CPI de Cova Terreña

Convocadas as axudas para realizar actividades formativas STEM en lingua inglesa, STEMweek, no ano 2020.

Destinatarios: alumnado que curse 3º ou 4º de educación secundaria obrigatoria.

Lugar da actividade: CRD da Coruña (Centro Residencial Docente, O Burgo-Acea de Ama s/n, Culleredo, 15670) en réxime de internado de domingo a sábado seguinte.

Quendas, lugar de realización, datas, número de alumnos/as e cursos a que van destinadas as actividades:

Máis información: https://www.edu.xunta.gal/portal/sites/web/files/20200313_stemweek.pdf

Convocadas as Becas Eurolingua 2020

Prazo de solicitude: ata as 23.59 horas do 8 de abril de 2020

Máis información: https://www.becaseurolingua.com/

Aberto prazo de admisión para alumnado de nova incorporación ao centro dende o 01 ao 20 de marzo de 2020. Debido ao peche dos centros, o prazo pecharase unha semana despois do inicio das sesións lectivas.

Recoméndase facer a solicitude a través da Aplicación Admisionalumnado:

https://www.edu.xunta.es/admisionalumnado/

Cursarase unha única solicitude, na que se pode por ata 6 centros por orde de preferencia.

Documentación:

• Solicitude en caso de presentación física (ver documentos anexos).
• Copia do DNI da persoa solicitante e dos membros computables da unidade familiar, cando denegue a súa consulta.
• DNI e/ou libro de familia.
• Certificado oficial do expediente académico, no seu caso.
• Sentencia xudicial de separación ou divorcio e/ou convenio regulador onde conste a custodia do menor, no seu caso.

Tamén pode presentar a súa solicitude por correo electrónico en cpi.cova.baiona@edu.xunta.es ou no buzón do centro educativo empregando a documentación anexa.

Estimadas familias,

Agardamos que todos vos, alumnado, profesorado e familias esteades ben neste momento.

Dende o centro faremos todo o posible para que o noso alumnado siga formándose. Para iso podedes atopar as indicacións das actividades a realizar no apartado Alumnado da nosa páxina Web:   http://www.edu.xunta.gal/centros/cpicovaterrena/    así como o correo electrónico do profesorado para poder contactar con el. Segundo vaiamos publicando as actividades avisaremos a través da aplicación Abalar Móbil.

Ademais, no apartado Alumnado->Xeral iremos colgando outros recursos adicionais para ir atendendo ao distinto ritmo e preferencias do alumnado que vos poden resultar de interese.

Pola seguridade de todos o centro estará pechado ao público pero non detemos o noso traballo nin vos deixamos sós. Podedes poñervos en contacto con nós no teléfono 886120001 e no correo electrónico cpi.cova.baiona@edu.xunta.es

Estaremos en contacto con todos/as a través da web do centro, de Abalar Móbil e das canles que vos facilitamos.

Xuntos podemos superar isto, só nos piden quedar na casa, e nós estaremos tamén con vós. Moita saúde a todos/as.

Unha aperta do equipo humano do CPI de Cova Terreña.

O pasado mércores 22, o alumnado de 1º e 2º da ESO desprazouse ata o teatro Salesianos para asistir á representación de "I won the talent show", un espectáculo de teatro en inglés interpretado por unha compañía formada por británicos. Esta comedia participativa está ambientada nun concurso de talentos.

Os nosos pequenos tamén se sumaron á cadea humana contra a Violencia de Xénero. No patio do centro e coas súas titoras escenificaron a nosa unión contra esta lacra social.

Hoxe, o noso alumnado de 4º da ESO converteuse, sen sabelo, en testemuña dunha escena simulada de violencia de xénero. Aínda que ao principio non souberon como reaccionar, foron quen de debater sobre o tema e, xuntos, atopar diferentes formas de axudar a unha vítima nunha situación real. Alén diso, concienciáronse das distintas fases polas que pasan as vítimas antes de chegar á violencia física (celos, control, illamento, perda de auto-estima, dependencia...). Non só iso, senón que tamén os alumnos e alumnas protagonizaron varias escenas improvisadas de relacións tóxicas entre adolescentes. Da man de dous grandes profesionais, esta experiencia supuxo un enfoque totalmente distinto a esta lacra social.

