Estimadas familias:

A Consellería de Educación publicou a normativa para a renovación dos membros dos Consellos Escolares convocada pola Resolución do 19 de Setembro de 2022.

A normativa vixente que regula o proceso de renovación parcial do Consello Escolar é a seguinte:

• Decreto 92/1988, do 28 de abril, polo que se regulan os órganos de goberno dos centros públicos de ensino non universitario, modificado polo Decreto 279/1990, do 27 de abril e polo Decreto 324/ 1996.
• Decreto 374/1996, do 17 de outubro, polo que se aproba o Regulamento orgánico das escolas de educación infantil e dos colexios de educación primaria (Artigos 36º - 45º).
• Orde do 21 de Outubro de 1996 pola que se determinan aspectos para a elección dos membros do Consello Escolar nos centros docentes sostidos con fondos públicos, e se fixan as súas datas de celebración.
• Circular nº 1/98, do 2 setembro, da Dirección Xeral de Centros e Inspección Educativa pola que se aclaran posibles dúbidas en relación co proceso de elección, composición e constitución dos órganos de goberno dos centros públicos
• Circular nº 18/00 da Dirección Xeral de Centros e Inspección Educativa pola que se completa a circular nº 1/98 pola que se aclaran posibles dúbidas en relación co proceso de elección, composición e constitución dos órganos de goberno dos centros públicos.
• Resolución do 20 de Setembro de 2021, da Secretaría Xeral de Educación e Formación Profesional, pola que se establece o calendario para a celebración de eleccións de membros dos consellos escolares de centros docentes sostidos con fondos público.

MEMBROS A RENOVAR

Este ano toca renovar aos seguintes membros dos distintos sectores:

• 3 membros do sector do profesorado
• 2 membros do sector de nais e pais
  

CENSOS

No taboleiro do colexio están publicados os censos dos distintos sectores para as votacións nas eleccións do Consello Escolar. O período para realizar reclamacións ao censo será desde o 10 ata o 17 de novembro

PRAZO DE PRESENTACIÓN DE CANDIDATURAS

O prazo para a presentación de candidaturas dos sectores será desde o 11 ata o 18 de novembro, ambos incluídos. Os interesados en presentar candidatura terán que achegarse ao centro para cumprimentar a documentación para a presentación da candidatura.

DÍA DA VOTACIÓN

O luns 28 de novembro realizaranse as votacións para a elección dos representantes no Consello Escolar. O horario para as votacións no sector das familias será de 12:00 a 14:00 e de 16:00 a 18:00.

Estimadas familias:

Informámosvos de que saiu unha ampliación da axuda para adquirir material escolar de 25€ regulada pola Orde do 29 de abril do 2022.

Esta axuda é só para aquelas familias que recibiron o vale de material anterior.  

As datas e horas ás que vos podedes pasar a recoller o vale de material son as seguintes:

- Mércores 19/10/22 de 12:00 a 14:00

- Xoves 20/10/22 de 9:00 a 10:30

-------------------------------------------------------

- Luns 24/10/22 de 9:00 a 10:30 e de 12:00 a 14:00

- Martes 25/10/22 de 9:00 a 10:30

- Mércores 26/10/22 de 12:00 a 14:00

- Venres 28/10/22 de 12:00 a 14:00 

Se non podedes acudir a recoller o vale nese horario, chamade ao centro para concretar cita. Os teléfonos son 881930071 ou 881930070.

Un cordial saúdo

Pasado o verán, informamos que o vindeiro xoves día 8 de setembro volverá a actividade lectiva. Comezando o curso 22/23.

Debemos ter en conta que, agora volvemos ao horario e organización de entradas e saídas anteriores á pandemia. Polo que o horario do centro será de 9:00 a 14:00 horas, entrando e saíndo todo o alumnado pola porta principal, (cancela do patio). 

Recordamos ás familias que non pasaron en xullo a recoller os vales de material e fondo libros, poden facelo os días 5 e 6 de setembro en horario de 10:00 a 13:00 horas.

Recordamos que as familias que non pasaron polo centro a recoller os vales para a axuda de adquisición de libros e de material. Volverá abrirse o prazo para a recollida nos primeiros días do mes de setembro. 

Informamos que xa están publicadas no taboleiro do centro as listaxes provisionais de admitidos e exluídos no fondo solidario de libros de texto para o curso escolar 2022/23.

Prazos:

• Período de reclamacións á adxudicación provisonal: 30 de xuño e 1 de xullo de 2022.
• Publicación da resolución definitiva no taboleiro do centro: 4 de xullo de 2022.
• Entrega dos vales de libros e material aos solicitantes que teñen dereito: 5, 6 e 7 de xullo en horario de 10:00 a 13:00 horas.
• Primeiros días de setembro: Entrega dos libros asignados ao alumnado.

Pincha aquí para ver o listado de libros e material para o curso 2022/2023

Recordamos que o prazo para a formalizaicón da matrícula do curso 2022 - 2023 vai desde o 20 ao 30 de xuño de 2022. Para poder formalizar a matrícula, a documentación necesaria será:

• Anexo III Debidamente cuberto e asinado.
• 4 fotos tamaño carné (nome e apelidos por detrás)
• Fotocopia da cartilla de vacinas.
• Certificado de empadroamento da unidade familiar.
• Fotocopia da tarxeta sanitaria.
• Certificado de alerxias ou intolerancias (de ser o caso).

No DOG do día 18 de maio de 2022 publícase a Orde do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23.   

BENEFICIARIOS                                                                                                                                   

Familias con alumnado matriculado en centros docentes da Comunidade Autónoma de Galicia sostidos con fondos públicos nas seguintes modalidades:

a) Axudas para adquirir libros de texto destinadas ao alumnado matriculado en 1º e 2º de educación primaria e en educación especial, así como as axudas que pode recibir o alumnado incluído na disposición adicional primeira da orde.                                                                                                     

b) Axudas para material escolar destinadas ao alumnado matriculado en educación primaria, ESO e EE.                                                                            

c) Fondo solidario de libros de texto do alumnado matriculado en 3º e 4º de educación primaria.

d) Alumnado de 5º e 6º de educación primaria, unicamente vale de material escolar. (Utilizarán libros dixitais e ordenador portátil dentro do Proxecto Edixgal).                                                                                                        

PRAZO DE SOLICITUDE

Comeza o 19 de maio e remata o 22 de xuño

PRESENTACIÓN DAS SOLICITUDES

Preferentemente farase por vía telemática. Enlace á aplicación Fondolibros.

De xeito presencial na Secretaría do centro en horario de 10:00 a 14:00.

SOLICITUDE PARA DESCARGAR    

Documentación a presentar 

• Anexo I (deberá vir asidando polos dous proxenitores)
• Anexo II para comprobación dos membros computables da unidade familiar, agás a persoa solicitante.
• Copia do libro de familia, onde figuren os membros computables da unidade familiar.
• En caso de separación ou divorcio, achegar a sentenza xudicial ou convenio regulador onde conste a atribución do/a menor.

Informamos que a listaxe definitiva de alumnado admitido no proceso de admisión para o vindeiro curso 2022/2023 está publicada no taboleiro do centro. 

Recordamos que tamén se pode consultar a través da aplicación admisiónalumnado.

Recordamos que todas as solicitudes presentadas foron admitidas.