Continuamos con actividades pertencentes ao Club de Ciencias, neste caso os nenos e as nenas de primeiro de Primaria a semana pasada gozamos dun obradoiro para poñer en marcha o horto escolar. Para elo, contamos coa colaboración dos profesionais da Reserva da Biosfera Mariñas Coruñesas e Terras do Mandeo. Grazas a eles aprendemos a acondicionar o terreo, abonalo e acolchalo para finalmente plantar diferentes verduras ou hortalizas como cebolas, porros ou xudías. Estamos desexando ver a colleita!