, a que intentasen ensinarnos como xogar a este deporte que ten as súas raices nas películas de Harry Potter. E vaia que aprendemos! e gustou ao alumnado de cuarto, e seguro que tamén o practicaremos con outros alumnos-as doutros cursos. Deixamos unha pequena mostra no seguinte vídeo e agradecemos aos DEMENTORES a súa labor de divulgación deste deporte e dun xeito desinteresado.

Despois de 3 anos retomamos retomamos otra das nosas clásicas actividades conxuntas, a conmemoración do Día Escolar pola Paz nun acto no patio e coa actividade do mercadillo solidario, este ano a favor de Cáritas da Parroquia Sta. María de Oza. Un mercadillo onde participan todo o alumnado e familias aportando e recibindo dun xeito máis solidario, e tamén dando unha segunda vida a xoguetes e libros. Moitas gracias pola participación, e cando teñamos a recadación final a publicaremos aquí: 1160€

O día 30 de xaneiro conmemoramos o Día escolar pola Paz. Nesta ocasión realizaremos un mercadillo de xoguetes e libros coas aportacións desinteresadas do alumnado e as familias. Tedes toda a información na circular explicativa da actividade que podedes ver facendo clic no cartel anunciador.

O martes, 17 de xaneiro, tivo lugar o acto de entrega de premios do Concurso de Debuxo e Fotografía para o 25 N,  pola Igualdade e a Convivencia, promovido pola plataforma PICUS. Contouse coa presenza de representantes da devandita plataforma e da  Concelleira de Benestar Social, ademais, por suposto, de alumnado e familias do noso Centro.

Moitas grazas a todos e todas quen participastes nesta convocatoria e parabéns ao alumnado que realizou os traballos premiados.

Se picades  na fotografía (do xornal A Opinión), accederedes ao artigo que se publicou na prensa.

A partires de hoxe 16 de xaneiro actívase este procedemento de admisión de alumnado para colexios e institutos. Nunha primeira fase corresponde facer a reserva de praza para os centros adscritos. No noso caso todo o alumnado de 6ºEP interesado en continuar estudios no IES Monte das Moas (instituto ao que estamos adscritos) terá garantizada a praza sempre que realice o trámite de reserva de praza antes do 6 de febreiro (o colexio enviará documentación ás familias nos vindeiros días) e o número de solicitudes non supere ás prazas ofertadas.

No caso de solicitude de prazas para 4ºEI ou calquera outro nivel ou cambio de centro, o prazo será do 1 ao 20 de marzo. Publicaremos vacantes e información e instruccións detalladas na segunda quincena de febreiro.

Comezamos o 2º trimestre con novidades. Durante o Nadal instalamos tarima na Biblioteca e na zona da entrada da mesma. Ademáis próximamente será o Salón de Actos o que terá unha renovación con instalación de tarima e outras melloras importantes. Tamén este trimestre estará marcado por conmemoracións clásicas e consolidadas no funcionamento do colexio; mercadillo solidario no Día da Paz, Entroido e Día da Muller Traballadora, entre as destacadas. Nos vindeiros días tamén publicaremos as saídas confirmadas para este segundo trimestre.

Despedimos o primeiro trimestre deste curso voltando ao Salón de Actos a celebrar o noso tradicional Festival de Nadal. Como sempre un éxito de participación, todos os cursos tiveron a oportunidade de realizar unha actuación. Ademáis aproveitamos para despedir ao alumnado de prácticas da UDC e agradecer o seu traballo neste trimestre. Tedes na seguinte lista de reproducción unha boa mostra de todo o acontecido nesta celebración, e a continuación unha selección de imaxes do mesmo festival. BO NADAL E FELIZ ANO NOVO 2023!!!