O 22 de agosto recibimos a visita da Conselleira de Educación, Universidade e FP, Dona Carmen Pomar, o secretario xeral, Don Jesús Oitavén, o xefe territorial, Don César Ares e o xefe da Unidade técnica de Pontevedra, Don Rafael Bouzas. Acompañados do Alcalde de Baiona, Don Carlos Gómez, do Concelleiro de Educación, Don Óscar Carreño, e membros da corporación municipal foron guiados polo centro por membros do equipo directivo para comprobar o desenvolvemento das obras de renovación integral do centro que levan un retraso respecto dos tempos iniciais fixados dende a Consellería de Educación.

A tan desexada reforma do centro vai continuar co curso xa iniciado, manifestando a nosa preocupación e recibindo como resposta o compromiso de tódolos axentes implicados para que a mesma descorra interferindo o menos posible na actividade académica.

Sabemos que esta situación pode provocar inconvenientes pero agardamos que, coa colaboración e comprensión de toda a comunidade educativa, o noso alumnado poida gozar canto antes dun centro totalmente reformado, mais eficiente enerxéticamente e confortable para todos.

Nova en Atlántico Diario

Nova da Consellería de Educación, Universidade e FP

Nova en Valmiñor TV

Nova en Telemariñas

No marco do Plan Proxecta "Meteoescolas", coordinado no centro pola profesora de Bioloxía e Xeoloxía, Ana Penas Facorro, o alumnado de Cultura Clásica de 3º ESO "B" participou mediante a realización dunha curtametraxe sobre algunhas divindades gregas relacionadas coa meteoroloxía, concretamente os deuses de vento, Eolo, Noto, Céfiro, Eúro e Boréas.

Nos documentos adxuntos pódese consultar o proceso de creación e elaboración da curtametraxe, que se está a gravar nestes últimos días do curso, así como o guión da mesma.

Na aula de 2ºB traballamos o tempo atmosférico grazas ao Plan Proxecta!

Cada día que viñemos ao cole observamos o tempo que ía na vila de Baiona, onde está ubicado o noso centro educativo. Ademáis, fixemos un rexistro do mesmo tendo en conta o estado do ceo e do aire.

A temperatura exterior a medimos a través dun termómetro con forma de rá.

Unha vez tiñamos os datos do mes, tratábamos a información recollida e confeccionábamos as gráficas correspondentes.

Ademais do rexistro diario, levamos a cabo o proxecto "Envólvenos!". Este proxecto de aula, inclúese na materia de Ciencias Sociais. Traballamos contidos como: Vocabulario, conceptos básicos,visita á estación metereolóxica do centro...

Podes ver máis imaxes nos adxuntos!

O día 15-05-19 puidemos contar coa visita da Conselleira de Educación, Universidade e Formación Profesional, Dona Carmen Pomar Tojo , acompañada do  Delegado da Xunta en Vigo, Don Ignacio López-Chaves, do xefe territorial de Educación de Pontevedra , Don Cesar Pérez Ares, do Alcalde de Baiona, Don Ángel Manuel Rodal , do Concelleiro de Educación, Don Policarpo Vidal, do Concelleiro de Urbanismo, don José Ángel Bahamonde, do noso inspector, Don Xoan Ferreiro , así como dos arquitectos e técnicos da Unidade Técnica que levarán a dirección das obras de rehabilitación integral e mellora da eficiencia enerxética cunha inversión por parte da Consellería de Educación de 1,2 millóns de euros.

No seu percorrido polas distintas instalacións do centro, a Conselleira puido constatar de primeira man as necesidades de rehabilitación do edificio. Asemade, recibiu de parte da Directora do noso centro, Dona Isabel Martínez Cabaleiro, unha serie de dossiers informativos cos proxectos que se están a levar a cabo : Plan de Mellora de Bibliotecas Escolares (PLAMBE); Contratos-programa: Reforzo, orientación e apoio (PROA); a de mellora da competencia matemática e a destinada á mellora da convivencia e promoción da igualdade nos centros; E-dixital, iniciacion á Robotica; Seccións bilingües e Programa CUALE ; Plan Proxecta ; Aliméntate ben; MeteoEscolas, Aprendemos programando e o Proxecto Terra, entre outros.

