Skip to main content

Nadal

INTERCAMBIO DE EPÍSTOLAS #bibliotecacreativa #Nadal #bescolaresgal #bescolaresgalabertas

A escritura e a lectura son dous dos pilares máis importantes

da biblioteca escolar. Conxugamos a aprendizaxe destas habilidades

coa motivación do alumnado e creamos actividades que impliquen

reforzar actitudes que desexamos que se reproduzan constantemente.

As epístolas contribuén a todo isto, por iso é unha tarefa que replicamos

unha e outra vez. A quen non lle gusta recibir unha carta?

Estas son as da nosa rapazada!

Engadir que o alumnado sempre ten acceso a apoios á escritura,

paos correctores, infografías ortográficas... para brindar seguridade,

crear un hábito de corrección e mellorar a escrita.

 

 

 

 

 

OS NOSOS DESEXOS NA RADIO EXPERIMENTAL #Radionabiblio #Nadal #Cedeira #bibliotecacreativa #bibliotecainclusiva #bescolaresgal #bescolaresgalabertas

Os desexos desta rapazada viaxan xa nas sacas de paxes, carteiras e carteiros,

diríxense ás tres estrelas. Pero quixeron que as ondas da nosa Radio Experimental

tamén soaran coas súas verbas. Esta rapazada non pide moitos xoguetes,

piden necesidades, dereitos e piden moito para os demáis,

porque ninguén pode ser feliz se o que está ao seu carón non o é tamén!

Paz, amor e bos desexos para todas e todos!

 

 

 

 

 

 

ÁRBORE DE NADAL CON REFUGALLOS #bibliotecacreativa #Nadal #bescolaresgal #bescolaresgalabertas

A creatividade non ten límites! Uns paos, anaquiños de teas,

arames sobrantes e moreas de imaxinacións.

Adobíos para as celebracións! Bo Nadal!

 

 

 

 

 

 

CARTAS AOS REIS MAGOS #bibliotecacreativa #Nadal #bescolaresgal #bescolaresgalabertas

Raparigas e raparigos apuran as súas cartas aos Reis Magos.

Sabemos que senón son eles, enviarán a algún paxe recoller as epístolas.

Estas cartas teñen feitizos especiais, están cargadiñas da maxia

do corazón das nenas e nenos. Procuraron ser comedidos,

só pediron tres cousas: unha para a escola, outra para eles/elas

e outra para un ser querido (familias, amigos, veciña...).

Esperemos que os grandes Magos sexan quen de cumprir os seus desexos.

 

 

 

 

 

 

PROXECTO "MÚSICA, MAESTRO!" #Nadal#Cedeira #ABP #ALFIN #AMI #bibliotecacreativa #Axenda2030 #ODS #FamiliasnaBE #bibliotecainclusiva #bescolaresgal #bescolaresgalabertas

Esta semana avoas e avós do Taller de memoria achegáronse ata o cole,

despois de diversas reunións e ensaios para amosarnos tradición oral.

Somexirdos nun mar de contacontos e cancións da vila gozamos de

intres fermosos acariñados polas verbas do saber. Avoas e avós de

moitos de nós espallaron un legado oral que agora temos que protexer

con sumo coidado. Temos que protexelo do esquecemento e un bo xeito

e contando e cantando. Esta entrada irá medrando co paso dos días,

pois é moito o material que nos ofreceron. O mellor de todo e que floreceron

lazos e esta non será a última vez que coincidiremos.

Realizaremos diversas reunións ao seu carón, pois é tanto

o que saben que moito dubidamos que un ano chegue para contalo.

Gracias avoas e avós!

 

 

 

 

 

 

FELICITACIÓNS NADAL CON LEDS #bibliotecacreativa #Nadal #poloscreativos #bescolaresgal #bescolaresgalabertas

As novas tecnoloxías, os recursos de Polos Creativos e

das Bibliotecas Escolares, únense para que as mans da nosa

rapazada cree cousas tan fermosas como os Rudolfs en

felicitacións de Nadal e adobíos nadaleños. Moi Bo Nadal!

 

CLICA AQUÍ E RECIBE UNHA GRAN SORPRESA!!

 

 

 

 

LECTURA E FAMILIAS CARLOTA PICOS #LecturaeFamilias #FamiliasnaBE #Nadal #poloscreativos #bibliotecacreativa #bescolaresgal

 

O alumnado de 3 anos tivo unha visita especial, a de Carlota Picos,

a mamá de David. Con ela realizaron un obradoiro de árbores de

Nadal de milfollas. Boa parte quedou nas fontes e foi ao forno,

outra a levaron posta. De seguro foi unha mañá máis que doce e divertida!

Esta é unha actividade enmarcada na Biblioteca Humana/Polos Creativos,

no programa "Lectura e familas" da Asesoría de Bibliotecas.

 

 

 

 

 

NADAL INTERCENTROS #inclusión #bibliotecainclusiva #LecturaeFamilias #FamiliasnaBE #bescolaresgal #bescolaresgalabertas

 

 

O tempo de Nadal é unha época para coincidir, para convidar,

para estar xuntos e compartir o que temos con outros.

Así decidimos realizar un encontro entre o alumnado da Asociación Apader

e un dos sextos. Primeiro presentáronse, algúns xa se coñecen de coincidir pola vila,

outros xamais se viran, pero todos gozamos dun tempo xuntos realizando un

obradoiro moi doce típico do Nadal.

