CEIP SANTO ANDRÉ DE XEVE | "MEDRA, XOGA E APRENDE"

TENIS NO CLUB DE TENIS PONTEVEDRA. 3º E 4º E. PRIMARIA.

O martes 16 de abril tiveron unha xornada de iniciación ao tenis nas instalacións do Club de Tenis Pontevedra o alumnado de 3º e 4º de educación primaria.
Compartiron esta clase cos colexios de Cabanas, Parada Campañó, Froebel e Isidora Riestra.
Practicaron os golpes básicos de dereita e de revés, fixeron xogos e o pasaron moi ben.

Álbum: Curso 23-24 -> Tenis no Club de tenis Pontevedra 3º e 4º

SEMANA DO LIBRO 2024

Como cada ano, neste mes de abril, desfrutamos dunha semaniña chea de actividades relacionadas cos libros e a lectura.

ADMISIÓN ALUMNADO 2024/25

TODAS OS ALUMNAS E ALUMNOS QUE SOLICITARON PRACA EN 4º DE EDUCACIÓN INFANTIL ESTÁN ADMITIDOS/AS.

O período de matrícula é do 20 ao 30 de xuño.

ELECCIÓNS Á XUNTA DIRECTIVA DA ANPA

De acordo cos estatutos da Asociación, o mandato da Xunta Directiva dura dous anos, polo tanto, procedemos a convocar de novo eleccións, que terán lugar na Asemblea Xeral Extraordinaria de fin e curso.

Estas son as datas para o proceso:

● Presentación de candidaturas: do 03 ao 28 de maio de 2024, ata as 23:59 horas. As candidaturas enviaranse por e-mail á dirección anpa.stoandredexeve@nontedurmas.org co asunto “Candidatura Xunta Directiva ANPA”. Deberán incluír os nomes e apelidos das persoas candidatas e o seu NIF, e o apelido dos seus fillos para que podamos consultar con facilidade na nosa base de datos se esas persoas son socias da ANPA.

● Publicación das listas de candidatas/os: o 30 de maio de 2024, na web do CEIP Santo André de Xeve, por ABALAR e por whatsapp a través do canle de comunicación da ANPA.

● Reclamacións ás listas: do 31 de maio ao 3 de xuño de 2024, enviando correo electrónico á dirección de e-mail da ANPA, ata as 23:59 horas.

● Celebración de eleccións e reconto de votos: o 07 de xuño de 2024 na Asemblea Xeral Extraordinaria, cuxa convocatoria se enviará proximamente por ABALAR e por whatsapp a través do canle de comunicación da ANPA.

● Publicación de resultados: o 10 de xuño de 2024 na web do CEIP Santo André de Xeve, por ABALAR e por whatsapp a través do canle de comunicación da ANPA, .

1 adxunto

AUMENTA A FAMILIA!

Coa chegada de maio tivemos a sorte de poder seguir o proceso do nacemento dos novos membros do cole de Xeve, os pitiños! Todos os días pequenos e maiores pasamos a saudar os membros máis pequenos do cole antes de comezar a mañá e logo despedímonos antes de marchar. Seguide medrando, xogando e aprendendo pitiños!

Álbum: Curso 23-24 -> PITIÑOS

PONTENCIENCIA 2024

O pasado venres 3 de maio o alumnado de 6º de E.P. participou na feira de Pontenciencia onde presentaron a súa investigación "A guerra química das plantas exóticas invasoras". Despois de meses de traballo e investigación chegaron ó momento de poñer en escena e expoñer todo o descuberto. Así durante dous días de feira científica compartiron con moito público dita investigación. Tamén tiveron a oportunidade de achegarse á ciencia, á tecnoloxía e á investigación que se promove dende a Facultade de Vigo a través de varios talleres.

Noraboa ó noso alumnado por seguir medrando, aprendendo e ensinando!

Álbum: Curso 23-24 -> Pontenciencia

PIRAGÜISMO EN DRAGÓNS 5ºEP

O mércores 10 de abril o alumnado de 5º de primaria, xunto cos do mesmo curso do ceip San Bieito de Lérez visitou o Escola de Piragüismo Cidade de Pontevedra. Alí coñeron o club e navegaron nun Dragón, embarcación de orixen chinesa.
Está actividade serviu de preparación para unha vindoira xornada de convivência con outros centros na praia fluvial do Lérez.