A vindeira semana temos a primeira xornada de portas abertas tanto en horario de mañá como de tarde... Deixámosvos o pdf do tríptico coa información máis relevante do noso cole. AGARDÁMOSVOS! VIDE A COÑECERNOS!
Xa rematado o primeiro trimestre, queremos desexarvos un BO NADAL e un PRÓSPERO 2024! E, que mellor forma, que facelo coa postal gañadora no reto mensual de Larapeto. Noraboa Roque!
O luns 4 de decembro, conmemorábamos no cole o "DÍA INTERNACIONAL DAS PERSOAS CON DISCAPACIDADE" (o cal foi o pasado 3 de decembro). Este curso, xa que andamos inmeross no noso proxecto "Olímpicos de Xeve", decidimos traballar este día dunha forma diferente. Cada aula indagou sobre un ou unha deportista paralímpic@ galeg@ e preparou un mural e unha exposición. Desta forma, onte, reuníamonos tod@s no salón de usos múltiples para celebralo xunt@s. Os seus traballiños xa están expostos na biblioteca.
Aquí tedes o resultado da súa exposición... Fixérono xenial!
O vindeiro martes 5 de decembro realizaranse unhas xornadas sobre "PERCEPCIÓN AXEITADA DO ROL PARENTAL PARA PAIS E NAIS" impartidas pola Cruz Vermella. Estas, están enmarcadas no proxecto de "Apoio á parentalidade positiva" que ten esta mesma entidade. Terán lugar ás 17:30 h no colexio. Podedes anotarvos no seguinte enlace.
O vindeiro 7 de novembro ás 17:00 horas, realizarase no colexio unha charla informativa para familias sobre ciberseguridade, protección de datos e adicción aos videoxogos. Esta estará impartida pola Policía Nacional. Animádevos a participar! Podedes inscribirvos no seguinte enlace
Esta fin de semana celébrase en Pontevedra a Gran Final das Series Mundiais do Triatlón! Como este curso a temática do proxecto do centro será "Olímpicos de Xeve", cremos que acercar aos nenos e nenas a este gran acontecemento pode ser un elemento moi motivador! Así que animámosvos a ir e disfrutar en familia!
O pasado 9 de febreiro, o alumnado de Educación Infantil visitaba o Museo do Mar en Vigo. Ademais de gozar das actividades propostas polo museo, desfrutaron dunha xornada de convivencia conxunta con merendola e tempo de lecer... Aquí vos deixamos unha pequena mostra do ben que o pasaron!
Hoxe conmemórase o DÍA ESCOLAR DA NON VIOLENCIA E DA PAZ. No noso centro, entre outras cousas, celebrámolo cantando un RAP: O RAP POLA PAZ. Esperamos que vos guste!
Ogallá acadar a PAZ fose tan sinxelo como cantar este RAP...
O pasado mércores saímos ao mercado municipal de Pontevedra coa guía e acompañamento das monitoras do GANAPÁN. Para algúns e algunhas foi a primeira viaxe en bus e para os de 3 anos foi a primeira saída.
O pasado 25 de novembro realizamos unha instalación artística co lema "NO COLE DE XEVE CAMIÑAMOS TOD@S XUNT@S CONTRA A VIOLENCIA DE XÉNERO" no que participou todo o cole. Grazas ás familias polas aportacións de zapatos que cada nen@ pintou de cor morada de forma simbólica.
Agardamos que nun futuro non teñamos que celebrar estas conmemoracións... Por un mundo en IGUALDADE e SEN VIOLENCIA!
