CURRÍCULO CEDEIRÉS

Durante 15 minutos escoitarás a historia dun libro humano,

posteriormente terás 5 minutos para preguntar.

Ler persoas en vez de libros!

BIBLIOTECA HUMANA

23 de maio, de 10:00 a 13:00h.

Apúntate a ler un libro humano!

Manda un whatsapp ao 615143625, co teu nome e apelidos

e o título que queres escoitar. Aforo de 10 persoas por libro!

Carlos Labraña 10:00h.  Fabiana Feijóo Musi 11:00h

Bibiana Córdoba Piñeira 12:00h  Jose de Vigo 13:00h

Este 23 de maio comezamos coas lecturas dos libros humanos.

Escoitade atentamente o podcast que elaborou o alumnado,

collede lápis e papel e apuntade!

A viaxe de Percebiño, unha historia escrita e musicada por Quique Vázquez

e Tonino, e ilustrada por Diego Cheda. Un videoclip no que canta e participa toda

a rapazada da escola e por suposto a nosa comunidade escolar: familia, mestras/es,

persoal non docente, axentes sociais... Porque a escola somo todos, unha gran comunidade.

Esta viaxe non sería posible sen todas e todos. Celebramos a Semana Mundial das Nacións

Unidas sobre a Seguridade Vial coa canción "Ua, ua, ua" de A viaxe de Percebiño!

Gracias á todos/as os que o fixeron posible!

Canción, conto e ilustracións para colorear.

Xa estamos na fase final do proxecto "BIBLIOTECA HUMANA".

Un proxecto no que as bibliotecas escolares de Cedeira e o Concello unimos

esforzos para dar voz ao pobo, porque todas e todos temos algo que contar.

A oralidade é parte do noso patrimonio, reflexa a nosa identidade cultural e social,

a de todas as persoas que conformamos a vila: os de sempre, os que viñeron e os

que marcharon, pois todas/os imos deixando pegada e conformando a nosa sociedade.

A nosa rapazada de Antropoloxía de 1º de Bacherelato e o alumnado de 6º de Primaria,

están ultimando os preparativos para levar a cabo as lecturas e difundilas.

A implicación do alumnado coa protección do medio ambiente é algo que ven de fai bastente tempo.

Se botamos un ollo atrás, moitos proxectos e actividades realizadas, tiñan esa mirada á protección da nosa contorna.

Actividades realizadas en colaboración coa asociación Arce, Museo Mares de Cedeira,

protocolos deseñados polo alumnado para todo o centro,

intervencións no centro escolar, creación de patios vivos, eliminación dos disfraces con bolsas plásticas,

creación de hortas, roteiros, cadernos naturalistas... son algunhas das intervencións levadas a cabo.

Este percorrido, hoxe vese materializado nun espazo para uso de toda

a comunidade educativa, cuns chalecos, luvas... e o protocolo deseñado polo alumnado. As persoas formamos o Green Club,

un club que mira por coidar a nosa contorna e poñer un graiño de area limpa, neste mundo cheo de contaminación.

Unha contaminación que somos moi conscientes que non provocamos nós só, polo menos non en gran medida, detrás están as fábricas,

as multinacionais,  grandes empresas que poden facer moito máis para non verter produtos ao mar, aos ríos, non envasar todo en plástico...

Aquí a ODS 17, Alianzas para acadar obxectivos, teñen un papel primordial, os gobernos e a xente con fortunas son realmente quen

poden dar un gran cambio a este sistema de mercar, tirar, volver mercar... o gran consumismo no que estamos inmersos.

Eles teñen un poder que nós non pusuímos, aínda que sabemos que a rapazada e moitos adultos, somos conscientes

que temos que cambiar os nosos hábitos de consumo e que xuntos podemos apretar moito máis.

Pero, non poden converternos en protagonistas, nós temos que seguir loitando e facendo o que está na nosa man,

pero os que de verdade poden facer, teñen que reaccionar xa!

O Green Club, fará todo o que está na súa man! Un club de tod@s e para tod@s.

E comezamos intervindo o noso arredor, o principio da praia da Magdalena, que está ao pe do noso cole.

Primeiro, poñemos luvas e chalecos, recordamos normas, que imos recoller e cal é o espazo de acción.

Despois intervimos, buscamos, atopamos, recollemos e depositamos nos contedores.

Son moitos os cubos e cestas recollidas e nun espazo reducido, moitas as tira a xente pouco cívica;

outras voan co aire, dos mesmos contedores, que non teñen tapas; outras chegan do mar...

Tamén somos curiosos e observamos cunchas e pequenos descobrementos, estes aledan a xornada!

Ollar, mirar para aprender, ogallá nunca o perdamos. Eses minutos son tesouros que cada un de nós levamos, provocan pracer, emoción,...

Son recordos que conservaremos sempre. A unión por un ben común, conseguir un obxectivo xuntos, o traballo en equipo,

serán aprendizaxes que lles axudarán nun futuro.

Rematamos a xornada colocando todo no seu lugar, para que outro grupo faga outra actividade que beneficie ao noso medio ambiente.

