Curso 2022/23

O pasado mércores día 1 de febreiro o alumnado de 1º e 2º de primaria realizou unha saída ao Museo de Historia Natural, no parque de Vista Alegre. A experiencia foi do máis gratificante. Alí puidemos coñecer a biodiversidade existente en diferentes partes do mundo, en especial a fraga galega. Tamén puidemos ver diferentes minerais, rochas, xemas, fósiles e meteoritos. Toda unha experiencia!

Hoxe celebramos a Paz.

Decoramos o centro, colaboramos escribindo PAZ en varios idiomas, participamos pintándonos bandeiras na cara, puidemos ver o traxe de Polonia que levaba Issabela, cantamos e interpretamos en lingua de signos dúas fermosas cancións.

                                                                                                           Pincha na imaxe 

Guadi Galego - Chea de vida - vídeo de AZ lingua de signos- Michael Jackson - We are the world            

O alumnado de 5 anos A en nome de todo o cole quere desexarvos un Feliz Aninovo e contarvos cómo se celebra noutros países.

A detective privada Raquel Queizás estivo investigando, coa colaboración do alumnado de 3º e 4º de Ed. Primaria, o misterio do Caso Azul. Logo da chamada da nai de Mariña, preocupada xa que a súa nena non voltara a casa, puxémonos a traballar! Ao longo da investigación descubrimos a sintomatoloxía da Diabetes Mellitus tipo I, que ocorre no noso corpo cando se manifesta, os seus efectos, como poñerlle remedio e como axudar a quen o precise se fora necesario. Aprendimos moito e pasámolo xenial, gracias Raquel! :)

Carmen, de 4ºB, presenta o seu "Xa o di Esther" sobre o Samaín.

O alumnado de 5ºA presenta unha entrevista en inglés ao noso mestre de música Fernando!

Non vos perdades a entrevista en video. Facede click sobre a imaxe:

Valentina, de 4ºB, presenta o seu "Xa o di Esther" sobre o cemiterio.

O día 11 de novembro día de San Martiño o CEIP Ramón Cabanillas celebrou o magosto. Leváronse a cabo xogos populares, nos que ademáis da colaboración do profesorado e alumnado, tivemos tamén a axuda do profesorado de prácticas e o alumnado de sexto de Educación Primaria. Tamén queremos agradecer a colaboración da ANPA xa que asaron as castañas para a súa degustación. Foi un día de diversión e aquí vos deixamos unha pequena mostra dese día.

Convídase ás/aos nais/pais/titores e titoras legais que así o desexen a participar como membros electos do Consello Escolar do CEIP Ramón Cabanillas, que debe proceder á renovación parcial dos seus membros, segundoa RESOLUCIÓN do 19 de setembro de 2022, da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros docentes sostidos con fondos públicos.

Para participar nesta elección deben cumprimentar o documento anexo e entregalo antes do peche do centro educativo o día 15 de novembro  de 2022.

Poden facelo en persoa, na conserxería do centro en horario de 9 a 14h ou de 16.30 a 18.30h ou envialo ao correo do centro: ceip.ramon.cabanillas@edu.xunta.gal á atención da dirección do centro.

Grazas por participar neste órgano tan importante para o adecuado funcionamento do centro educativo.