2 DE ABRIL. DÍA INTERNACIONAL DO LIBRO INFANTIL
Enviado por Anónimo o Lun, 04/01/2013 - 12:57
O día 2 de abril conmemórase, tal e como se vén facendo desde o ano 1967, o nacemento de Hans Christian Andersen. A IBBY ( Organización Internacional para o Libro Xuvenil)declarou esa data como o Día Internacional do Libro Infantil, co fin de lembrar a importancia de ofrecer bos libros a todas as nenas e nenos, libros de calidade que esperten a súa imaxinación e os axuden a medrar como lectores e como persoas.
Cada ano, esta organización internacional encárgalle unha imaxe e un texto a autores de diferentes países. Nesta ocasión, a autora do texto é a mexicana PAT MORA e o ilustrador do cartel é o estadounidense ASHLEY BRYAN.
Lemos xuntos, ti e eu.
Vemos que as letras forman palabras
e as palabras convértense en libros
que estreitamos nas nosas mans.
Oímos murmurios
e ríos buliciosos nas súas páxinas,
osos que cantan
graciosas melodías á lúa.
Entramos en misteriosos castelos
e das nosas mans soben ata as nubes
árbores florecidas. Vemos nenas valentes que voan
e nenos que atrapan as estrelas.
Lemos xuntos. Ti e eu, dando voltas e voltas,
percorrendo o mundo coa alegría nos libros.
Poema de Pat Mora
Traducción: Concha Blanco
21 DE MARZO. DÍA DA POESÍA
Enviado por Anónimo o Lun, 04/01/2013 - 12:20Alá polo 1999 a UNESCO declarou o Día 21 de marzo como o Día Mundial da Poesía.
O alumnado, nesta ocasión de 4º de Educación Primaria, traballou con un poema da autora galega ROSALÍA DE CASTRO, personaxe estrela, xa que este ano se conmemora o 150 aniversario da primeira publicación do seu libro Cantares Galegos.
Como estamos en terra de gaiteiros, o poema non podía ser outro, escolleuse "UN REPOLUDO GAITEIRO".
Despois de varios ensaios e de preparar un cartel conmemorativo o alumnado recitou este fermoso poema.
En breve, subiremos o vídeo.
DEPORTE ESCOLAR CERDEDO-SOUTELO
Enviado por Anónimo o Lun, 03/25/2013 - 11:22Desta volta, e de novo na casa o xoves 21, o noso alumnado xogou cos equipos do CEIP San Xoan Bautista de Cerdedo. A xornada estivo ben reñida e foi moi divertida que é o que conta!!!
Ollade as fotos na galeria.
OS NOSOS CIENTÍFICOS E CIENTÍFICAS DE SOUTELO
Enviado por Anónimo o Lun, 03/25/2013 - 10:29Desde o día 22 de febreiro o alumnado de Educación Infantil, xunto coas súas profes, Chus e Patricia, embarcáronse nun novo proxecto.
A idea xurdiu despois de que os pequenos e pequenas se disfrazaran de profesionais da cociña no Entroido.
Na aula, despois dun pequeno debate concluiron que o sal, a auga e o aceite eran ingredientes que sempre estaban presentes nas receitas, por iso, como bos profesionais, comezaron a investigar para coñecer a perfección estes tres ingredientes.
Inicialmente estaban previstos cinco experiementos aínda que foron xurdindo algunhas inquedanzas que tamén se resolveron.
Na seguinte presentación podedes ver un resumo desta gran experiencia e o inicio na investigación.
- « primeira
- ‹ anterior
- …
- 109
- 110
- 111
- 112
- 113
- 114
- 115
- 116
- 117
- …
- seguinte ›
- última »