Skip to Content

Día da Poesía 2023

O pasado martes, 21 de marzo, celebrouse o Día da Poesía. Para conmemoralo, o grupo de Expresión Corporal, composto por alumnas e alumnos de 4o, 5o e 6o de Primaria, realizou unha interpretación dun poema musicalizado a través do movemento e a expresión corporal.

O poema elexido foi Estados de Ánimo, de Mario Benedetti, un escritor uruguaio, periodista, poeta e dramaturgo. Poñen voz ao mesmo, nenos e nenas de 3° de Primaria.

Así ben, realizouse con música interpretada polo violonchelista de orixe croata Stjepan Hauser, versionando Now we are free, canción composta por Lisa Gerrard, Hans Zimmer e Klaus Badelt.

Agardamos que vos guste.

Estados de ánimo

Unas veces me siento

como pobre colina

y otras como montaña

de cumbres repetidas.

Unas veces me siento

como un acantilado

y en otras como un cielo

azul pero lejano.

A veces uno es

manantial entre rocas

y otras veces un árbol

con las últimas hojas.

Pero hoy me siento apenas

como laguna insomnecon un embarcadero

ya sin embarcaciones

una laguna verde

inmóvil y paciente

conforme con sus algas

sus musgos y sus peces,

sereno en mi confianza

confiando en que una tarde

te acerques y te mires,

te mires al mirarme.

Mario Benedetti,

 

“Canciones de amor y desamor”, Poemas de otros (1973-74)

Visita de Berta Dávila

Hoxe visitounos Berta Dávila grazas á colaboración de Faro da Escola e Edicions Xerais de Galicia para charlar connosco sobre o seu libro Demetrio Demoscopio perdeu a chispa.
Cando Demetrio Demoscopio perdeu a súa chispa o pequeno André decidiu axudalo a recuperala para o que andivo maquinando como conseguilo: dende contarlle chistes ata meterse nun libro máxico.
 
Unha conversa ben interesante na que descubrimos a unha escritora consagrada que se achega por 1° vez á literatura infantil.
 

 

Visita do meteorólogo Carlos Fernández

Hoxe visitounos unha persoa moi especial. Un meteorólogo que ademais é o papá de Dani e Andrea. Explicounos o que fai a meteoroloxía, como se poducen diferentes fenómenos meteorolóxicos, que son as enerxías sostibles ou como funciona un aeroxerador. E todo isto con experimentos moi didácticos. Moitas grazas polo teu traballo!!!

 

O Chef de Rubiáns

Hoxe descubrimos, da man de Richard e Dolores, de @malqueridavilla, que a cociña é ciencia porque todo se produce por unha reacción física ou química.
Despois de deixar unha masa a fermentar e unha mazá e un aguacate a oxidar, fomos visitar ao seu proveedor Daniel, que ten a súa horta moi pretiño do colexio, e que nos explicou a importancia de non botarlle produtos químicos. Despois deunos a probar flor de rúcula e follas de mostaza e cadansúa laranxa. Con él estaban outros agricultores ecolóxicos de Asoprovida, que teñen moita experienciaen hortos escolares.

Cando regresamos ao cole puxémonos "mans á masa" e curamos xema de ovo, montamos claras, probamos petacetas, e fixemos esferificacións. Como nos gustou! 

Pero a cousa non quedou aí, todos e todas probamos unha morea de pratos cheíños de ciencia feitos polas familias: galletas e biscoitos con formas moi interesantes (estrelas, bombillas, números, vehículos...), ovos de cores, ADN, flocos de millo, trufas, empanada, magdalenas.... E para que aprendamos todos a facelas xa temos un receitario ben interesante coa recompilación de receitas. 

Moitas grazas, Richard por compartir connosco o teu saber. 

 

Visita de Marcos Vázquez

Hoxe comezamos as visitas das familias para falarnos de ciencias e todo o alumnado do cole, puido gozar dun obradoiro de Astronomía grazas á colaboración de Marcos Vázquez. 
Puidemos facer un "telescopio" e ver as constelacións, coñecer as fases lunares, facer un visor solar para non quedar cegos e un reloxo de sol.
Que cousas máis interesantes!
Grazas Marcos por compartir o teu saber connosco.
 

 

8M. Día da Muller

Hoxe descubrimos que son moitas as científicas nos equipos de investigación, pero van perdéndose como goteiras nunha tubaxe se miramos máis arriba nos postos de dirección debido ao teito de cristal e ao chan pegañento. 
 
Tamén soubemos da man de María de la Fuente Freire, directora do grupo de nano-oncoloxía do IDIS, que en Galicia aprobouse unha lei para que as científicas non sexan penalizadas por ser nais. A Lei Ángeles Alvariño foi promovida por ela mesma despois de ser penalizada por ser nai.
 
María explicounos que están investigando para que teñamos medicinas personalizadas e tamén que os nanomedicamentos teñen o diámetro dun cabelo e levan a menciña xusto a onde fai falta.
 
Despois visitounos Teresa Brianes, empresaria e directora da área de Comunicación e Marketing de Dos Espacios, para falarnos de tecnoloxía, e explicounos que hai moitas menos mulleres en tecnoloxía, sendo maioría na Universidade.
 
Teresa explicounos que na súa empresa máis da metade do equipo está formado por mulleres, aínda que non é o habitual. Contounos que ademais de páxinas web, traballan coa Realidade Aumentada, entre outras cousas, para que poidamos ver un museo ou un lugar, se non podemos facelo físicamente. Para conseguilo, na empresa, aínda que é de tecnoloxía, tamén traballan persoas que estudaron historia, publicidade, deseño gráfico, sistemas, programación...
 
As dúas animaron, tanto a nenas coma nenos, a fixarse moi ben en todos os traballos que hai para que poidan escoller o que máis lles gusta, independentemente do seu xénero.
 
Moitas grazas ás dúas por colaborar connosco!
 

 

Atlético Arousana

Hoxe visitáronnos as chicas do Atlético Arousana para dar a coñecer o que fan no seu club e para darlle visibilidade ao deporte feminino.

Deixáronnos ben claro a vecesidade de seguir celebrando o 8M porque hai moitas diferencias entre o fútbol masculino e o feminino, e o mesmo pasa con outros moitos ámbitos.

 

Non hai idade para facer deporte

O venres visitounos Avelino Barreiro, ciclista vilagarcian de 84 anos e avó dun alumno do cole.
Deixounos a todos abraiados, pois no 2021 fixo 25.000 km e cada día pedalea sobre 200 km. A súa vitalidade e paixón son dignas de eloxio.
 
Grazas a el quedounos ben claro que a vondade e o esforzo son moi importantes, que hai que facer deporte, alimentarse ben e ter moito coidado se circulamos pola estrada, e sempre sen esquecer o casco.
 
Parabens pola túa constancia e moitas grazas por compartilo connosco!
 

 

Estrela Rosaliadecastro

Este ano achegámonos á figura da nosa poeta máis universal observando a relación da súa obra co espazo e coñecendo a estrela que leva o seu nome, xunto ao exoplaneta Riosar.

Nas difererentes imaxes atoparedes información sobre a estrela Rosaliadecastro e a astrónoma Antonia Ferrín.

Entroido 2023

E chegou o Entroido. Ciencia e ciencia por todos os lados. Científicos tolos, reloxos, astronautas, Einsteins, Tois, cohetes, galaxias, laboratorios, inventos e algún que outro choqueiro. Que continúe a festa!!!

 

 

Distribuir contido


by Dr. Radut