CEIP María Pita

• FACAL
• POMBO
• RICO

Prezadas familias,

Publicamos a organización das entradas e saídas no noso centro que terá como obxectivo principal evitar as aglomeracións e os tempos de espera nas entradas e saídas. Lembramos respectar as zonas de uso exclusivo do alumnado. Neste documento adxunto figuran os planos.

Horario de entradas e saídas:

Educación Infantil:

Entrada:

6º nivel de Educación Infantil: 9:00 horas.

5º nivel de Educación Infantil: 9:05 horas.

4º nivel de Educación Infantil: 9:10 horas. 

Saída:

6º nivel de Educación Infantil: 13:50 horas.

5º nivel de Educación Infantil: 13:45 horas.

4º nivel de Educación Infantil: 13:45 horas.

O espazo de entrada e saída de Educación Infantil segue acondicionado para evitar aglomeracións.

Este horario sufrirá variacións durante o período de adaptación que terá lugar durante o mes de setembro segundo a Orde pola que se aproba o calendario escolar para o curso 2021-2022.

Educación Primaria:

1º nivel:

Entrada: 9:00 horas

Saída: 13:45

O primeiro día de clase o alumnado de 1º de Educación Primaria entrarán de últimos ás 9:15 horas.

2º nivel:

Entrada: 9:00 horas.

Saída: 13:50 horas.

3º e 4º nivel:

Entrada: 9:00 horas.

Saída: 14:00 horas.

5º nivel:

Entrada: 9:00 horas.

Saída: 13:55 horas.

6º nivel:

Entrada: 9:00 horas.

Saída: 14:00 horas.

Portas de entrada e saída:

Educación Infantil: porta de entrada ao espazo reservado de Educación Infantil (antigo soportal de entrada das filas).

Educación Primaria, niveis 1º e 2º: porta de entrada zona leste (comedor).

Educación Primaria, niveis 3º e 4º: porta de entrada zona oeste (salón de actos.

Educación Primaria, niveis 5º: entrada principal. Filas no patio de Infantil (zona próxima á porta verde do mercado)

Educación Primaria, nivel 6º: entrada principal. Filas no patio de Infantil (zona próxima ao aparcadoiro) .

A porta da Rúa Camilo José Cela segue a ser de USO EXCLUSIVO do alumnado transportado.

Benvidos/as de novo á escola!!!

Queremos informar que, tal e como publicou a Consellería de Educación, na orde de calendario  o comezo das clases terá lugar o día 09 de setembro.

Durante a próxima semana e antes do comezo das clases lembraremos a organización referida ás entradas e saídas do alumnado, espazos reservados e forma de contacto co centro así coma tamén as peticións de cita de previa para trámites administrativos, entrevistas e outras, que se desenvolverán do mesmo xeito ca no curso anterior.

Un ano máis queremos  solicitar a vosa axuda e colaboración no respecto das normas de funcionamento establecidas no centro. O ano pasado acadamos entre toda a comunidade educativa que  primara a seguridade en materia de saúde co fin de evitar riscos e xestionar o mantemento das distancias para evitar aglomeracións  para  cumprir a lexislación vixente en materia sanitaria, por iso desexamos continuar traballando nesta liña para acadar os mellores resultados.

É por iso, que solicitmaos a toda a comunidade educativa que volva a facer un esforzo  para conseguir que a escola sexa un lugar seguro para o alumnado, ese seguirá a ser será un obxectivo primordial.

O profesorado titor xa está a traballar para unha primeira comunicación coas familias mediante vía telefónica e esta páxina web seguirá a ser unha canle de comunicación oficial.

Moitas grazas pola vosa colaboración!!!

Unha aperta grande

Prezadas familias,

Un ano máis o COVID segue presente na vida diaria e por extensión nas nosas escolas.

Continuamos a traballar  na adecuación das nosas instalacións para cumprir coa normativa legal que nos van comunicando. Do mesmo xeito estamos a planificar os cambios organizativos e pedagóxicos que, nesta situación sanitaria actual, temos que implementar en función dos recursos persoais e materiais dos que dispoñemos de cara ao vindeiro curso escolar, aínda que xa comunicamos que os protocolos organizativos e de funcionamento do noso centro serán os mesmos que o pasado ano académico.

Ao longo destes días e antes do comezo da actividade lectiva lembraremos as medidas organizativas e pedagóxicas para o curso 2021-2022.

Unha vez máis e  dende este momento pedimos a máxima colaboración, respecto e paciencia no cumprimento das normas que rexerán o funcionamento do centro, entendendo que a nosa primeira e primordial  preocupación é e será sempre o benestar do noso alumnado.

Tamén comunicamos que este ano o centro comezará un proceso integral de renovación estrutural para a mellora do edificio, que pode implicar medidas organizativas extraordinarias. Sabemos que estas obras poden provocar molestias pero resulta primordial acometelas canto antes.

Unha aperta moi grande!!

• FACAL
• POMBO
• RICO
• EXCLUÍDOS/AS

 O prazo de reclamacións será do 01 ao 07 de setembro de 2021 na secretaría do centro.

As listaxes definitivas serán publicadas o día 08 de setembro.