Complementarias

Saída didáctica do alumnado de 6º de infantil á Galería Sargadelos para a participación na "XVII Campaña Municipal de Animación á Lectura" organizada polo Concello e Kalandraka Editora.

Actividade didáctica da Policía Local para 5º de Ed. Infantil. A mascota Moito Olliño viaxou ao cole para unha xornada de educación viaria.

As nenas e nenos de primeiro A e B queremos ter os dentes brancos, porque, como ben nos amosou Lucía (a nai de Antía e Noa):
"Cun soriso brillante teremos un futuro brillante". 
Amosounos como son os nosos dentes, e díxonos cantos temos (aos 6 anos) e cantos podemos chegar a ter (na idade adulta). 
Explicounos a importancia de coidalos, co que comemos, cando o comemos e co seu cepillado. Desmentiu algún mito.
Gustounos moitísimo que nos deixara practicar a ser odontólogas e odontólogos... algunha e algúnsxa estamos a sentir vocacións tempranas.
Xogamos a " mira quen sorrí" e descubrimos que, as persoas e os debuxos que máis nos gustan, se limpan os dentes.

Moitas grazas, Lucía.

Saída didáctica do alumnado de 4º de primaria ao Centro Sociocultural Santa Marta, actividade organizada polo Auditorio de Galicia e impartida polo grupo de Danza "Pesdelán". Participaron nunha sesión interactiva sobre as Entroidanzas.

Planificada pola Policía Local, o 9 de febreiro houbo unha xornada de ed. viaria no Recinto Feiral de Amio á que asistiron os dous grupos de 6º de primaria.

Para preparar a saída que o alumnado de 4º de primaria vai realizar o 21 de febreiro ao Centro Sociocultural Santa Marta, achegouse ao Ximnasio unha compoñente do grupo de Danza "Pesdelán" e participaron dunha sesión didáctica sobre as Entroidanzas.

Organizado polo Auditorio de Galicia, o alumnado de 2º de primaria acudiu á representación da compañía de títeres Cachirulo "O libro da Selva" no Teatro Principal. Antes poideron ver unha fermosa exposición. Esta actividade terá unha continuación no Colexio xa que a mesma compañía desprazarase para realizar unha sesión didáctica ao mesmo alumnado.

Visita didáctica do alumnado de 6º de primaria á clínica veterinaria Can Cat

Para o alumnado de 1º houbo un contacontos sobre os refuxiados no mundo de catro voluntarias de "Médicos sen Fronteiras". Tratou sobre a idea de compartir, de respectar as diferencias e incluso sacarlles partido...

En colaboración co CIAC do Concello de Santiago o alumnado de 4º de primaria realizou unha actividade para coñecer a flora, fauna e unha análise medioambiental das Brañas do Sar.