Actividades e saídas. Secundaria

O equipo de radio do club de lectura "Coristranca, a lectura con retranca" desprazouse este pasado martes 23 de maio á emisora de Radio CUAC FM na Coruña para emitir o que será o derradeiro programa deste curso escolar. Os nosos parabéns a Lucía, Patricia e María polo seu bo facer lector e radiofónico neste novo programa "A fume de carozo" en directo, que, en breve, desde o blog do club de lectura, poderá ser escoitado novamente.

PREMEDE PARA VER TODAS AS FOTOS NA NOSA GALERÍA

O martes 4 de abril o alumnado membro dos clubs de lectura do centro viviu unha nova xornada de convivio e intercambio co alumnado do IES Ramón Otero Pedrayo da Coruña. Nesta ocasión, o noso centro foi o anfitrión e despois do acto de benvida desprazámonos todo o grupo a Ponteceso para visitar a exposición interactiva ao redor do xogo popular do MELGA (Museo Etnolúdico de Galicia) e continuar a xornada festiva na praia de Valarés. Unha experiencia de irmandade ao redor do libro e a lectura para sempre repetir.

O xoves 2 de marzo o Departamento de Lingua e Literatura Galega programou unha saída para o alumnado de 4º ESO á cidade de Pontevedra para coñecer os vínculos históricos da cidade a través dun roteiro guiado, coa figura do escritor Castelao como eixo nuclear, e visitar os fondos do autor depositados no Museo Provincial de Pontevedra.

Acompañaron o alumnado as profesoras Susana López e Mercedes Queixas, do Departamento de Lingua e Literatura Galega, e mais Concepción Martínez, do Departamento de Xeografía e Historia.

O 2 de febreiro celebramos "LA CHANDELEUR", unha festa francesa con gran tradición. Comemos deliciosas crêpes e volteámolas, como manda a tradición, para ter moita sorte este ano. Estaban todas deliciosas. 

PREMIOS ÁS MÁIS RICAS E SABOROSAS: CRÊPES Nº 5 e Nº 6 , de Marta Calvo e Aroa Collazo de 2º ESO.

PREMIOS POR SORTEO Á PARTICIPACIÓN: Uxía Abelenda e Lucía Bermúdez de 1º ESO.

Máis fotos na nosa GALERÍA.

A tod@s...

merci beaucoup et à la prochaine!!