CPI de Cova Terreña

O alumnado de Educación Infantil e 1º e 2º de Primaria asistiron a unha exposición de material e medios de distintas unidades da Garda Civil: Seguridade Cidadá, Seprona e Servizo Cinolóxico.

Un dos obxectivos desta actividade é achegar as forzas de seguridade ao alumnado para que saiban que están ahí para axudarnos e protexernos.

Asemade, o alumnado puido comprobar a participación da muller nos corpos de seguridade do estado, achegando profesións e pondo en valor o papel da muller na sociedade. 

O 23 de abril celebramos o Día do Libro con moitas actividades. Entre elas tivemos Lecturas compartidas onde tomamos o patio, o noso libro, mantiña e coxín e compartimos lectura entre maiores e pequenos.

Para conmemor o Día Mundial da Saúde celebramos 15 dias de promoción de consumo de froita fresca ofertando mazá, plátano, amorodo, arándanos, pera, clementina, piña e melón, con moi boa acollida.

Asemade, o noso alumnado dende 6ºEd.Primaria ata 4ºESO desfrutaron dunha formación en Primeiros auxilios coa colaboración de Marta López.

Xa temos estación meteorolóxica!!!!

Os alumnos e as alumnas de 2º de ESO encargáronse da elaboración da perspectiva conxunta da caseta, mediante o emprego dun software de deseño 3D, e tamén da montaxe da propia caseta meteorolóxica.

 Dita actividade desenvolveuse durante as sesión lectivas da materia de Tecnoloxía e tamén nos recreos, e estivo coordinada e supervisada polo profesorado do Departamento de Tecnoloxía (Manuel Ángel e Isabel Cabaleiro).

Os nosos observadores meteorolóxicos, os alumnos e alumnas de 1º de ESO, xa están listos para medir e rexistar diariamente as variables meteorolóxicas (temperatura e precipitación), mediante o emprego deses dous aparellos cedidos por MeteoGalicia (pluviómetro e termómetro). Ditos datos serán publicados diariamente na cortiza do primeiro andar "SOMOS UNHA METEOESCOLA".

PARABÉNS POLO VOSO TRABALLO!!!

O noso centro celebrou o festival de Entroido 2018 en torno ao lema do centro deste ano: Patrimonio cultural de Baiona.

Agardamos que toda a comunidade educativa desfrutase coa actividade.

PROBAS DE ACCESO A CICLOS DE FORMACIÓN PROFESIONAL DE GRAO MEDIO EN GALICIA 2018

 PRAZO DE INSCIRCIÓN: Entre o 12 e o 23 de marzo de 2018, ambos os dous incluídos.

REQUISITOS DE INSCRICIÓN: Non cumprir os requisitos de acceso directo e ter alomenos 17 anos, ou cumprilos durante o 2018.

 SOLICITUDE DE INSCRICIÓN:

• En soporte papel na secretaría de calquera instituto de educación secundaria onde se impartan ensinanzas de ciclos formativos de formación profesional ou centros integrados de formación profesional

• Vía web na seguinte aplicación:https://www.edu.xunta.es/ciclosprobas/PaxinaInicio.do que estará activa durante o prazo de inscrición.

• O centro de inscrición elixido pola persoa solicitante tomarase como referencia para a asignación da sede de realización da proba de acceso.

 A PROBA CONSTA DE TRES PARTES:

DATAS E HORARIOS DA PROBA: terán lugar o día 31 de maio de 2018 no horario que se indica a seguir:

• Ás 9.00 horas: presentación.

• Das 10:00 ás 13.00 horas: Parte matemática e parte sociolinguística.

• Das 16.00 ás 18.00 horas: Parte científico-técnica

*Lembra acudir á proba co DNI e copia do impreso de inscrición que se realizou.

DISTRIBUCIÓN DAS PRAZAS DOS CICLOS:

QUE NOTA HAI QUE ACADAR?

Para a superación da proba hai que acadar unha cualificación mínima de 5 como nota media das tres partes.Para realizar a media hai que acadar un mínimo de catro en cada parte.

CANTAS VECES SE PODE PRESENTAR ÁS PROBAS?

Tantas veces como se desexe. Se o alumnado se presentou en convocatorias anteriores e non superou a proba pero acadou un cinco nalgunha das partes, gárdase a nota desa parte durante dous anos, polo que non se tería que examinar delas novamente.

