Complementarias

Convídase ás/aos nais/pais/titores e titoras legais que así o desexen a participar como membros electos do Consello Escolar do CEIP Ramón Cabanillas, que debe proceder á renovación parcial dos seus membros, segundoa RESOLUCIÓN do 19 de setembro de 2022, da Dirección Xeral de Ordenación e Innovación Educativa, pola que se establece o calendario para a realización de eleccións de membros dos consellos escolares de centros docentes sostidos con fondos públicos.

Para participar nesta elección deben cumprimentar o documento anexo e entregalo antes do peche do centro educativo o día 15 de novembro  de 2022.

Poden facelo en persoa, na conserxería do centro en horario de 9 a 14h ou de 16.30 a 18.30h ou envialo ao correo do centro: ceip.ramon.cabanillas@edu.xunta.gal á atención da dirección do centro.

Grazas por participar neste órgano tan importante para o adecuado funcionamento do centro educativo.

O alumnado de primeiro de Educación Primaria realizou o venres 4 de novembro unha saída didáctica a cargo da Policía Local para realizar unha actividade práctica de Educación Vial. 

No verán a HORTA ESCOLAR non para. Grazas a colaboración de Luz Eyo (Hortalíza-T) convidamos a todas as familias que o desexen a disfrutar da horta, colaborar no seu mantenemento e recoller os froitos ben merecidos, despois de xornadas de traballo colaborativo.

Grazas por formar parte!

Continuamos dando VIDA e cumprindo cos ODS 2030 que nos pide a ONU para lograr a sustentabilidade do mundo.

Grazas a Luz que coordina a profesorado e alumnado, grazas a estes que se implican voluntariamente a través da profe Cris, imos avanzando, pouquiño a pouco.

 O pasado martes 10 de maio, o  alumnado de 6º e 5º de E.Primaria fixeron unha saída de lecer ao cámping de Os Fieitas en o Grove.

Gozaron dunha xornada moi divertida, aproveitando ese marabilloso entrono: fixeron cabanas no monte, compartiron un xantar cos amigos as sombras das árbores e divertidos xogos na praia onde tamén repuxeron folgos antes de voltar a casa.

Foi un día estupendo, xa había ganas de pasar un día así cos amigos e amigas.

 Fai clic enriba da foto.

O 26 de abril visitaron o noso centro, unha representación do profesorado do conservatorio de Santiago.

Os nenos e nenas de segundo e terceiro de primaria quedaron encantados e con ganas de ir matricularse nalgún instrumento

Esta semana con motivo da Semana do Libro, que durará unha quincena.

Queremos animar ao alumnado desde todas as aulas á lectura. Neste caso a proposta do equipo de Biblioteca (apoiado pola dinamización da lingua galega) fixo un chamamento ao alumnado de 6º que participa de colaborador/a de biblioteca e que a puxo a andar, neste curso tan complicado, temos que dicir que a colaboración foi tal, que temos que deixar algún contacontos para Maio, con motivo das letras.

Así o alumnado de 6º está indo polas aulas de infantil para contar un conto. Esta é unha ilustración deste primeiro día.

Grazas rapaces e rapazas, sen vós: nós non somos.

Non deixes de ver que máis cousas preparamos nos documentos adxuntos: Calendario e Programa.

A horta da escola sitúase no recreo ao lado das escaleiras. O 23 de marzo, Luz, que nos axudou, explicounos cales son as cosas necesarias da horta, como sachar para que esté aireado o solo, as cores que ten (máis claras, máis escuras)...

Vimos as diferentes ferramentas que se usan ainda que, principalmente, traballamos o primeiro día co sacho.

Para min é importante traballar en hortas porque axudamos ás plantas a crecer mellor, coa terra adecuada, aireada e sen moitas rochas.

Ao principio, cando eu sachaba, non facía moita forza para non romper o sacho, pero logo Luz díxome que hai que facelo con algo de forza e agarrándoo sempre un pouco atrás, e xa empecei a facelo mellor.

Locus amoenus. (:)

Aquí temos unhas recomendacións de Luz para as seguintes tarefas.

A ver se para de chover.

Estimadas familias,

O CEIP Ramón Cabanillas convida a comunidade educativa a participar nesta iniciativa solidaria de recollida de roupa e clazado usado.

Para isto recibirán unha bolsa na que poderán introducir este material solicitado, que se atope en boas condicións de uso.

Quen o desexe pode depositar as bolsas co contido na conserxería do centro educativo, dando aviso a Maricarmen (a nosa conserxe).

ANTES do Día 31 de marzo de 2022.

Moitas grazas por colaborar.

Desde o CEIP Ramón Cabanillas, facemos eco deste evento: Día Internacional da Lingua Materna

• Entrada libre ata esgotar a capacidade do espazo
• O evento dura sobre unha hora
• Data: 20 de febreiro, ás 11.30 h. é importante que veñas antes, para non quedarte fóra.
• Lugar: xardín do teatro da Cidade da Cultura

Este ano, a Xunta de Galicia celebra o Día Internacional da Lingua Materna o día 20, domingo, para favorecer a participación dos nenos e nenas e as súas familias. Faino cun breve acto institucional e cunha actividade de dinamización lingüística que contará coa presenza das Tanxugueiras e do grupo de música infantil Trotaventos. 

As Tanxugueiras son a revelación que puxo a música galega e en galego nas bocas de nenos e mozos de toda Galicia. Coa súa reivindicación da tradición e da lingua como ferramentas que nos ligan co pasado, pero que nos proxectan tamén cara ao presente e o futuro e que nos permiten abrirnos ao mundo desde as nosas raíces, representan todos os valores que se queren transmitir coa celebración do Día Internacional da Lingua Materna.

Completa a festa o concerto A fiestra dos soños, do grupo Trotaventos, que afonda nas músicas tradicionais de Galicia e do mundo, todas ao alcance da nosa man interpretadas en galego.É un acto de entrada libre ata esgotar a capacidade do espazo e, por tanto, aberto a todos os nenos e nenas que desexen asistir e ás persoas acompañantes.

Actividade organizada pola Subdirección Xeral de Planificación e Dinamización LingüísticaSecretaría Xeral de Política LingüísticaConsellería de Cultura, Eudación e Universidade