Este ano está dedicado á autora Luísa Villalta Gómez, nada na Coruña o 15 de xullo de 1957 e finada na mesma cidade o 6 de marzo de 2004, foi unha escritora, filóloga e violinista galega. Escribiu poesía, teatro, narrativa de ficción, ensaio, articulismo e tradución. Dentro do ámbito da poesía publicou os libros Música Reservada (1991), Ruído (1995), Rota ao interior do ollo (1995), En concreto (2004) e Papagaio (2006, póstumo) ademais de textos e colaboracións en diferentes medios, antoloxías, publicacións periódicas, revistas na web etc.

Este xoves 16 de maio celebramos o Festival das Letras Galegas no colexio coas diferentes actuacións de todos os cursos, festival que organiza o equipo de Dinamización da Lingua Galega e que poden asistir as familias sobre as 12h.

Pinchade no cartel e podedes consultar o programa do Festival:

Nos seguintes vídeos podedes ver as diferentes actuacións do festival e a entrega dos premios da XXIX edición do Certame Literario da Xoaniña organizado polo Equipo de Dinamización da Lingua Galega:

Informamos que todas as novas solicitudes de admisión entregadas no período ordinario do mes de marzo están aceptadas e polo tanto se lle adxudica praza no Centro.

FESTIVAL DO ENTROIDO: 

Moitas grazas ás familias por asistir un ano máis ao Festival do Entroido.

E como sempre, o alumnado disfrutou a tope.

Podedes ver aquí un resumo das fotos e vídeos das diferentes comparsas dos cursos. 

Feliz Entroido!!! 

MANDADIÑOS DO MECO: COMEZAMOS O LUNS 5 DE FEBREIRO:

Comezamos un ano máis coa semana do Entroido coas ordes do Meco. Acordádevos que son acumulativas, é dicir, cada día hai que traer o que o Meco mande e, tamén, o dos días anteriores:

4- XOVES: "COMO MOLA RECICLAR, CONVÉRTETE NUN SUPERHEROE MUNDIAL TRAENDO UNHA CAPA QUE DO LIXO SALVARÁS"

3- MÉRCORES: "A ROUPA É DO QUE MÁIS CONTAMINA, DÁLLE UNHA NOVA VIDA TRAENDO UNHA NOVA PRENDA DA TÚA AVOA OU DA TÚA VECIÑA"

2- MARTES: "O PAPEL É UN ELEMENTO DA NATUREZA, UTILÍZAO PARA TRAER ALGO ORIXINAL NA CABEZA"

1- LUNS: "O PLÁSTICO DEBEMOS RECICLAR, PARA ISO UN BONITO COLAR DEBERÁS CONFECCIONAR"

O martes 30 de xaneiro, para conmemorar o día da Paz, fixemos unha xornada de xogos feitos con material de refugallo, e ese día, cada neno/a conseguiu un carné que levou a casa selado coas probas nas que participou. 

Con esta iniciativa pretendemos que cada familia patrocine os xogos, aportando alimentos non perecedoiros e/ou produtos de hixiene para donar ao banco de alimentos de Gondomar.

A AVV Galiñeiro de Vincios, a Comunidade de Montes de Vincios e a ANPA foron os encargados de colaborar e organizar a recollida.

Nos seguintes vídeos podedes apreciar a xornada dos xogos solidarios e a recollida dos alimentos por parte da AVV Galiñeiro de Vincios, a Comunidade de Montes de Vincios e a ANPA do colexio.

Moitas grazas pola vosa colaboración!!!

A postal de Nadal gañadora do Concurso 2023 foi a de MARA CASTRO GARRIDO, 5º EP

Parabéns, por crear esta fermosa postal!!!

Abaixo podedes veras fotos do gran traballo de tódolos nenos/as creando unhas postais incribles e os vídeos das panxoliñas dos diferentes cursos.

FELICES FESTAS!!!

Outro ano máis celebramos o magosto cun día na natureza no Monte Galiñeiro. 

O día comeza cunha camiñata ata o lugar de encontro e logo roca repoñer forzas cunhas ricas castañas asadas por Pablo.

Nos diferentes blogues de ciclos atoparedes imaxes deste día tan marabilloso

Como todos os anos, as vosas cestas de outono deixáronnos abraiados!

Podedes desfrutar da exposición de cestas deste ano no seguinte vídeo.

O DÍA 31 DE OUTUBRO CONMEMORAMOS O SAMAÍN COA EXPOSICIÓN DAS VOSAS CABAZAS

QUE, COMO CADA ANO, ENCANDEÁRONNOS!

PARA TREMER DE MEDO!!