Todas e todos temos algo que aportar! Gracias Vagalumes!

As bibliotecas e o Concello de Cedeira unimos os esforzos para dar voz ao pobo porque

todas e todos temos algo que contar. A oralidade é parte do noso patrimonio inmaterial,

reflexa a nosa identidade cultural e social, a de todas as persoas que

conformamos a vila: os de sempre, os que viñeron e os que marcharon,

pois todos/as imos deixando pegada e conformando a nosa sociedade.

Agradecemos a túa colaboración! Prema na ligazón e cubre o formulario.

O alumnado de 2º de primaria continúa poñendo en valor o noso patrimonio.

O proxecto "Roteiros en Familia" iniciado o curso pasado,

pretende coñecer en profundidade a nosa vila, da man das familias e do profesorado.

É unha actividade compartida onde teñen que atopar á mascota da nosa

biblioteca, o noso famoso percebe Percebiño!

Comezaron enviando unha carta ás familias.

Posteriormente, realizaron na aula virtual un xogo de fuga,

onde conseguiron pistas para a localización de Percebiño.

No transcorrer do xogo tiñan que documentarse na biblioteca,

preguntando a algún avó ou avoa... investigando.

Aquí temos a algúns deles na localización. Chegamos a Castro Sarridal!!

En breves as súas obras... Parabéns rapazada e familias!

O alumnado de 2º de primaria, Duendes, Esquíos e Vagalumes

continúan coñecendo a vila e poñendo en valor o patrimonio.

Deste xeito, continúan propoñendo actividades para realizar en familia e solventar  o non

podelas ter máis presentes aínda na aula (polas restriccións sanitarias).

Nestes roteiros, as familias teñen que  atopar a Percebiño, a nosa mascota da biblioteca,

nun lugar da vila, en calquera das súas parroquias.

Desta volta, comezan superando un xogo virtual de fuga, sobre a nosa vila.

Superado o reto, conseguen pistas para a localización de Percebiño.

Comezan presentándonos o reto.

O alumnado de 2º de primaria investiga sobre o noso concello,

o Estatuto de Autonomía de Galicia e a Constitución Española. 

A biblioteca Carlos Labraña é un lugar de pesquizas e creacións.

O producto final é a creación dun lapbook para recoller toda a información.

Posteriormente, aproveitan a celebración da Constitución para visitar o

Concello de Cedeira. Alí ven as instalacións, coñecen a persoas que 

traballan no Concello, preguntan polas súas funcións, sentan na sala de

pleno e realizan unha serie de preguntas preparadas na biblioteca.

Deste xeito, relacionan contidos aprendidos dun xeito práctico e vivenciado.

Materias creados pola mestra Dulce e o blog de amestraCris.

As bibliotecas e o Concello de Cedeira unimos os esforzos para dar voz ao pobo porque

todas e todos temos algo que contar. A oralidade é parte do noso patrimonio inmaterial,

reflexa a nosa identidade cultural e social, a de todas as persoas que

conformamos a vila: os de sempre, os que viñeron e os que marcharon,

pois todos/as imos deixando pegada e conformando a nosa sociedade.

Agradecemos a túa colaboración! Prema na ligazón e cubre o formulario.

Proposta obradoiros de postais.

Hai que poñer moito amor e creatividade.

O destinatario será calquera amig@ do centro.

Estas son algunhas fotos das creacións.

Artistas!! Felices Festas!

As bibliotecas e o Concello de Cedeira unimos os esforzos para dar voz ao pobo porque

todas e todos temos algo que contar. A oralidade é parte do noso patrimonio inmaterial,

reflexa a nosa identidade cultural e social, a de todas as persoas que

conformamos a vila: os de sempre, os que viñeron e os que marcharon,

pois todos/as imos deixando pegada e conformando a nosa sociedade.

Este ano o Proxecto intercentros consiste na creación dunha Biblioteca Humana.

Un encontro entre lectores e libros humanos, unha experiencia de transmisión oral e cultural.

A Biblioteca Humana presenta a oportunidade de 'tomar en préstamo' a persoas co obxectivo de achegalas,

valorando as historias, os coñecementos que nos habitan e nos constrúen. Nas Bibliotecas Humanas existentes

a xente le persoas, que son prestadas polas bibliotecas, con datas acordadas, durante 10 ou 30 minutos,

aproximadamente: os primeiros 20 minutos a persoa/libro conta a súa historia e nos últimos

10 a(s) persoa(s) que escoitan teñen a oportunidade de conversar sobre o escoitado.

Convidamos a todas e cada unha das persoas a tecer redes compartindo a súa experiencia.

Tomádevos un tempo para ler a carta.

e despois cubride o formulario.

Posteriormente, con todos os libros humanos voluntarios as bibliotecas brindarán asesoramento para crear a portada do voso

libro vivinte e axudarán na creación dun breve resumo do que ides contar, como a sinopse dun libro escrito.

Feito isto poderiamos realizar unha xornada de encontros.