O noso centro

Aquí podes ler un artigo do profesor de Historia do IES Alfredo Brañas Xan Fraga na Voz de Galicia sobre a fundación do noso instituto, con motivo do 40 aniversario do centro. Podes acceder premendo aquí.

A criación do Instituto

A historia do Instituto de ensino medio para Carballo foi unha auténtica ucronía surrealista. Nos anos da II República (1931-36) os alcaldes Francisco Bolón e José Monteagudo, despois de diversas xestión en Madrid, practicamente o conseguiran cando a Guerra Civil (1936-39) truncou esas e outras esperanzas.

Inauguración do campo de fútbol do Instituto. Partido Bergantiños - Deportivo da Coruña, 1971

Anos máis tarde, concretamente no 1949, ó amparo do decreto de 29 de abril que outorgaba importantes subvencións, aprobouse un proxecto, do arquitecto Peregrín Estellés para a construción en Carballo dunha Escola Graduada, con catro graos mixtos, que ascendía á suma de 884.345 pesetas. Pasaría ó baúl das ucronías.

Alumnos e alumnas no curso 1970-1971

De novo no ano 1955, o Consello de Ministros aprobou a creación dun Instituto Laboral nun decreto do 2 de setembro publicado no BOE dese mesmo mes e ano. Outra ucronía. Cando se inaugurou a Caixa de Aforros en Carballo, o seu director comprometeuse no discurso que fixo, 3 de agosto de 1963, a ceder os terreos para a construción dun Instituto no castro do Chorís, así como unha biblioteca pública no seu local. A penas dous anos despois concretouse a doazón en escritura pública. Finalmente, e ó amparo dos "Planes de desarrollo" do opusdeísta López Rodó, o Consello de Ministros do 14 de agosto de 1968 aproba a creación duns Instituto mixto en terreos doados por diversos particulares e institucións, así como algunha compra. O orzamento tipo para a subhasta de obras sería de 18.119.173,05 pesetas.

Alumnos do Instituto de excursión en Santiago de Compostela. Ano 1972

Acabáronse as ucronías, mais foi demasiado tarde.¿Cantas xeracións de carballesas e carballeses deixaron de estudar ou non o fixeron nunca por falta de medios?. Carballo e comarca pagouno moi caro e aínda hoxe sufrimos as consecuencias. A inauguración do Instituto no curso 1970-71 foi recibida en Carballo e comarca como auga no deserto, como un faro nas tebras.

Patido de fútbol mestres-alumnos no curso 1988-89. Equipo dos mestres e achegados no campo da Agrela. Gañaron 5-4.

Os directores e directoras do Instituto:

Constantino Freire Llamas (1970-1974)

Adela Fernández Alea (1974-75)

José Antonio Iglesias Arias (1975-77)

José M. Pérez Fernández (1977-1979)

Juan A. Charro Fernández (1979-1983)

Josefina Lestón Tajes (1983-1984)

José Carballude Blanco (1984-1986)

Carlos Bande Cruz (1986-1988)

Frutos Fernández González (1988-1991)

Manuel Santos Ledo (1991-1994)

Constantino Álvarez Muíño (1994-1998)

Jose Antonio Viña Patiño (1998-2003)

Francisco Javier Dapena Castro (2003-2006)

Rafael Baliñas Pérez (2006-2007)

Francisco Javier Dapena Castro (2007-2008)

María Díaz Rama (2008-2010)

Mónica Mariño Callejo (2011-      )

Os Xefes e Xefas de Estudios do Instituto:

Luz Castaño Fernández (1970-71)

Antonio Djangren Areces (1971-72)

Manuel Casalderey García (1972-74)

María Sánchez Pose (1974-75)

Víctor Serantes Martínez-Rojas (1975-78, 1979-1984)

Avelino Abuín González (1978-1979)

Frutos Fernández González (1984-1985)

Olga Villarino Rodríguez (1985-1986)

Eduardo Pásaro Méndez (1986-1987)

Rodolfo Lema Prat (1987-1989)

José A. Viña Patiño (1989-1991)

Luís Mateo Sáez Abuín (1991-1994)

Mariano Pazos Afonso (1994-1999)

Francisco Javier Dapena Castro (1999-2003)

María José Martínez Rey (2003-2006)

Mª Salvadora Fernández Díez (2006-2007)

Angeles Novás Fernández (2007-2008)

Josefa Costa Amigo (2008-2009)

Mercedes Varela Barreiro (2009-2010)

Eva Santos Paz (2011-2014)

Antón Silveira (2015-      )

Evolución do alumnado e o profesorado do Instituto:

Nota: hai que ter en conta cando se inauguran os outros dous Institutos de Carballo: en 1976 o de Formación Profesional, hoxe Monteneme e o Parga Pondal no curso 1993-1994. Así mesmo no curso1998-1999 o alumnado e profesorado do Primeiro ciclo da ESO pasan a depender organicamente do Centro.