ADMISIÓN ALUMNADO 2024-2025

PROCEDEMENTO DE ADMISIÓN DE ALUMNADO PARA O CURSO 2024/2025

PRAZO DE PRESENTACIÓN DAS SOLICITUDES DE ADMISIÓN:

do  1 ao 20 de marzo de 2023

A través da aplicación informática https://www.edu.xunta.gal/admisionalumnado/ poderá presentar solicitude mediante calquera das seguintes opcións:

1. Cubrir a solicitude informáticamente e presentala asinada de xeito manua no centro:

2. Cubrir a solicitude informáticamente e asinala en Sede Electrónica:

Para presentar a solicitude a través da Sede Electrónica deberá acceder a admisionalumnado con usuario de Chave365 ou con certificado dixital.

IMPORTANTE: Debe achegar, na Sede Electrónica da Xunta de Galicia, o anexo bis dixitalizado.

3. Cubrir a solicitude manualmente e presentala asinada presencialmente no centro:

Se non desexa cubrir a solicitude dixitalmente pode facelo de xeito manual descargando dende os seguintes enlaces os documentos, cubrilos e presentalos firmados no centro:

Solicitude (galego)

Solicitud (castellano)

NOTA INFORMATIVA:

1.    O alumnado poderá presentar solicitude de admisión, pedindo ata seis (6) centros por orde de preferencia, e alegar os criterios de admisión que pretenda que se lle valoren. Esta solicitude de admisión dirixirase ao centro solicitado en primeiro lugar. Despois de presentar unha solicitude de admisión, para renunciar a ela deberá facerse expresamente, indicándoo no recadro correspondente da nova solicitude que deberá presentarse.

2.    A solicitude de admisión é única para cada alumno/a e ten carácter vinculante. A súa presentación implica que son certos os datos indicados nela. A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza reservada a 28 de febreiro (este incluído) poderán ser causa de perda do dereito a participar no procedemento nos termos previstos no artigo 8.

POSTOS ESCOLARES OFERTADOS EN CADA NIVEL E ETAPA:

CURSO

PRAZAS OFERTADAS

4º Infantil

40

5º Infantil

24

6º Infantil

20

1º Primaria

20

2º Primaria

17

3º Primaria

2

4º Primaria

10

5º Primaria

6

6º Primaria

3

1º ESO

10

2º ESO

2

3º ESO

14

4º ESO

13

 

 

PRAZO DE PRESENTACIÓN DA DOCUMENTACIÓN XUSTIFICATIVA DOS CRITERIOS DE BAREMO ALEGADOS:

10 días hábiles, contados a partir do día seguinte ao remate do prazo para presentar as solicitudes de admisión

NORMATIVA DE APLICACIÓN:

   

Orde do 21 de outubro de 2022 pola que se desenvolve o Decreto 13/2022, do 3 de febreiro, ese regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica2/2006, do 3 de maio, de educación (códigos de procedemento ED550A, ED550B e ED550C).

   

Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

   

Orde do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa e derroga o artigo 44 da Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

 

Concurso de Fotografía Meteorolóxica

Con motivo do Día Mundial da Meteoroloxía, convócase a IV Edición do Concurso de Fotografía Meteorolóxica.

 

O alumnado interesado en participar poderá enviar un máximo de dúas fotografías, con pareado en galego, a meteocova@gmail.com. A data límite de entrega é o 22 de marzo. Consulta as bases completas aquí

Última hora!!! Aberta categoría de participación para o persoal do centro.

4º ESO - Probas para a acreditación da competencia dixital

Coa publicación da Resolución do 28 de febreiro de 2024, da Dirección Xeral de Ordenación e Innovación Educativa, pola que se ditan instrucións para a acreditación das competencias dixitais do alumnado que cursa ensinanzas de educación secundaria obrigatoria e bacharelato na Comunidade Autónoma de Galicia no curso 2023/24 ábrese o prazo para a inscrición do alumnado que cursa 4º ESO e que solicita participar nas probas de acreditación de competencias dixitais, o cal rematará o próximo 15 de marzo (prazo ampliado).

