Esta entrada enlaza con unha serie de recursos interesantes que están a elaborar as Consellerías de Sanidade e Educación.

Guía volta segura ás aulas

Enquisa autoavaliación diaria (renovada)

Principais medidas / Preguntas frecuentes (atoparedes o enlace no menú superior azul)

Aquí tedes os documentos de adaptación á situación covid, que como xa vos informamos, trátase de PROTOCOLOS VIVOS, que serán sometidos a continuas revisións e/ou actualizacións segundo indiquen as autoridades sanitarias e/ou educativas.

Plan de adaptación ao contexto covid (versión 1) / Plan de Continxencia (versión 1) / Plan de Acollida (versión 1)

Neste novo curso 2021/22 os horarios de entrada e saída serán escalonados como o curso pasado:

O éxito da medida radica na puntualidade e cumprimento dos mesmos, así como das normas que comentamos.

"MATERIAL COVID"  OBRIGATORIO POR ALUMNO/A: Infantil traerá dúas caixas de panos desbotables. Primaria traerá dúas caixas de panos desbotables, frasco pequeno con xel hidroalcohólico, máscara de reposto con funda para a mesma, e rotulador para pizarra blanca.

* O resumo ACTUALIZADO do protocolo enviarase nos próximos días (terá moi poucos cambios).

Ante o comezo de curso tan diferente que nos acomete, é preciso realizar unha reunión inicial PREVIA coas familias para dar a coñecer o PROTOCOLO DE ADAPTACIÓN AO COVID-19 no noso centro, así como algunhas normas xerais, adaptacións das entradas e saídas, e por suposto resolver as dúbidas que teñades.

A asistencia é completamente necesaria!!

NORMAS PARA ASISTIR Á REUNIÓN:

• Soamente poderá asistir unha persoa por familia, sen nenos/as.

• Respetarase en todo momento a distancia de 1,5m e empregarase a máscara.

• Entrarase tanto pola porta de infantil (rotonda Mikado) como pola principal do cole (Correos), para evitar aglomeracións.

• Cada persoa situarase unicamente nos lugares indicados

A reunión de Infantil será no hall da planta baixa, O LUNS 7 DE SETEMBRO nas seguintes quendas:

- 3 anos ás 10:30h

- 4 anos ás 12:00h

- 5 anos ás 13:00h

A reunión de Primaria será no patio cuberto, O LUNS7 DE SETEMBRO nas seguintes quendas:

- 1º e 2º EP ás 16:00h

- 3º e 4º EP ás 17:15h

- 5º e 6º EP ás 18:30h

* É realmente importante a asistencia, pero se non podedes asistir, pedide a información a outra familia que asistiu.

* O protocolo (tanto resumido como en versión completa) estará colgado na web do centro para a súa consulta tan pronto sexa posible.

* Despois das reunións, crearemos unha sección na web coas preguntas frecuentes.

Moitas grazas pola vosa comprensión, apoio e implicación nesta situación tan atípica que nos tocou compartir. ÁNIMO E TRANQUILIDADE, TODO VAI SAIR BEN!!!

Un saúdo,

O Equipo Directivo

Nesta situación tan excepcional que nos impediu realizar os actos de graduación habituais no centro, queremos dar a NORABOA AOS NENOS E NENAS DE 5 ANOS polo seu final de etapa.

Benvidos á etapa de Educación Primaria!!!

O Equipo de Biblioteca quere facervos unhas recomendacións lectoras para o verán:

3 a 7 anos                        7 a 9 anos                          A partir de 10 anos

Como ben sabedes, hoxe é o Día das Letras Galegas, que este ano está adicado a Ricardo Carvalho Calero.

Como non o puidemos celebrar no cole, quixemos darvos unha sorpresa e publicar a nosa Revista anual o 17 de maio de 2020

A nosa Pita Faladora xa vai polo número 41 (fai clic), e este ano é o primeiro número integramente dixital. Froito das aportacións de alumnos, alumnas, mestres e mestras; o Equipo de Dinamización da Lingua Galega encargouse da súa maquetación. Agardamos que vos guste!!! A desfrutar deste día lendo.

Que gran acollida tivo a nosa proposta! Como nos alegramos!

Tras procesar a morea de fotos e vídeos que nos enviastes, aquí tedes o ansiado resultado. Agardamos que vos guste e sentimos os recortes que tivemos que facer para que non se nos extendera demasiado a composición.

Un saúdo e o noso agradecemento pola participación!! Os profes de Educación Física e psicomotricidade: Rubén, Conrado e José Ángel.

#DEFC2020

Todo o profesorado do CEIP Nosa Señora dos Remedios queremos enviarvos unha mensaxe en forma de vídeo. Un graniño de area para intentar animar a todos os nenos e nenas e a toda a familia. Na distancia, seguimos estando ao voso lado e vos estrañamos.

Pero... PRONTO ESTAREMOS XUNTOS!!!

Moito ánimo familias, e moita saúde.

Unha aperta enorme de todo o profesorado.