CEIP Plurilingüe "María Barbeito e Cerviño"

Finalizado o prazo de presentación de reclamacións e non tendo que realizar ningunha modificación, informamos de que as listaxes provisionais pasan a ser as definitivas e procedese no día de hoxe á publicación das mesmas no taboleiro do colexio, situado na entrada principal, para a súa consulta.
A dita información tamén poden acceder telemáticamente a través da aplicación admisionalumnado empregando a Chave365 ou certificado dixital.

Deberán formalizar a matrícula na secretaría do centro entre o 21 e o 30 de xuño. O horario da mesma é de luns a venres de 9 a 13:30 h. e os luns pola tarde de 16 a 18 h. (a partir do día 22 de xuño non estará aberta a secretaría polas tardes).

Documentación a presentar:

• Impreso de matrícula debidamente cumplimentado (pódese recoller tamén en conserxería)
• Enquisa de uso da língua galega tamén cuberto. (pódese recoller tamén en conserxería)
• Catro fotografías tamaño carné.
• Fotocopia da tarxeta sanitaria

 A comisión de escolarización asignará praza nalgún dos centros solicitados, se teñen vacantes. No caso contrario asignará un colexio que teña vacantes e que esté o máis cerca posible ao domicilio ou centro de traballo alegado. Deberían recibir o aviso da Comisión de Escolarización de A Coruña ou do colexio finalmente asignado, antes do 20 de xuño.

O vindeiro luns, día 1 de marzo de 2021 iníciase o proceso de admisión de alumnos e alumnas ao noso centro. O prazo será desde o 1 ata o 22 de marzo.

DOCUMENTACIÓN A PRESENTAR

• Solicitude de admisión.
• Documento acreditativo do requisito de idade do alumno/a.
• Certificado oficial do expediente académico.
• Sentenza xudicial de separación ou divorcio e/ou convenio regulador ondeconste a custodia do menor, de ser o caso.

PRAZOS DO PROCESO

• 1 ao 22 de marzo de 2021: presentación solicitude.
• 25 de marzo a 9 de abril: presentación documentación acreditativa (en caso de ter que baremar).
• Antes do 25 de abril: listaxe provisional de admitidos e non admitidos.
• Antes do 15 de maio: publicación das listaxes definitivas.
• Do 20 ao 30 de xuño: formalización matrícula.

DESCARGA DE SOLICITUDES
Aplicación informática: https://www.edu.xunta.es/admisionalumnado/
Sede electrónica: https://sede.xunta.gal/portada
Consellería de Educación: http://www.edu.xunta.gal/portal/node/32849
Impresos dFispoñibles tamén na conserxería do centro.

Clic na imaxe anterior

OUTRA DOCUMENTACIÓN

Circular informativa do centro

Mapa de zonas de influencia

Criterios de valoración

Resumo de todo o proceso

Horario de secretaría: de luns a venres de 9:00 h. ata 13:30 h.

Luns pola tarde de 16 a 18 h.

Lembramos manter as distancias de seguridade e realizar os trámites un só membro por unidade familiar.

Para calquera dúbida ou consulta, mediante correo electrónico:  ceip.maria.barbeito@edu.xunta.gal ou por teléfono 981262612.

