Entorno

Para conmemorar o Día da Árbore 2019 os alumnos e alumnas de Infantil ata 4º de primaria plantaron, en colaboración co Concello, 190 árbores no espazo ao carón co Colexio: loureiros, acivros, espiños, abeleiras, cerdeiras e sangomiños.

Dous membros de ADEGA deron unha charla didáctica, ao carón dos composteiros, para o alumnado de 5º de primaria sobre a recollida selectiva dos residuos para a elaboración de compost, continuando o traballo realizado ao longo do curso pasado.

Sonia Barros e Cristina Lourido, nais de Alejandro e Sara respectivamente de 6º de Ed. Infantil B impartiron ao alumnado do último curso Ed. Infantil un obradoiro de sensibilización ambiental sobre a escasez, contaminación e a depuración das augas residuais urbanas. Grazas pola vosa colaboración.

Segunda xornada de formación para o alumnado de 4º de primaria e observación  dos composteiros instalados no patio.

Dous membros de ADEGA deron unha charla didáctica ao alumnado de 4º de primaria sobre a reutilización dos residuos orgánicos. Logo montaron por grupos dous composteiros no patio para depositar os restos dos alimentos e seguir o proceso de transformación en abono ao longo do curso.

Xornada de plantación no horto escolar das Brañas de Sar organizada pola ANPA.

O alumnado de 5º de primaria plantou ceboliño, cilantro, romeu, tomiño, perifollo, albáfega, ourego, salvia e outras aromáticas, foi  acompañada dunha explicación de cada unha delas.

Actividade de educación ambiental organizada por Ferrovial, a USC e o Concello no CIPX (Centro de Interpretación dos Parques e Xardíns de Compostela)

3ºA (20 de marzo)	3ºB (21 de marzo)	4ºA (6 de abril)
4ºB (27 de marzo)	5ºA (28 de marzo)	5ºB (29 de marzo)

En colaboración co CIAC do Concello de Santiago o alumnado de 4º de primaria realizou unha actividade para coñecer a flora, fauna e unha análise medioambiental das Brañas do Sar.