Como cada ano o CEIP Soutelo de Montes forma parte do programa XOGADE (xogos galegos deportivos en idade escolar), co obxectivo de fomentar e estender a actividade física e o deporte educativo e saudable a todos os escolares, dándolles a posibilidade de practicar e competir cos colexios da súa contorna. 

O pasado mércores 22 de novembro o alumnado de 3º, 4º, 5º e 6º do CEIP Soutelo de Montes desprazouse ata Caritel (Pontecaldelas) para levar a cabo a primeira xornada de campo a través.

Aquí tedes un breve resumo deste día que rematou cun momento de convivencia con chocolatada incluída. 

Grazas pola vosa participación e noraboa a todas e todos!

A meirande parte do noso alumnado de primaria superou o 'Desafío Saudable' no curso 2022-2023. Grazas pola vosa participación e por contribuír a unha dieta saudable consumindo fruta nos recreos.

Noraboa a todos e todas!!

Este  venres 2 de xuño levouse a a cabo a clausura da actividade deportiva escolar formando parte do programa XOGADE (Xogos Galegos Deportivos en Idade Escolar). 

A clausura tivo lugar no circuito de karting de A Madalena, en Forcarei. Alí desprazáronse os centros escolares que participaron nas múltiples actividades ao longo do curso. 

A xornada comezou coa entrega de medallas individuais e posteriormente levouse a cabo a entrega de trofeos por cursos. Máis tarde subiron ao podio aqueles alumnos e alumnas clasificados en primero, segundo e terceiro lugar de cada actividade. 

Para rematar a xornada desfrutamos dunha actividade de baile e posterior merenda saudable. 

Grazas a todas e todos pola vosa participación!!! 

Coincidindo coa celebración das Letras Galegas levouse a cabo, dende a área de educación física, a aprendizaxe dun baile galego. Neste caso a canción que interpretaron é a muiñeira de Chantada. 

ESPERAMOS QUE VOS GUSTE!!