Actividades e saídas. Secundaria

No II Concurso de postres internacionais, @s alumn@s explicaron en inglés e francés os ingredientes e a elaboración de deliciosas recetas internacionais.

A continuación, todos puideron degustar estes manxares.

A tod@s @s alumn@s participantes nesta actividade de convivencia...moitas grazas!!!

Parabéns a tod@s e especialmente aos gañador@s!!

Postres gañador@s votados por alumn@s e profesor@s:

"Tarta de Kit Kat. Tarta de Ferrero. Tarta de Huesitos. Vasitos de crema"

O martes 20 de febreiro o club de lectura do centro "Coristranca, a lectura con retranca" volveu emitir un novo programa en radio CUAC FM. Desde o blog do club de lectura xa está accesíbel o enlace para volver escoitalo.

Parabéns para o equipo de guionistas de 4º ESO!

CRÊPES Nº 4: CRÊPES AUX FRAISES ET À LA CRÈME (Ana Durán, 1º B)

CRÊPES Nº 8: PINTXOS DE CRÊPES AUX FRUITS (Ivanna Baldomir, 2º B)

PRIX RECETTE-CRÊPE: Nº 7 (Ainhoa Río, 1º A)

MERCI À TOUS!

O proxecto do Club de Lectura do noso centro, "Coristranca, a lectura con retranca", acaba de ser recoñecido como un dos mellores da Costa da Morte, xunto co IES Fin do Camiño de Fisterra, e con maior dotación económica, que redundará na mellora da dotación bibliográfica da biblioteca, así como no desenvolvemento dun completo programa de actividades que achegará o libro e a lectura en galego á comunidade educativa.

Como mostra do traballo colectivo que se vén desenvolvendo desde hai 8 anos, cómpre recoñecer a implicación activa dunha parte do profesorado, do alumnado, das familias e mesmo de exparticipantes que seguen a participar no club de lectura presencialmente ou a través das redes dixitais, nomeadamente do blog, que convidamos a visitar.

O sábado 17 de xuño unha delegación do club de lectura de secundaria "Coristranca, a lectura con retranca" participou en Compostela na celebración dunha intensa xornada de formación ao longo de todo o día, a X Xornada dos Clubs de Lectura.

Victoria e María, de 2º ESO, xunto con Carla, María e Uxía, de 3º ESO, participaron en diferentes actividades, acompañadas das profesoras Pilar Espido e Mercedes Queixas, que con certeza desenvolverán no vindeiro curso desde o club de lectura.

O noso club foi seleccionado pola asesoría de bibliotecas escolares, xunto a outros catro clubs galegos, para participar nun obradoiro de creación dun programa de libros audiovisual, dirixido por Óscar López.

Parabéns para o equipo de traballo previo -Carla, María e Uxía- e aplausos para a coordinadora, Carla, que defendeu as nosas propostas nun auditorio diante de máis de 1.200 persoas.

Unha síntese informativa e con imaxes podedes visualizala no noso blog e unha galería de imaxes moi completa está xa accesíbel no portal das bibliotecas escolares.

A ver se nos atopades!!!