Atópase exposta para consulta no taboleiro do recibidor do centro a lista provisional de admitidos no proceso de Admisión do Alumnado para o curso 2023-2024.

Adiantamos que todos os alumnos que presentaron solicitudes en prazo foron admitidos.

Esta lista non inclúe as solicitudes fóra de prazo, que aínda están pendentes da resolución pola Xefatura Provincial.

Hoxe dous alumnos de 6º de EP, Manuel e Pablo, fixeron entrega dunha cesta con produtos da Pureza valorada en 100 euros. O agraciado foi Quique, un veciño Cariño, a quen lle damos a noraboa e a quen lle agradecemos o ter colaborado con nós.

Grazas tamén ao resto das persoas que compraron a nosas rifas.

O pasado 23 de febreiro celebramos outro ano máis o día de Rosalía na nosa biblioteca. Co lema "CUMPRIUSEAXUSTIZA" o alumnado traballou a poesía de Rosalía e elexiu versos e palabras onde se ve reflictido a temática do lema deste ano. Escribiron sobre lazos de cores que posteriormente foron colgados dunha árbores , para así encher o aire coas súas palabras. Grazas Rosalía por deixarnos un legado tan importante.

O prazo de presentación de solicitudes estará aberto dende o 1 ao 20 de marzo (ambos inclusive) para todo o alumnado de novo ingreso do curso 2023/24

• Alumnado de 4º educación infantil (3 anos): precisa entregar a solicitude (ED550B) e documento acreditativo da idade do/a alumno/a.
  

• Alumnado de outros cursos procedente doutro centro: (ED550B), documento acreditativo da idade e certificado de matrícula do/a alumno/a.

 A solicitude pódese presentar presencialmente na secretaría do centro ou telemáticamente a través da aplicación "admisionalumnado" para o que é preciso ter a chave 365 ou certificado dixital.

 O modelo pódese descargar nas ligazóns a continuación ou recollela no centro (conserxería ou secretaría).

Modelo ED550B en galego

Modelo ED550B en castellano

1. A partir do próximo luns podedes deixar no salón de actos do cole  as bolsas con roupa e calzado usados para Mariola Solidaria( www.csmariola.com), unha empresa que xestiona a materia recolectada de xeito que se proceda ao seu tratamento en centros de clasificación e reciclado. Unha vez procesado todo o recollido dedícanse parte dos beneficios obtidos durante o proceso de xestión á financiación de proxectos humanitarios dirixidos pola ONG Global Humanitaria (nº rexistro 585703) na India. Durante a campaña que se realizará en 2023 o proxecto con que a Campaña Solidaria Mariola vai colaborar  é : "RIGHT TO EDUCATION" en BENGALA OCCIDENTAL INDIA que consiste na posta en marchade 21 centros de reforzo educativo suplementario para nenos e nenas de Primaria e Preescolar das zonas deprimidas de Murshidabad e Sunderbands.