O mércores 21 de abril celebramos unha xornada de atletismo, dentro da modalidade "Xogando ao atletismo" no pavillón do Paco Chao de Carballiño. Participamos xunto cos colexios do Vila de Arenteiro, CEIP de Beariz, CEIP Virxe da Pena da Sela do irixo, CEIP de Amoeiro e CEIP de Carballeda de Avia.
Era a primeira vez que participábamos nunha xornada deste tipo, e a verdade é que resultou ser unha experiencia fabulosa xa que nos encontramos con compañeiros coñecidos doutros coles da comarca e coñecemos a outros novos.
Xa estamos desexando que chegue o ano que ven para volver a repetir a actividade, pero a próxima vez esperemos contar con máis tempo para desenvolver todas as probas...¡¡¡quizás unha xornada de convivencia... con xantar incluído!!!
Clasificación por equipos da categoría de benxamíns. 
Clasificación por equipos da categoría de alevíns.
Podedes ver máis imaxes na galería do centro 
O venres, 14 de maio, asistimos a ExpoOurense para participar no programa de Educación Vial do concello de Ourense.
O mércores 12 de maio celebramos no pavillón Paco Chao do Carballiño a V edición do torneo de balonmán que organizou a Agrupación Deportiva Arenteiro.
Na semana seguinte ao 21 de marzo realizamos en todas as aulas talleres de poesía no que participou todo o alumnado do centro.
Durante toda a semana do entroido celebramos esta festa no colexio. Este ano como novidade o xoves de comadres toda a comunidade educativa apareceu disfrazada no centro con disfraces de libre elección.
A través da Consellería de Cultura e coordinados polo ENDL, realizamos no centro un Obradoiro sobre os cabaceiros. O ponente informou ao alumnado de todo o relacionado co cultivo do millo e os diferentes modelos de cabaceiros (canastros) que hai na xeografía galega.
Durante a semana do 23 de abril celebramos no noso colexio o Día Mundial do Libro. As actividades que realizamos foron coordinadas polo equipo de biblioteca e nelas participou toda a comunidade educativa.
O pasado día 9 de febreiro os alumnos e alumnas do C.E.I.P Nosa Señora de Xuvencos, así coma varios mestres e mestras do centro, acudimos ao mesmo corazón do Ribeiro para ver a última película do director de orixe canadense James Cameron. Estamos a falar de Avatar, a longametraxe de maior recadación na historia do cine. A proxección tivo lugar na sala “Novocine Leiro”, no concello que leva o mesmo nome. Esta sala é a única na provincia de Ourense dotada con sistema 3D. Nenos e maiores gozamos deste filme de ciencia-ficción que nos tivo pegadiños ás nosas cadeiras durante mais de dúas horas. Foi unha divertida mañá na que abraiados, contemplamos coma os personaxes parecían saíren da pantalla.
