Novas do Colexio
Novas de interese do Colexio
PROGRAMA FROITA E LEITE NA ESCOLA
O noso cole volve a participar un ano máis no Programa de froita e leite na escola que organiza o FOGGA (Fondo Galego de Garantía Agraria). Comezamos co segundo período!
A partir do próximo martes día 19 de abril, disfrutaremos de pequenos bricks de leite para os recreos do alumnado ata final de maio, así como dunha peza de froita para cada alumno/a durante 10 días. Así que... organizade os almorzos dos vosos peques!
NADAL 2021
O martes 21 foi un día moi especial para o nosos nenos e nenas xa que puideron saudar ás S.S.M.M. Reis Magos de Oriente e depositar as cartas no buzón real.
Para rematar a xornada de festa poidemos gozar da increíble orquestra do I.E.S. Pedra da Auga que nos deron un concerto moi divertido e na que poidemos ver a algúns exalumnos!
Moitas grazas a eles e elas e á súa profe Paula.
Dende toda a Comunidade educativa do CEIP plurilingüe Nosa Sra dos Remedios queremos desexarvos unhas boas festas e un bo ano 2022 que veña con moita saúde e paz para todos.
A CÁPSULA DO TEMPO
Hoxe queremos ensinarvos como resultou o proxecto de Ciencias Sociais e Ciencias da Natureza no que traballaron este trimestre os cursos de 1º, 2º, 3º e 4º.
Todo comezou aló por outubro co soterramento da cápsula do tempo. Lembrades?
O primeiro que fixemos foi coñecer a historia da nosa vila para valorala e respectala coas charlas que nos deron na Biblioteca Municipal.
Despois centrámonos en dúas etapas da Historia: A Prehistoria e a Idade Antiga (cos grandes imperios da época: Roma, Grecia e Exipto). Tamén traballamos os inventos e como foron evolucionando co paso do tempo.
Para iso, fomos ao Parque Arqueolóxico de arte rupestre CAMPO LAMEIRO e, ademais de gozar dos petróglifos e da marabilla do parque natural, fixemos un obradoiro dun dos grandes inventos desa etapa, a olaría.
Todo o que íamos aprendendo na aula o fomos transformando nunha magnífica exposición nos corredores do cole para que os demais compañeiros e compañeiras puideran visitala e aprender uns dos outros.
Fixémolo dun xeito globalizado, é dicir:
Traballamos as linguas coas lendas, cos distintos alfabetos, xeroglíficos...
As matemáticas estiveron presentes cos números romanos e gregos, a arquitectura dos edificios, retos e problemas matemáticos...
A plástica e a música tamén se traballou xa que tivemos que pintar, recortar, modelar, aprender como facían música naqueles tempos...
Os valores tocáronse xa que tivemos que traballar en equipo, aprendemos a respectar as distintas culturas, a respectar os restos históricos...
Cremos nunha metodoloxía que vai máis aló dos libros de texto e de memorizar uns contidos para aprobar un examen e esquecer tres días despois. Cremos que os proxectos axudan á motivación e que espertan a curiosidade, e que todo iso fai que a aprendizaxe sexa significativa e por suposto, inclusiva.
Porque aprender pode ser moi divertido!
ALMANAQUE 2022
Este trimestre está a piques de rematar e con el o ano 2021.
O equipo de Dinamización da Lingua Galega organizou este almanaque para o vindeiro ano 2022 deseñado polos nosos alumnos e alumnas e que ten como tema central " A VIDA SAUDABLE", tema que traballaremos neste ano que entra coma proxecto de centro... aquí o tedes para descargar e imprimir!
Quedou preciosísimo!
MAGOSTÍN
Onte celebramos o Magostín no cole e pasámolo terroríficamente ben!
Grazas, familias, pola vosa colaboración!
Que pasedes unha boa ponte!
*MAGOSTÍN= Magosto e Halloween nunha mesma festa
CAMPAÑA SOLIDARIA RECOLLIDA DE ROUPA E CALZADO USADOS
Moitas grazas, familias! 
"Unha carta, un sorriso" por La Palma
En varias aulas do noso cole os alumnos uníronse a esta iniciativa xa que o tema do volcán e as desgrazas que está traendo para os palmeros están moi presentes nos pensamentos dos nosos pequenos e pequenas. Un xesto de empatía e vontade de axuda que é moi importante desenrolar.
Moitas grazas!
Proxecto "A cápsula do tempo"
O venres pasado, 8 de outubro, tivo lugar a cerimonia de soterramento da 
cápsula do tempo coa que os nenos e nenas de 1º, 2º, 3º e 4º dan comezo ao proxecto de ciencias do 1º trimestre.
cápsula do tempo coa que os nenos e nenas de 1º, 2º, 3º e 4º dan comezo ao proxecto de ciencias do 1º trimestre.Cada curso elaborou unha carta na que imaxinaron como será o futuro cando cheguen a 6º de Ed. Primaria. Fixeron compromisos de esforzarse en mellorar como estudantes e de coidar o medio ambiente e escribiron desexos que, cando chegue a graduación da súa etapa de Primaria, poderán, por fin, volver ver e comprobar se todo o que imaxinaron e prometeron se fixo realidade.
Durante este trimestre, estes cursos traballaremos conxuntamente "o paso do tempo" cun proxecto común pero adaptado a cada nivel. Trataremos temas como o paso do tempo nas persoas, nos obxectos, o calendario, o reloxo, os inventos, as etapas da Historia...e faremos saídas extraescolares relacionadas co tema.
Tamén faremos exposicións para que poidamos aprender moito uns dos outros. Vai ser mooooooooi divertido!
CONCURSO DESEÑA O TEU PATIO
CONCURSO : DESEÑA O TEU PATIO
Xa temos gañador@s!
*Ed. Infantil: Antonio de 3 anos B
*1º, 2º e 3º: Noa de 1ºA
*4º, 5º e 6º: Xián de 4ºB
Noraboa!
Queremos dar as grazas a tod@s @s que participastes!
As vosas ideas están todas anotadas e teremos conta delas!
DÍA DO ACOLLEMENTO FAMILIAR
O pasado 31 de maio celebrouse o Día Mundial do Acollemento Familiar.
Unímonos á iniciativa #worldfosterday co obxectivo de crear conciencia sobre os máis de 23.000 nenos, nenas e adolescentes que medran en centros residenciais e promover o acollemento familiar.
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- …
- seguinte ›
- última »
