Preme encima para acceder ao Faro de Vigo 

O xoves 16 de maio festexamos as letras con dúas propostas: visitar á Residencia de Forcarei e compartir un anaco da mañá cos nosos maiores desenvolvendo actividades arredor da figura de Luísa Villalta e a segunda, xuntar todo o alumnado no salón de actos para levar a cabo obradoiros vencellados á figura de Luísa Villalta. Unha mañá chea de Letras e de Galego. 

#ceipnosasenoradasdores

#cpinclue: CONVIVE-T

#EDLG 

Este luns o alumnado de sexto de primaria viviu a súa segunda experiencia a bordo dun barco de piragüismo grazas a participación na actividade “Dragóns Piragüismo”, unha proposta lúdico-deportiva que se integra no “Programa Xogade” da Xunta de Galicia.

#ceipnosasenoradores

#cpinnova:EDUsaúde

#xogade

#planproxecta+

Participar do Programa XOGADE e do Plan Proxecta+ permítenos contar con varias competicións e encontros deportivos con outros centros educativos e crear unhas verdadeiras xornadas en pro da saúde e do deporte. 

#ceipnosasenoradasdores

#cpinnova:EDUsaúde

#xogade

#planproxecta+

O vindeiro martes 30 de xaneiro, se o tempo nolo permite, celebraremos a III Carreira Solidaria para conmemorar o Día da Paz e Non Violencia. A finalidade é participar dun proxecto educativo, deportivo e solidario. 

Para poder inscribirse será necesario entregar un quilo de alimentos non perecedoiros que, unha vez rematada a carreira, se lle enviarán aos Servizos Sociais de Forcarei para que os reparte entre as familias do concello que o precisen.

Agardámosvos a todas e a todos os vindeiro martes 30 de xaneiro ás 12:30 horas no Campo de Fútbol de Forcarei. 

Preme encima para acceder á Galería

Esta semana tivemos unha visita moi especial: Pablo Seoane. 

É un gran mestre de Música e Baile Tradicional Galega e Artesán de instrumentos tradicionais galegos- Na actualidade, é a persoa encargada do Obradoiro Seoane en Teo. 

Achegouse ata o centro educativo coa intención de que os alumnos e as alumnas de Forcarei visen en vivo e en directo moitos dos instrumentos da música tradicional galega e das bandas populares. Escoitamos as súas explicacións e curiosidades, ouvimos ou seus sons e desfrutamos coñecendo algo máis da nosa cultura, da nosa Galiza.