Hoxe, 28 de xaneiro, celébrase o Día Internacional da Protección de Datos, data proclamada en 2006 polo Consello de Europa co obxectivo de informar e concienciar sobre os dereitos e obrigacións en materia de protección de datos.
No ámbito europeo, a norma que garante a protección das persoas físicas no que respecta ao tratamento dos seus datos persoais e á libre circulación destes é o Regulamento (UE) 2016/679 do Parlamento Europeo e do Consello, do 27 de abril de 2016 (RXPD), plenamente aplicable desde o 25 de maio de 2018.  Pola súa banda, a Lei Orgánica 3/2018, do 5 de decembro, de Protección de Datos Persoais e garantía dos dereitos dixitais (LOPDGDD) adapta a lexislación española ao devandito Regulamento europeo.
A continuación exponse o que a citada lexislación considera “datos persoais”, as diferentes categorías de datos persoais que podemos atopar e a protección que se brinda a estas, así como as actividades consideradas “tratamento” de datos persoais e, polo tanto, suxeitas á normativa vixente.
Que é un dato persoal?
Os datos persoais son calquera información referente a persoas físicas identificadas ou identificables.
Pode ser identificable toda persoa cuxa identidade poida determinarse mediante un identificador (por exemplo, un nome, un número de identificación, datos de localización ou un identificador en liña) ou mediante o uso dun ou varios elementos propios da identidade física, fisiolóxica, xenética, psíquica, económica, cultural ou social.
Exemplos de datos persoais son: o nome e apelidos; o D.N.I./Pasaporte; a sinatura; a dirección de correo electrónico nominativo ou persoal; o número de teléfono; o domicilio; a dirección IP; a matrícula do vehículo; a imaxe ou voz dunha persoa; a información económica ou patrimonial; o estado de saúde física ou mental; os datos biométricos (pegadas dixitais, iris do ollo, ADN...); a ideoloxía; a información obtida da navegación na internet (cookies); etc.
A normativa en materia de protección de datos persoais non regula o tratamento de datos das persoas xurídicas, en particular as empresas constituídas como sociedades mercantís respecto ao seu nome ou razón social ou datos de contacto.
Tipoloxía dos datos persoais
Pódense destinguir, entre outros, os seguintes tipos de datos persoais:

• Datos identificativos: nome e apelidos, DNI, nº da Seguridade Social ou tarxeta sanitaria, dirección, teléfono, firma/pegada, imaxe/voz...
• Datos de natureza penal.
• Datos de infraccións e sancións administrativas.
• Datos de categorías especiais: Orixe étnica ou racial; opinións políticas; conviccións relixiosas ou filosóficas; afiliación sindical; datos xenéticos; datos  biométricos dirixidos a identificar de maneira unívoca a unha persoa física; datos relativos á saúde incluíndo posibles discapacidades e datos relativos á vida sexual ou a orientación sexual.
• Datos de circunstancias sociais: características da vivenda; situación familiar; propiedades; posesións; afeccións e estilo de vida; pertenza a clubs e asociacións; licenzas, permisos e autorizacións.
• Datos de características persoais: datos de estado civil; idade; datos de familia; sexo; data de nacemento; nacionalidade; lugar de nacemento; idioma; características físicas ou antropométricas.
• Datos académicos e profesionais: formación; titulacións; expediente académico; experiencia profesional; pertenza a colexios ou asociacións profesionais.
• Datos detalle de emprego: corpo/escala; categoría/grao; postos de traballo; datos non económicos de nómina; historial do traballador.
• Datos económico-financeiros e de seguros: ingresos, rendas; inversións, bens patrimoniais; créditos, préstamos, avais; datos bancarios; plans de pensións, xubilación; datos económicos de nómina; datos deducións impositivas/impostos; seguros; hipotecas; subsidios, beneficios; historial créditos; tarxetas crédito, etc.
• Datos de transaccións: bens e servizos subministrados pola persoa afectada; bens e servizos recibidos pola persoa afectada; transaccións financeiras; compensacións/indemnizacións; etc.

Que é un tratamento de datos persoais?
Calquera operación ou conxunto de operacións na que estean presentes datos persoais constituirá un tratamento de datos, que poderá ser manual ou automatizado (total ou parcialmente).
Constitúen un tratamento de datos persoais, entre outras, as seguintes actividades: a recollida dos datos; o rexistro; a organización; a estruturación; a conservación; a adaptación ou modificación; a extracción; a súa consulta ou utilización; a comunicación dos datos por transmisión, difusión ou calquera outra forma de habilitación de acceso, cotexo ou interconexión; a limitación e a supresión ou destrución dos datos.

Normativa relacionada:
REGLAMENTO (UE) 2016/679 del Parlamento Europeo y del Consejo, de 27 de abril de 2016 Relativo á protección das persoas físicas no que respecta ao tratamento de datos personais
Artículo 8.1. “En relación con la oferta directa a niños de servicios de la sociedad de la información, el tratamiento de los datos personales de un niño se considerará lícito cuando tenga como mínimo 16 años.” (...)
LEY ORGÁNICA 3/2018, de 5 de diciembre, de protección de datos personales y garantía de los derechos digitales
Artículo 7.1. "El tratamiento de los datos personales de un menor de edad únicamente podrá fundarse en su consentimiento cuando sea mayor de 14 años”(...)