A proba específica para acreditar o nivel intermedio axustarase ás cinco áreas de dominio definidas no Marco galego de competencias dixitais
(https://competenciasdixitais.xunta.gal/areas.html). A alumna ou o alumno debe responder nun tempo máximo de 90 minutos un total de 60 preguntas de diferente complexidade e tipoloxía referidas a cada unha das cinco áreas de dominio (12 preguntas por cada área).
Para superar a proba específica de nivel intermedio deberase responder correctamente a un 70% do total de preguntas, sendo necesario obter un mínimo do 60% de respostas correctas en cada unha das cinco áreas. Esta proba tería lugar no mes de maio.

Para obter máis información sobre estas probas de acreditación da competencia dixital, consultar seguinte enlace: https://www.edu.xunta.gal/portal/sites/web/files/20240227_prox_resolucion_acredita_cda_gal_sin_dx.pdf

Contidos que serán avaliados: https://ficheiros-web.xunta.gal/comdix/20231213_EstruturaMGCD_v.1.0.pdf

 

 

 

 

ACTIVIDADES NO DÍA DA PAZ

O 30 de Xaneiro conmemorouse o día da Paz.

O equipo de convivencia organizou diferentes actividades para todas as etapas:

  • ESO: no pavillón municipal, o alumnado de 4º da ESO colaborou na xestión de xogos cooperativos para toda a etapa.
  • PRIMARIA: no pavillón municipal, o profesorado regulou diferentes xogos polos que todo o alumnado foi rotando.
  • INFANTIL: nunha das salas do pavillón municipal este alumnado desfrutou de diferentes retos físicos organizados polo profesorado.

A xornada concluíu cunhas intervencións e lecturas referidas ao día da Paz e unhas pezas musicais do coro e conxunto instrumental do centro.

Agradecemos a todo o profesorado implicado a súa colaboración e esforzo.

Esta actividade está integrada en diferentes proxectos do centro: INCLÚE-T, CONVÍVE-T, EMOCIÓNA-T, IGUÁLA-T e PVAD

 

PROCEDEMENTO DE RESERVA PARA CENTROS ADSCRITOS curso 2024-25

 

PROCEDEMENTO DE RESERVA PARA CENTROS ADSCRITOS curso 2024-25

O alumnado matriculado en 4º ESO neste centro pode exercitar o seu dereito á reserva de praza para continuar os seus estudos no IES Primeiro de Marzo presentando a correspondente solicitude.

Prazo de presentación de solicitudes abranguerá:

do 15 de xaneiro ao 5 de febreiro de 2024

Forma de presentación:

Cubrir o modelo ED550A (reserva) e os respectivos anexos. Xunto coa solicitude e o anexo I-bis, deberá achegar o resto de documentación que fose precisa (libro de familia, ...). Deberá constar o consentimento expreso da outra persoa proxenitora, titora ou acolledora no anexo I-bis.

  1. Presentación electrónica: é preciso dispoñer dun certificado de identidade e sinatura dixital (como o certificado da Fábrica Nacional de Moneda e Timbre ou calquera outro admitido pola sede) ou un sistema de usuario e clave como a Chave365.

O modelo e os anexos estarán dispoñibles na aplicación AdmisionAlumnado

https://www.edu.xunta.gal/admisionalumnado

Cubrir o modelo anexo I-bis (comprobación de datos e consentimento), imprimilo, e unha vez asinado de forma manual pola outra persoa proxenitora, titora ou acolledora, escanealo.

A aplicación xerará un xustificante, que indica a data de presentación.

  1. Presentación presencial: no centro docente en que estea matriculado actualmente o alumnado. Na conserxería do centro facilitarase unha copia en papel ás persoas interesadas que o soliciten.

A solicitude de reserva é única para cada alumno/a, e ten carácter vinculante. A súa presentación implica que son certos os datos indicados nela.

