Skip to Content

XORNADAS INFORMATIVAS CURSO 2016-17

XORNADAS INFORMATIVAS

CURSO 2016-17

 

Luns 23. 18:30 horas. Aula UUMM.

“O CPI Castro Baxoi, a nosa presentación”

Relatora: María A. Méndez López, directora do centro.

Destinatario: Familias do novo alumnado e do actual.

 

Martes 24 de Maio. 18:30 horas. Aula UUMM.

“O paso de Infantil a Primaria ”.

Relatores: Equipo directivo, orientadora e profesorado de 1º de Educación Primaria.

Destinatario: Familias do alumnado que inicia 1º de Primaria no curso 2016-17.

 

Mércores 25 de Maio. 10:00 horas. Aula de UUMM do colexio.

“O inicio da Educación Infantil”.

Relatores: Equipo directivo e profesorado da etapa de Infantil.

Destinatario: Familias do alumnado que inicia a súa escolarización na etapa de Infantil no curso 2016-17. As familias poden vir acompañadas dos nenos que coñecerán o centro e aos seus novos compañeiros e profesores.

 

Luns 30 de Maio. 18:30 horas. Aula de UUMM do colexio.

“O inicio da Educación Secundaria”.

Relatores: Equipo directivo, orientadora  e profesorado da etapa da ESO.

Destinatario: Familias do alumnado que inicia a súa escolarización na ESO no curso 2016-17.

 

FONDO SOLIDARIO E AXUDAS PARA A ADQUISICIÓN DE LIBROS DE TEXTO E MATERIAL ESCOLAR 2016-17

Con data 27 de Abril, publicouse a orde que regula a participación no fondo solidario de libros de texto e onde se convocan as axudas para a adquisición dos libros de texto e material escolar para o curso 2016-17, para todo o alumnado de centros sostidos con fondos públicos.

O FONDO SOLIDARIO está vixente nos cursos de 3º, 4º, 5º e 6º de Primaria, e 1º e 3º da ESO para o vindeiro curso.

As AXUDAS PARA A ADQUISICIÓN DE LIBROS DE TEXTO están destinadas ao alumnado que curse 1º ou 2º de Primaria, e 2º e 4º da ESO no curso 2016-17.

As AXUDAS PARA MATERIAL son para o alumnado de todos os cursos que cumpran as condicións fixadas na devandita orde.

Podedes consultar as bases e a convocatoria no portal da Consellería,

http://www.edu.xunta.gal/portal/node/18988

ou no DOGA correspondente

http://www.edu.xunta.gal/portal/sites/web/files/20160516_axudas_libros.pdf

O prazo para a presentación de solicitudes remata o 23 de xuño de 2016. Máis información na Secretaría do centro

 

 

DÍA DAS LETRAS GALEGAS 2016

Un ano máis e coincidindo coa celebración do DÍA DAS LETRAS GALEGAS, todo o cole elaboramos o noso particular MAIO. Hai vai unha foto para que vexades o chulo que quedou!!!!

 

Ademais esta semana seguiremos falando de MANUEL MARÍA no cole. Temos unha pequena exposición de carteis que nos contan cousas sobre o el e onde tamén podemos ver algúns dos seus libros.

E nos recreos de Primaria, coma todos os anos, o noso PALCO ABERTO!!!!!!

AXUDAS PARA ACTIVIDADES DE FORMACIÓN EN LINGUA ESTRANXEIRA 2016

Con data 16 de Maio publicáronse as listaxes correspondentes a Orde do 14 de Marzo de 2016 pola que se convocan axudas para a realización de actividades de formación en linguas estranxeiras no ano 2016, para o alumnado de centros sostidos con fondos públicos (DOGA 28/03/2016).

Podedes consultar estas listaxes na seguinte enlace:

http://www.edu.xunta.es/axudasle

 

UN DÍA DE CONVIVENCIA EN 3º ESO

O día 13, 3 ESO coas profes Flor e Begoña, estivemos na fervenza do Toxa, no mosteiro de Carboeiro e nas ínsuas de Gres. Foi unha excursión xenial! Fixemos de todo: escalar rochas, andar por riba dos penedos, mollarnos, rir, xogar nos bambáns, cantar... e ata facer unha despedida emotiva da nosa querida Flor...

