O venres da próxima semana celebraremos o Entroido no cole, disfrazados de coelliños e coelliñas. E a ver se recoñecemos a esas mamás e eses profes que tamén virán disfrazados! Coma todos os anos, faremos unha foto dos nenos de cada clase, veremos algunha peli, desfilaremos bailando, e comeremos as lambetadas tan ricas que traen as nosas familias. A profe Pili preparou un baile, a profe Ana contaranos contos, desos que nos fan rir tanto, e os pequenos e pequenas de infantil recitarán un poema e cantarán unha canción en inglés.

Chegou o inverno e así vemos a paisaxe con xeada desde o noso cole.

Chegou o outono e estamos a adornar o colexo. Os nenos e nenas de infantil pintaron as follas da nosa árbore e os de primaria están a facer o mural do fondo. Que vos parecen?

Coma todos os anos, os nenos e nenas do cole fixeron coas súas familias unhas cabazas, este ano disfrazadas de persoal do centro. Que favorecidos nos vimos! Ollade...

BENVIDOS Ó NOVO CURSO ESCOLAR 2011-2012!

O vindeiro mércores día 15 os alumnos e alumnas de infantil e primeiro ciclo de primaria asistiremos ó pazo de cultura para reunirnos cos outros rapaces dos coles cos que escribimos este ano os contos viaxeiros (un por ciclo): Campolongo, Fina Casalderrey, Verducido, Lérez e Campañó. Faremos unha divertida festa na que, entre outras cousas, veremos unha presentación dos contos. ¡Xa estamos grabando as nosas voces! 

O prazo para solicitar axudas comeza mañán día 1 de Xuño para o alumnado de primaria, e durará ata o día 30 de Xuño, despois de que hoxe, martes, se publiquen no Diario Oficial de Galicia (DOG) as convocatorias de axudas para a adquisición dos libros de texto para o curso 2011/2012.

As solicitudes e demais información poderán consultarse no DOG e no portal educativo da Xunta de Galicia, www.edu.xunta.es.

As nenas e nenos de educación infantil visitamos a Granxa Kiriko, en Fornelos.

Chegamos ó cole con moitas ganas de vela e, despois de preto dunha hora de viaxe, alí a tiñamos. Recibíronos os monitores e monitoras, tres cans e unha cotorra.

Divididos en catro grupos, coñecemos as súas estancias e inquilinos: galiñas, galos, poliños, vacas, burros, cabalos, mapaches, coellos, cabras... vimos o invernadeiro, regamos as prantas da horta, ordeñamos unha vaca "de mentira", fixemos rosquillas...

Chegamos á comida con fame, e despois de comer lavamos a cara e as mans e xogamos no parque cos columpios e os monitores, que facían moitas tonterías.

Tras facer as últimas actividades chegou o momento de voltar ó cole. Non tiñamos ganas pero chegamos agotados ó bus e algúns quedámonos durmidos.

Os nosos papás, mamás ou avós agardaban alí. Era o momento de contarlles o acontecido, así que marchamos con eles despois de decirlles adeus ós nosos compis e mestras.

En educación infantil estamos a realizar un traballo sobre "a prensa". A primeira das noticias que limos falaba deste can, que os nenos e nenas debían buscar por Pontevedra. ¡Foron moitos os que o viron! ¿Que pensades sobre o que di?