Data de publicación do alumnado con posto reservado:

22 febreiro

 

O xurado do CPI de Cova Terreña falla o II Concurso de Postais en Lingua Galega

O xurado composto polos departamentos de Artes Plásticas e Visuais, Lingua e Literatura Galegas e Portugués, e mais o equipo de Biblioteca e de Dinamización Lingüística, fallaron na tarde do pasado luns 18 de decembro o II Concurso de Postais en Lingua Galega do CPI de Cova Terreña.

 

Todos os premiados e premiadas foron homenaxeados no Festival de Nadal que tivo lugar nesta quinta feira (xoves). Recibiron coma galardóns libros de lectura en lingua galega, pinturas de cores, bolsas e maletíns e chaveiros conmemorativos do 50 aniversario do CPI de Cova Terreña.

Un ano máis, o xurado quixo resaltar na súa acta a extraordinaria participación do alumnado de todos os niveis, amais da alta creatividade tanto para as composicións poéticas como para os deseños presentados.

Nos ficheiros adxuntos, amais dalgunhas imaxes, axúntase a acta do xurado.

 

 

Festival de Nadal

O xoves 21 de decembro despedimos o 1º trimestre do curso e o ano 2023.

Dende o equipo de convivencia e o grupo de teatro planificaron unha xornada con actividades para todas as etapas.

Dentro das actividades tamén celebraremos as badaladas de "fin de ano"; o alumnado pode vir vestido para a ocasión e traer 12 unidades de uvas, olivas, bombóns, gusanitos...

Agardamos que o pasen moi ben!!

O noso centro recibe a medalla de ouro do Concello de Baiona

O xoves 14 de decembro o CPI de Cova Terreña recibiu a medalla de ouro do Excmo. Concello de Baiona nun acto institucional, ao mesmo tempo que emotivo, que se celebrou na praza do concello, a cal se quedou pequena para acoller a todas as persoas vencelladas ao centro que se sumaron ao evento. 

O noso centro foi recoñecido con este galardón, o de maior rango posible, pola súa actividade educativa, social e cultural ao longo dos seus 50 anos de vida.

 

No acto fíxose referencia a como "vive" o centro o alumnado a través das palabras de Leo Álvarez, representante no Consello Escolar e alumno de 2º ESO.

A concelleira de Educación deu lectura á "meritoria" presentada pola anterior corporación que motivou a concesión da devandita medalla. O concelleiro de Cultura certificou o outorgamento do galardón ao centro que lle foi entregado á directora, Dna. Isabel Martínez Cabaleiro, de mans do actual alcalde, D. Jesús Vázquez Almuíña.

No acto estiveron presentes o xefe territorial de Educación, D. César Pérez Ares, o inspector do centro, D. Gustavo Lorenzo Prozzo, a corporación municipal, ex-directores, membros do Consello escolar e representantes da ANPA, aos que se sumaron centos de baioneses e baionesas.

Ao longo da tarde visualizáronse fotografías históricas do centro, proxectouse o vídeo elaborado polo 50 aniversario e puidemos gozar da música do coro xuvenil e conxunto instrumental do centro ao que se sumou o alumnado de 5º e 6º Ed. Primaria, concluíndo con panxoliñas unha tarde memorable. 

Recomendacións de lectura de Nadal

O equipo de biblioteca preparou unha guía de recomendacións de lecturas para este Nadal, organizada por niveis educativos. O seu obxectivo é achegar diferentes novidades literarias para fomentar a lectura entre a rapazada. Agardamos que a escolla de libros realizada guste tanto a grandes coma a pequenos.

 

Acto de entrega da Medalla de Ouro ao centro educativo

Este xoves 14 de decembro, ás 19:30h, terá lugar o acto de entrega da Medalla de Ouro ao centro educativo, acto ao que convidamos a participar a toda a comunidade educativa.

O acto celebrarase na praza do concello e a continuación actuará o coro xuvenil.