Nota de prensa no portal da Consellería de Educación, Universidade e FP

Nova en Atlántico diario

Nova en Valmiñor TV

O martes 30 de abril a meteoroloxía permitiunos realizar a actividade de lectura compartida co gallo da celebración do Día do Libro.

Todo o alumnado do centro participou na actividade.

Primeiramene, no patio sur, entergáronse os premios de creación literaria sendo as gañadoras:

• Itziar Misa da Cuña
• Celia Durán Muro
• Ana Cabreira Cedeira

Posteriormente entregouse o premio do Concurso de Ortografía sorteando entre os participantes un e-book que lle correspondeu a Carla Varela Silva.

Finalmente, o alumnado distribuíuse por todo o patio para gozar da lectura compartida.

A exposición “Construíndo novas miradas” está actualmente no Museo do Mar de Vigo, recoñecendo o seu valor didáctico e de concienciación medioambiental. Esta mostra foi realizada polo alumnado do CPI Cova Terreña de Baiona dentro do Proxecto Terra no curso 2016/2017. Consistiu na elaboración de animais mariños con materiais de refugallo recollidos nas praias da vila, nas saídas que fixeron aos areais de Os Frades e A Concheira.

Para saber máis ... 

A exposición pódese visitar ata finais do mes de febreiro.

Arrincamos o curso coa inauguración das actuacións feitas no centro durante este verán: novos patios de xogos para Ed.Infantil, Primaria e Secundaria, saneamento de aulas, abrillantado dos chans, sinalización da entrada e moitas máis, sempre pensando no benestar do noso alumnado, nunha actuación conxunta da Consellería de Educación, Concello de Baiona e centro educativo.

O alcalde de Baiona, D.Ángel Rodal, o delegado da Xunta de Galicia en Vigo, D.Ignacio López-Chavez, o xefe territorial de Educación, D.César Ares, o inspector de educación, D.Xoan Ferreiro, Consello Escolar, representantes da ANPA, xunta de Delegados, membros do Claustro e alumnado visitaron as actuación realizadas nos últimos meses, nas actuacións de preparación do centro para o novo curso.

Declaracións en radio: http://play.cadenaser.com/audio/1537794385_426553/

Nota de prensa: https://www.xunta.gal/notas-de-prensa/-/nova/33818/xunta-conclue-pavimentacion-cpi-cova-terrena-baiona

Valmiñor TV  Telemariñas

Sabemos que temos moito traballo aínda por diante, pero xuntos seguiremos avanzando.

O alumnado de 3º ESO continúa mergullándose no programa Quérote+. Nesta caso o alumnado a través da Aprendizaxe cooperativa afonda nun contido clave para crear unha sociedade igualitaria, non discriminatoria e libre de prexiízos: a orientación do desexo e a identidade sexual.

Neste curso 2017/18 o alumnado de 3º ESO vai a participar no plan proxecta Quérote+, un programa de educación afectivo-sexual. A fórmula xa a temos, sumarse ao bo trato: QUÉRETE BEN + QUE TE QUEIRAN BEN.

Para o arranque deste programa contamos coa participación de Sonia quen ademais de informar ao alumnado dos servizos e recursos que ofrece Quérote+, partciparon unun obradoiro teórico-práctico para poñer en común e resolver dúbidas que poden existir en relación ás prácticas eróticas e as relacións entre as persoas. Para isto ademási de contar cos seus recursos, atopouse no CPI Cova Terreña cuns bonecos que contribuiron a aclarar ideas e propiciar así novas visións, perspectivas e formas de vivir a sexualidade, e iso CÁMBIACHE O CONTO.

O alumnado de 3º ESO segue a participar no proxecto Quérote+ sobre educación afectivo-sexual. Nesta ocación participou nun obradoiro teórico-práctico sobre a concepción e a anticoncepción co fin de ofrecer información útil, fiable e actualizada que lles permitan ter unha visión global do tema á vez que desmontamos mitos entre todas e todos para saber mellor como e cando tirarnos á piscina.