Ao remate, o alumnado de sexto explicoulles o funcionamento da nosa

Biblioteca Lía, non lles quedou detalle, probaron diversos recursos (ordenadores

táctiles, xogos, pantallas...) explicáronlles a CDU e quedamos en que virán facer empréstito.

Na seguinte a repazada de sexto irá ao centro de Apader

realizar un obradoiro ben chulo, que tamén ten que ver con libros!

 3 de decembro Día Internacional das Persoas con discapacidade,

todos somos iguais e todos diferentes, isto non é cousa dun día.

Por unha convivencia plena e normalizada.

 

 

 

 

 

GALLETAS NADAL #Nadal #Cedeira #bibliotecacreativa #bibliotecainclusiva #bescolaresgal #bescolaresgalabertas

A biblioteca leva todo o mes ulindo moi ben!

A razón é que a cociña non para! Desta volta tocaron

galletas cos Vagalumes de 2ºC. En grupos cooperativos

prepararon unha tanda de galletas para meter no forno,

arrefriaron un día e ao seguinte as embolsaron e adobiaron

cunha manualidade de nadal que xa tiñan preparada

e reservada para esta ocasión tan especial.

 

 

 

 

 

TEMPO DE NADAL "MÚSICA, MAESTRO!" #Nadal#Cedeira #ABP #ALFIN #AMI #bibliotecacreativa #Axenda2030 #ODS #FamiliasnaBE #bibliotecainclusiva #bescolaresgal #bescolaresgalabertas

Chegado o tempo de Nadal moitas familias achéganse á biblioteca a

realizar unha documentación moi importante, a transmisión da tradición

oral da nosa música de Nadal: panxoliñas, cantos de reis e por suposto,

unha manchea de contos. Hoxe contamos coa visita de Jose de Vigo,

que agasallou ao alumnado de 5º e 6º con dúas panxoliñas que falan da

xeografía da nosa vila. Con elas inauguramos esta semana

de tradición oral de xeneración en xeneración.

 

 José de Vigo prometeunos voltar, aquí quedan

as panxoliñas grabadas para ir practicando nestes días.

A primeira é da súa colleita, escrita e cantada por José de Vigo.

Unha panxoliña na que collemos todos os de Cedeira,

de tódalas parroquias, perfecta para nos tempos que estamos. 

A segunda é unha canción mariñeira, a primeira noticia a recibimos

por unha mamá, falounos de Manolo do Mudo (en paz descanse)

e desta canción. Despois soubemos por Jose que a cantaban nos bares,

as fins de semana, despois de vir do mar, Manolo do Mudo, Manolo Vergara,

Javier Vergara e Manolo Pita Cribeiro ( O Norreca). Ata o de agora, aínda estamos

por saber de certo, se a letra é só de Manolo do Mudo ou hai máis autores.

Pero o que máis nos gusta é que permanecera na tradición oral. Hoxe pasa a

unha nova xeración que ten que encargarse de cantala moito e transmitila á seguinte.

Agasallos musicais da man dos que hoxe non están e grazas a José de Vigo.

Cantada polos nenos en homenaxe aos que hoxe non están.

 Podedes descargar a panxoliña e a canción nos ficheiros adxuntos.

 

 

 

 

 

 

 

O APALPADOR #LecturaeFamilias #FamiliasnaBE #Nadal #poloscreativos #bibliotecacreativa #bescolaresgal

Para comezar o mes do Nadal recibimos a visita do Apalpador.

Baixou a serras do Courel e achegouse ata

Cedeira para apalpar algunhas barriguiñas.

Esta é unha actividade enmarcada na Biblioteca Humana/Polos Creativos, 

 no programa "Lectura e familas" da Asesoría de Bibliotecas.

 

 

 

 

 

 

NEVE - CLUB DE CIENCIAS #bibliotecacreativa #bescolaresgal #bescolaresgalabertas

O club de ciencias proponnos outra actividade dentro da Biblioteca Creativa.

Un experimento para facer neve artificial.

Un obradoiro que alumnado e tamén profesorado gozou en grande!

Apuntade! Moito bicarbonato, auga e unha manchea

de imaxinación! Crea a túa paisaxe de Nadal!

 

 

 

 

 

POR UN ANO CHEO DE SOÑOS POR CUMPLIR! #bibliotecacreativa #Radionabiblio #bescolaresgal #bescolaresgalabertas

O CEIP Nicolás do Río queremos felicitar as festas coas nosas mellores

mensaxeiras e mensaxeiros: as nenas e os nenos.

Por un ano cheo de soños por cumprir!

Montaxe realizada dende a  área de Música por todo o alumnado.

 

 

 

RECOMENDACIÓNS LECTORAS PARA O NADAL #LecturasRecomendadas #recomendaciónslectoras #bescolaresgal #bescolaresgalabertas

 

Xa chegan as vacacións e ler é unha actividade de ocio ben divertida.

Quen quere viaxar coa imaxinación?

Aquí as recomendacións lectoras da BE Carlos Labraña.

Ilustración de Diego Cheda.

RECOMENDACIÓNS LECTORAS - NADAL

AQUÍ TEMOS UNHA SELECCIÓN PARA LER, XOGAR E ARGALLAR SÓS OU EN FAMILIA.

 

 

RECOMENDACIÓNS LECTORAS POLO NADAL

Distribuir contido