Renovación das Ondas de Infantíl.

Esta mañá o alumnado de Educación Infantil viu como o valado do seu parque infantil quedaba vestido de azul. Isto débese á renovación das ondas do mar que actúan como cortaventos nesa zona. Os máis pequenos xa poderán gozar do seu parque infantil sen as molestias do vento.

Dende a dirección do centro seguimos traballando para que todo o noso alumnado se sinta confortable nas instalacións do centro.

 

DigitalWeek, tecnoloxía e inglés para o alumnado de 1ºESO

A Consellería de Cultura, Educación, Formación Profesional e Universidades organiza o programa formativo Digitalweek e o noso centro acadou a participación para 25 dos nosos alumnos e alumnas de 1ºESO.

Tras aplicar os criterios de selección, 25 deles xa están desfrutando dun campamento en réxime de internado onde se estimulará a práctica do idioma e a súa utilización en contextos comunicativos diversificados e enfocados cara á mellora da comunicación oral a través de actividades dixitais, co apoio de profesorado nativo en lingua inglesa co obxectivo da mellora da competencia en lingua inglesa a través de actividades dixitais, así como actividades complementarias que promovan a actividade física e a socialización.

Simulacro de evacuación 2023

Vimos de celebrar o simulacro de evacuación do CPI de Cova Terreña.

Nun centro ao que asisten 451 alumnos e alumnas, 51 profesores e profesoras e 8 persoas do persoal de servizos, é máis que necesario estar preparados para calquera incidencia, ademais de dar cumprimento á normativa vixente.

En 3 minutos todas as persoas tiñan abandonado o recinto escolar en orde e seguindo as directrices fixadas polo plan de autoprotección e evacuación.

Nesta ocasión puidemos contar coa colaboración da Policía Local e do GES, quen pese aos limitados recursos persoais de que dispoñen atenderon ao noso alumnado. Moitas grazas!!!

22 de decembro, xornada de actividades e convivencia!

Este 1º trimestre do curso despedímolo cunha xornada de actividades e convivencia para todos e todas coa colaboración do alumnado de 4ºESO, a ANPA e o profesorado:

  • Obradoiro de maquillaxe para Ed.Infantil.
  • Obra de teatro, versión "Cuento de Navidad".
  • Discoteca con "badaladas fin de ano" e photocall.
  • Concerto do coro e de 5º e 6ºEd.Primaria.
  • Xincana deportiva para ESO e miniliguilla de fútbol e baloncesto.
  • Chocolatada a cargo da ANPA durante os recreos, tamén con biscoito!!

Coa implicación de todos e todas agardamos que o pasen moi ben!

Emisión en directo dos concertos e obra de teatro: 

https://eduxunta.webex.com/meet/isabel.cabaleiro

1ºPase: 09:40h Coro xuvenil, baile e teatro

2ºPase: 10:30h Teatro

3ºPase: 11:30h Coro xuvenil, baile e teatro

4ºPase: 12:20h Coro 5º e 6º Ed.Primaria, baile e teatro

 

25N Día Internacional da Eliminación da Violencia contra as mulleres

O CPI Cova Terreña súmase ao 25N, Día Internacional da Eliminación da Violencia contra as Mulleres

Este venres 25 de novembro, o alumnado de todos os cursos de Educación Secundaria Obrigatoria participou no encontro "Canteira de Mulleres", organizado pola Deputación de Pontevedra e coordinado polo grupo de traballo Iguála-T do noso centro educativo. Durante as dúas sesións que se celebraron á mañá, os e as estudantes debateron abertamente a respecto dos conceptos de feminismo, igualdade e a nova masculinidade, un debate que deixou claro o rexeitamento de todo o noso centro contra calquera tipo de violencia que se exerza contra ninguén, nomeadamente contra as mulleres.

Ao comezo do acto, o alumnado de 3º ESO C representou unha performance de homenaxe a todas as mulleres que levan sufrindo violencia de xénero.