ADAPTACIÓN DA PROBA:

Poderán solicitar a adaptación da proba as persoas diagnosticadas de trastorno por déficit de atención e hiperactividade (TDAH) (ver requisitos na convocatoria)

ENLACES DE INTERESE:

• Información Xeral das probas de acceso a ciclos medios
• Coñece a FP. Folletos informativos das familais profesionais
• Orde do 22 de xaneiro de 2018. Convocatoria das probas
• Acceso á sede electrónica para realizar a inscrición
• Materias didácticos para preparar a proba
• Exames de convocatorias anteriores

O 30 de xaneiro celebramos o Día internacional da Non violencia e da Paz conxuntamente no pavillón escolar.

O equipo de mediadores colaborou no traslado do alumnado de Ed.Infantil e 1º e 2º Ed.Primaria asemade na lectura dos Dereitos do Neno e dos Dereitos Humanos.

O noso mestre de ceremonias, Víctor Moreira, presentou o acto que tivo 3 partes:

• Entrega dos premios do certame literario Dolores Agrelo por parte da ANPA, organizadora do certame.
• Lectura e presentación dos "globos" dos dereitos do Neno e Humanos.
• Actuación do coro e conxunto instrumetal do centro baixo a dirección de Don David Piñeiro, coreados por todo o alumnado do centro.

O equipo de mediadores e mediadoras do centro tiveron unha nova xornada de formación e convivencia no centro.

Este 2018 trae consigo a estrea dun blog do departamento de Orientación. O noso obxectivo é que sexa un espazo de información e comunicación para toda a comunidade educativa do CPI de Cova Terreña.

Aproveitamos a ocasión para compartir a acción que tivo lugar o pasado venres 19 de xaneiro por parte do equipo de mediación para celebrar o "Día Europeo da Medicación" que se celebra o 21 de xaneiro.

O xoves 21 de decembro pechamos o trimestre coa intervención do Enxeñeiro de Montes e catedrático da Escola Politécnica Superior de Enxeñaría da Universidade de Santiago de Compostela Don Roque Rodríguez Soalleiro no noso centro para informar ao alumnado da ESO sobre a problemática do lume en Galicia.

A través do Programa A Ponte están a levar esta iniciativa a moitos centros da comunidade, ofrecéndose desinteresadamente. Por todo iso, agradecemos a súa colaboración nestas charlas de difusión que tan ben aproveitou o noso alumnado.

A nosa biblioteca presenta este curso unha árbore que está a medrar coas lecturas do noso alumnado.

O CPI Cova Terreña de Baiona foi o elixido para a presentación da exposición “Á violencia de xénero… Dille NON!”, promovida pola Secretaría Xeral de Igualdade da Xunta de Galicia e que ten como obxectivo impulsar a sensibilización e prevención da violencia de xénero entre a mocidade.

Nova en Val Miñor TV

Nova na páxina web da Xunta de Galicia

Nova na páxina web do Concello de Baiona

Alba Carneiro Pérez, alumna de 4ºESO, é unha dos 12 gañadores do I Concurso Escolar contra a Violencia de Xénero convocado pola Subdelegación do Goberno en Pontevedra.

A subdelegada do Goberno en Pontevedra, Ana Ortiz, deu a coñecer o fallo do xurado, correspondéndolle a Alba o 3º premio na categoría 1 da modalidade debuxo-pintura, cun traballo co lema “No more silence”, escollido entre máis de 300 traballos presentados nesta modalidade.

Nova en PontevedraViva

Nova en Valmiñor TV

   Listaxe de libros de texto para o curso 2016-2017.

Xa que este ano temos como tema para todo o ano o Refugallo, decidimos facer tamén os Retos semanais sobre este tema.

Este ano durará 10 semanas. Empezamos o pasado 20 de febreiro e rematará o 2 de xuño.

Temos dous niveis diferentes de retos: un para o alumnado de 1º, 2º e 3º de Primaria; e outro para o alumnado de 4º, 5º e 6º de Primaria.

Ao rematar os/as gañadores/as de cada nivel recibirán como sempre un premio por participar.

Deixámosvos os retos que fixemos ata agora...

Postais recibidas do colexio "Jean Mounès" de Pornic (Francia) en resposta as postais enviadas polo alumnado de francés de 4º ESO.

MOITAS GRAZAS POR TODOS ESTES ANOS. LEVAREIVOS SEMPRE NO MEU CORAZÓN.

Se queres ver máis fotos. CLICA na imaxe.

Se clicades na imaxe poderedes ver, todo o que fixemos