Un ano máis, nenas e nenos do CEP Pedro Caselles, tiveron a súa excursión fin de curso.
Este ano cun paseo en barco que collemos no Grove, fixemos un pequeno paseo pola ría de Arousa onde visitamos unha batea. Alí nos explicaron o cultivo do mexillón, da ostra e da vieira. Coa visión submarina puidemos ver como é unha batea debaixo da auga. Tamén tivemos ocasión de dar de comer as gaivotas, menudas larpeiras!!!
Despois xantamos nun fermoso e fresco piñeiral ao lado da praia e xa saímos rumbo a praia de Portonovo. Pasámolo pipa!!!!
O martes 6 e o mércores 7 de xuño nenas e nenos de 1º, 2º e 4º curso foron visitar e gozar da exposición "Imaxinar a Educación. 50 anos con Frato".
Esta exposición que se pode visitar no Pazo da Cultura da cidade de Pontevedra, está adicada ao pedagogo italiano Francesco Tonucci . Nela, o alumnado do Caselles puido disfrutar das súas viñetas e libros, nas que este autor baixo o pseudónimo de FRATO intentaba reflectir os seus pensamentos sobre a educación, sempre con humor. Tamén viron e escoitaron datos biográficos do autor.
Pero do que máis disfrutaron foi da parte lúdica da exposición, cos obradoiros sobre a natureza, as letras e os xogos.
Este xoves día 18 gozamos dunha serie de obradoiros cos que nos trasladamos á época da Prehistoria. Houbo obradoiros moi variados e interesantes cos que os nenos e nenas desfrutaron moitísimo.
En cada obradoiro, os nenos e nenas de 1º a 6º de Primaria estabamos repartidos en catorce obradoiros; onde os nenos e nenas de 6º de Primaria encargábanse de guiar aos seus compañeiros para rotar en cinco obradoiros ao longo da mañá, cun tempo aproximado de vinte minutos. Os obradoiros foron os seguintes:
De orfebrería: realizaron colares, coroas empregando obxectos coma cunchas, osiños, pampullos, ....
De tiro con arco.
De lanzas.
De gravado de petróglifos. Graváronse de petróglifos que previamente tratamos en tódolos cursos; da zona de Oia, Campo Lameiro, Outeiro dos Lameiros e do noso Monte Tetón.
De perscusión. Con bailes, ritmos e instrumentos da época.
Dous obradoiros de pintura de cara: onde se pintaban as caras copiando modelos de tribus antigas.
Dous obradoiros de modelado de barro.
Dous obradoiros de arte rupestre. Pintando en murais coma na época.
Todo o material xerado nestes obradoiros exporanse na nosa Aula de Natureza, de cara ó fin de curso.
Antes de realizar os obradoiros, todos os nenos e nenas fixeron un medallón con pasta blanca onde gravaron o seu petróglifo favorito.
Aquí tedes o video e fotos desta xornada(clic na imaxe):
Aproveitando o bo tempo, e para escapar da rutina por un día, varias nenas e nenos de 4º e 6º estiveron dándolle un repasiño aos xardíns, e aínda que lles custou empezar porque había moitísimas herbas, ao final quedaronlle perfectos!!!
Venres de Entroido no Caselles, venres de desfile, e este ano acompañados polo sol e a calor.
A festa do Entroido xa empezou o xoves coa degustación de postres do certame gastronómico.
O venres todas as clases prepararon os seus disfraces e arredor das once demos comezo o noso desfile. Este ano o tema central foi a prehistoria, para ir entrando xa no tema estrela deste curso: Arte rupestre e mitoloxía galega.
Ante numeroso público desfilaron ata a praza do Seixo os trogloditas de 1º, os cazadores e cazadoras de 2º, os castros de 3º, arqueólogos e arqueólogas de 4º, recolectores e recolectoras de 5º e os druídas de 6º. Para ver tódalas imaxes preme na foto.
Agradecer a todas as familias a súa colaboración nesta celebración.
Hoxe no CEP Pedro Caselles fixemos un pequeno acto para celebrar o día da Paz. Xuntámonos todos no ximnasio, por mor da choiva, para realizar unha interpretación musical coa letra, adaptado, dun poema de Gloria Fuertes. Fixéronno fantásticamente ben!
Tamén, na hora do patio, emitiuse o programa de Radio Escolar relacionado con esta conmemoración.
E despois do parón do curso pasado, retomamos a "normalidade", e este ano voltamos ao noso xa tradicional festival de Nadal.
Este ano aproveitamos as presentacións do Festival para que nenas e nenos aprenderan un pouquiño máis da prehistoria e dos nosos antepasados, para ir entrando xa no tema do proxecto deste ano, que xirará entorno a arte rupestre e a prehistoria.
VIDEOS DO FESTIVAL
Se queredes ver as fotos da xornada premede na imaxe.
Despois de aprazalo a causa da chuvia, este martes celebramos por fin a nosa festa do outono. O día axudou cun clima inmellorable.
Comezamos a xornada co xa tradicional Cros Solidario do Outono, este ano a recadación será para mellorar a nosa recén estreada aula de informática. Preme na foto para ver as imaxes:
Despois xogos populares: peóns, canicas, petanca, chave,... e as fogueiras para asar as castañas, cos nenos e nenas de 6º como monitores, aos que felicitamos pola gran labor realizada.
