POLOS CREATIVOS

 Os equipos de enxeñeir@ construen un barco e unha ponte

levadiza cun sensor de movemento. Cando chega o barco sube,

e logo volve á súa posición. Un proxecto que da moito que pensar!

Parabéns á rapazada e ao seu guía!

A cociña bota fume! Hoxe achegáronse ata a biblioteca Jésica,

Moisés, Encarna, Lucía e Hugo para realizar unhas

deliciosas palmeritas e unhas brochetas de froitas.

Familias sodes o noso orgullo!

Todos temos un nome. O alumnado o programa

en Scratch e crea unha animación con el.

Tres xeneración nun obradoiro de costura! Avoa, nai (Laura)

e filla aliadas na empresa de realizar unha

pequena formación coa máquina de coser.

Gracias por adicar tempo á infancia!

Familias e alumnado compartindo contos e obradoiros.

Eva Blanco Damota, agasalla ao alumnado con "Punano" 

de Yolanda Castaño e "A vaca que puxo un ovo".

de Andy Cutbill. Posteriormente realizaron un

obradoiro nas salas da biblioteca escolar.

O voluntariado da biblioteca escolar, específicamente os de sexto curso,

fixeron unha presentación a través da aplicación Canva, para explicar o

funcionamento dos diversos espazos da biblioteca e da escola.

Posteriormente, realizaron unha visita guiada por toda a escola

para explicar e amosar as instalacións e recursos.

Sempre contaron coa axuda e supervisión do profesorado da

biblioteca escolar e do coordinador de Polos Creativos.

Salas versátiles! O cine na escola!

Presentamos a extensión da Radio Experimental,

un segundo espazo máis amplo, para realizar moitos podcast.

Deste xeito a Biblioteca Escolar "Carlos Labraña" invirte o premio

gañado no Concurso de podcasts de Radio na bliblio.

Animádevos a mantelo dinamizado!

Familias e mestres se afanan na costura de entroido!

Os recursos do espazo argalleiro e polos creativos fan o seu traballo.

O alumnado programa aos robots creados para realizar diversos

movementos, xiros... experimentan e varian as diversas ordes

para ver que efecto teñen no robot.

Aprender gozando coa tecnoloxía, brindando un bo uso dela.

Familias e alumnado compartindo música e contos, tempos tenros para a infancia.

Aida Lozano e Agustín Berenguer López, agasallan ao alumnado con "Chibos Chibóns" , conto adaptado

por Olalla González, ilustrado por Federico Fernández e editado por Kalandraka.

 Agradecer á familia, a implicación e elaboración de

materiais para realizar o contacontos.

A Lúa Berenguer Lozano a incorporación de sons.

Foi moi lindo ver o que gozaron e o interese que

suscitou o movemento dos monicreques.

En grupos cooperativos o alumnado segue as instruccións,

monta e programa con Lego Wedo.

As novas tecnoloxías, os recursos de Polos Creativos e

das Bibliotecas Escolares, únense para que as mans da nosa

rapazada cree cousas tan fermosas como os Rudolfs en

felicitacións de Nadal e adobíos nadaleños. Moi Bo Nadal!

CLICA AQUÍ E RECIBE UNHA GRAN SORPRESA!!

O alumnado de 3 anos tivo unha visita especial, a de Carlota Picos,

a mamá de David. Con ela realizaron un obradoiro de árbores de

Nadal de milfollas. Boa parte quedou nas fontes e foi ao forno,

outra a levaron posta. De seguro foi unha mañá máis que doce e divertida!

Esta é unha actividade enmarcada na Biblioteca Humana/Polos Creativos,

no programa "Lectura e familas" da Asesoría de Bibliotecas.

O alumnado de 5ºA, nas sesións do proxecto competencial,

aprenden a programar con Scratch . Comezan cos fondos, son,

escoller personaxes e aprenden a deseñar un código para que as

personaxes realicen as accións que lles encomendan. Esta linguaxe

de programación é moi interesante, pois as habiblidades que o alumnado

adquire, posteriormente pódense aplicar a outras

linguaxes de programación como Python ou Java.

Gozando das posibilidades e recursos no

mes das ciencias con Lego Wedo.

O alumnado de 5º de E.P. crea unha cabaza con sensor

de luz para a exposición de cabazas do cuarto do Samaín.

Vaia chulada!

A Biblioteca Humana, dentro do programa Lectura e Familias,

volve outro ano máis para facer escola entre todos e todas!

Está claro que as nosas xentes son fonte de recursos diversa.

Ademáis a biblioteca, as mestras e os mestres somos conscientes do poder motivador

que pode exercer que a avoa, o tío, a madriña, a veciña, o curmán, mamá, papá...

se achegue á escola e forme parte dela, que cree, ensine, lea, constrúa coñecemento.

Por todas estas razóns e moitas máis, abrimos novamente o banco humano

que abarca tres grandes obxectivos:

a)Continuar ampliando as persoas libro (contar oralmente unha vivencia, experiencia, saber...

a un grupo pequeno de persoas que logo teñen opción a facer preguntas sobre o comentado).

b)Acudir na hora de ler a contar unha historia a tódolos

compañeiros e compañeiras da aula do seu familiar.

c)Realizar un ou varios obradoiros sobre a temática que se solicita co alumnado.

A escola conta cunha gran dotación de recursos materias de Polos Creativos e da biblioteca escolar.

Somos moi afortunadas e afortunados pois temos un centro con gran cantidade de material.

Agora é necesario sacarlle o máximo partido para aprender do mellor xeito que sabemos, Xuntos!