Jorge A., Saray B., Adrián C., Adrián G., Adrián G., Cecilia P. e Nathaldo R. converteron este día nunha xornada inesquecíbel.

 

 

Proxectos no centro 2022/2023

Proxectos nos que participa o centro educativo no curso 2022/2023

Plan Proxecta

  • Aliméntate ben: Ed. Infantil

  • Proxectos de vida actia e deportiva (PVAD): ESO

  • Clases sen fume: 1º ESO

  • MeteoEscolas: Todas as etapas do centro

  • Quérote+: 3º ESO

  • Aprendo programando: 2ºESO Programación

  • Apuntámonos a non beber: 2º e 3º ESO

Contratos-Programa Innova

  • EDU Innova

  • EDU Saúde

  • EDU Sostibilidade

  • EDU Calidade

Contratos-Programa Inclúe

  • Iguála-T

  • Convive-T 

  • Inclúe-T 

PROA+ Apoio na aula para 6º Ed.Primaria e 1ºESO

CUALE Modalidade A1 - 3ºESO

Seccións Bilingües (con auxiliar de conversa)

  • Primaria: Educación Plástica (3º e 4º)

  • ESO: Proxecto Competencial, Relixión, Programación e Cultura Clásica

Polos Creativos Programa de Innovación Educativa

Spring Week Inmersión Lingüística en Inglés para 3ºESO

Inmersión Lingüística MºEducación para o alumnado de 2ºESO

PLAMBE Plan de Mellora das Bibliotecas Escolares

E-Dixgal 5ºEd.Primaria a 4ºESO

Club de Lectura Alumnado e Adultos (pendente aprobación)

MAGOSTO 2022

 

 

O NOSO MAGOSTO EN IMAXES

 

Grazas a toda a Comunidade Educativa pola súa colaboración e

participación nesta actividade. Foi un día fantástico!

 

Prema na imaxe para ver o vídeo

 

 

 

    ...

 

 

Trullada da castiñeira do alumnado de Ed.Primaria para TOD@S!!!

A rapazada de Ed. Primaria preparou unha trullada (canción típica galega) para toda a comunidade. Así íamos quentando motores para a celebración do Magosto!!!

 

Grazas á colaboración de Ana Rodríguez Dosouto, a nosa mestra de Música!.

Premios Innovagal, presentación de candidatura

O CPI de Cova Terreña presentou a súa candidatura aos Premios educativos Innovagal, premios convocados pola Consellería de Cultura, Educación, FP e Univ. para o recoñecemento das prácticas innovadoras nos centros educativos en distintas liñas temáticas:

  • Ámbito lingüístico e social.
  • Ámbito cientifico-tecnolóxico e matemático.
  • Escolas saudables e abertas á contorna.

Unha vez feita a análise do centro, este destaca nas tres liñas temáticas cunha participación en proxectos de innovación e recoñecemento con premios que foi medrando ao longo dos últimos 6 cursos académicos nos que os premios poñen o foco.

Así pois, co respaldo do Consello Escolar, o centro presentou a súa candidatura co proxecto que se adxunta.

Sexamos recoñecidos ou non co premio, para nós o premio é ver o nivel de implicación de todo o profesorado e a mellora na calidade educativa que podemos ofertar ao noso alumnado. Unha ollada á memoria descritiva presentada e ao Anexo IV, no que se recolle a valoración do noso proxecto (que acada a máxima puntuación), é unha reflexión que era necesaria para ver con perspectiva todo o que se leva traballado... Ademáis presentouse un sinxelo vídeo que acompaña á nosa candidatura.



Grazas a todos e todas por sumarvos e participar e unha mención especial a Dona Patricia Blanco, impulsora da iniciativa.

Un saúdo,
O equipo directivo.

Distribuir contido

Eventos

« Marzo 2024 »
LunMarMérXovVenSábDom
123
45678910
11121314151617
18192021222324
25262728293031