CHEGOU O NOSO PRIMEIRO ESCORNABOT!

14/05/2016 16:42
Europe/Madrid

 

O CPI Castro Baxoi foi seleccionado entre máis de 120 centros de toda Galicia para participar no proxecto ESCORNABOTS de Bibliotecas Escolares . Catro mini-robots estarán á disposición da comunicade escolar na biblioteca do Centro para iniciar aos alumnos de Infantil e Primaria na linguaxe de programación e axudarlles a mellorar as súas competencias. Para que os escornabots nos axuden a aprender teremos que coñecer ben como guialos, así que imos ter que pensar, expresarnos, intercambiar opinións, decidir, colaborar.. e tamén divertirnos. Neste final de curso traballaremos sobre as propostas de actividades e no vindeiro o noso cuarteto de escornabots camiñará connosco ata onde nós queiramos.

 

Escornabot

 

 

 

Radiomiñoca -Abril. 2016-

Ola amigos e amigas radiomiñoqueiros! Aquì de novo neste xa cuarto programa. Esta vez escoitaredes un monòlogo de medo, os máis peques -e os non tan peques- contestando as preguntas patio, unhas interesantes entrevistas, un contiño q reivindica a igualdade, e moitas outras cousas interesantes q de seguro vos gustarán. Asì q ánimo e pegade as orellas q comeza a vosa radio... a Radiomiñoca .... a radio do Castro Baxoiiiii

VISITANDO A CASA DE ROSALÍA DE CASTRO

O 28 de abril, o alumnado de 1º ESO e as profes Elvira e Begoña, viaxamos ata Padrón para visitar a casa de Rosalía de Castro. Vimos os seus retratos, cartas e poemas escritos da súa man, a cama na que todos os días se coloca unha fermosa rosa vermella, algúns dos seus libros...

Despois de visitar a casa da Matanza, fixemos un xogo polos seus xardíns (a gañadora foi Ana Pérez, de 1º A) e recitamos as súas poesías.

Foi un día ben bonito, aínda que nos gustaría quedarnos máis tempo...!

 

 

 

 

CELEBRANDO O DÍA DAS LETRAS GALEGAS DEDICADO A MANUEL MARÍA

COÑECENDO A MANUEL MARÍA.

O día 25, 4º ESO e as profes Antonia e Begoña, viaxamos a Outeiro de Rei para coñecer de cerca a vida e obra do autor homenaxeado nas Letras Galegas 2016: Manuel María.

Estivemos moi ben acompañados por un guía moi especial, Fernán, con quen aprendemos, rimos, pasámolo xenial, sacamos fotos, recollemos auga do regato do Cepelo (tan querido por MM) e ata gravamos o son da fonte da Pinguela!

Foi un día precioso en todos os sentidos, do que seguro teremos recordos gardados para sempre.

ADMISIÓN DE ALUMNADO CURSO 2016-17

LISTAXE DEFINITIVO DO ALUMNADO ADMITIDO PARA O CURSO 2016-2017

Rematado o prazo de reclamación, publicamos a listaxe definitiva do novo alumnado admitido no centro para o curso 2016-2017.

Todo o alumnado desta relación deberá formalizar matrícula nos prazos seguintes:

  • Alumnado de Educación Infantil e Primaria, entre o 20 e o 30 de Xuño.
  • Alumnado de ESO, entre o 25 de Xuño e o 10 de Xullo, no prazo ordinario, e entre o 1 e o 10 de setembro, no prazo extraordinario.

O 15 de Maio empeza o prazo dun mes para presentar recurso de alzada ante a Xefatura Territorial, contra as listaxes definitivas.

 Orde do 12 de Maio de 2013 pola que se desenvolve o procedemento para a admisión de alumnado en centros docentes sustentados con fondos públicos que impartan ensinanzas do 2º ciclo de educación infantil, de educación primaria, de educación secundaria obrigatoria e de bacharelato reguladas na Lei Orgánica 2/2006, do 3 de Maio de Educación.

Podedes consultar a listaxe premendo no seguinte arquivo.

Distribuir contido


by Dr. Radut