Novas
NÚMERO PREMIADO DO SORTEO DA CESTA DE ENTROIDO
Enviado por iesab08 o Ven, 2024-03-01 14:17NÚMERO PREMIADO
0435
No recreo da ESO de hoxe venres, 1 de marzo, sorteuse a cesta con produtos de entroido. O boleto agraciado ten o número 0435. Parabéns á persoa agraciada e desexamos que desfrute moito de todo o contido en dita cesta.
»
- APIs de Blogue
23 de FEBREIRO: DÍA DE ROSALÍA DE CASTRO
Enviado por iesab08 o Mar, 2024-02-27 14:5923 DE FEBREIRO: LEMBRANDO A ROSALÍA DE CASTRO
Aniversario do nacemento de Rosalía de Castro
Este pasado venres 23 de febreiro, día de lembranza do nacemento de Rosalía de Castro en 1837, o Dpto de Normalización Lingüística organizou un recitado de poemas de Rosalía de Castro. Alumnado de 2º e 4º da ESO e de 1º de BAC , así coma o profesorado de Lingua e Literatura Galega lembraron á escritora lendo poemas das súas máis importantes obras e un relato, este en castelán, do que puido ser o primeiro manifesto feminista.
Rematou o acto coa interpretación de "Adiós ríos, adiós fontes" por parte de Paula Fraga, alumna de 2º de BAC, acompañada pola guitarra e o teclano que tan armoniosamente tocaron Iris e Henar, tamén de 2º de BAC.
Para ver o vídeo premede nos links do noso canal de Youtube @iesalfredobranas1125
»
- APIs de Blogue
DÍA DA MULLER E A NENA NA CIENCIA
Enviado por iesab08 o Mér, 2024-02-14 14:23
11 DE FEBREIRO
DÍA DA MULLER E A NENA NA CIENCIA
Este 11 de febreiro, domingo de Entroido, o Concello de Carballo, a través das concellerías de innovación e igualdade celebrou no "andar alto" do Mercado Municipal de Carballo a "I Feira do día da Muller e a Nena na ciencia", e o Ies Alfredo Branhas estivo presente colaborando nos experimentos científicos cun grupo de alumnas da ESO e de BAC, guiadas pola profesora de Química, Isabel Regueiro, onde fixeron unha serie de experimentos demostrando que NON SE DISFRAZAN de científicas, SENON que SON CIENTÍFICAS e están dando os pasos para formar parte na historia da ciencia.
As alumnas que participaron foron Laura Varela Cambón, Shana Añón Lías, Valeria Rodríguez Colferai, Carla Padín Regueira, Lucía García Vilariño, Andrea Goimil Liñares, Alba Bértoa Lema e Claudia Pallas Marrozos.
Como sabedes o noso centro destaca, entre outras, por organizar a chamada "Feira das Ciencias" que este ano celebrarase a XVII edición nos días 28 e 29 de Febreiro. O que fan estas rapazas é mostrar e demostrar que a ciencia ten voz de muller.
Deixo aquí unhas fotos que me enviaron máis non sei quen as tirou, por eso desculpade que non poña autora/autor da mesma.
Este é o artigo da La Voz de Galicia. Edición Carballo onde, entre outras, aparece a nosa profe Isabel Regueiro e o nome das alumnas participantes.
Na nosa páxina do facebook e instagram podedes ver as fotos que se tomaron ese día
»
- APIs de Blogue
EXCURSIÓN Á NEVE 2024
Enviado por iesab08 o Lun, 2024-01-29 13:53JACA, XANEIRO DE 2024
Dende o Dpto. de Educación Física organizouse do 21 ao 26 de xaneiro a excursión á neve, como cada ano, para o alumnado de 3º ESO e 1º de BAC. Un total de 49 alumnos/alumnas e catro profesores/profesoras tiveron a oportunidade de desfrutar de esta actividade aprendendo ou perfeccionando as técnicas do esquí e variantes.
Chegaron sans salvo algún esguince sen maior complicación.
Por se vos interesa ver como así de ben esquía o noso alumnado de 3º da ESO e de 1º de BACH, e non só o alumnado, tamén o profesorado, mirade a Maria Martinez Varela que control de cámara.... queda aquí o seguinte enlace do noso facebook, tamén tedes o vídeo no canal de instagram do centro.
»
- APIs de Blogue
PROGRAMA ESCOLAR DE CONSUMO DE FROITAS, HORTALIZAS E LEITE
Enviado por iesab08 o Ven, 2024-01-12 15:34DESFRUTA COAS FROITAS E OS LÁCTEOS
O noso centro foi seleccionado para participar no reparto de froita e leite subvencionado polo FOGGA.
O primeiro período comenzará o próximo luns, 15 de xaneiro.
O reparto farase nos recreos da ESO e de BACH
Se tes interese en ver o resultado da campaña accede á conta do noso facebook
https://www.facebook.com/100069706337587/videos/3751311301764106/
»
- APIs de Blogue
SORTEO EXTRAORDINARIO LOTERÍA DE NADAL
Enviado por iesab08 o Mar, 2024-01-09 11:06SORTEO EXTRAORDINARIO DA LOTERÍA DE NADAL DO 22 DE DECEMBRO DE 2023
O número 33.198 ten a devolución de 2,50€
Comunícase por este medio de que as participacións da lotería de Nadal que vendeu o alumnado de 4º da ESO coa fin de recaudar fondos para subencionar a excursión de fin de curso a Andalucía foi gratificada coa devolución de 2,50€.
Aquelas personas interesadas en cobrar a súa respectiva cantidade segundo as participacións adquiridas poden achegarse con ditas participacións polo centro educativo en horario de 9.00 a 14.00 horas. Teñen de prazo ata o 22 de Marzo, segundo a normativa vixente para o cobro de premios de Loterías do Estado.
As participacións que non se devolvan quedará na bolsa a repartir entre o alumnado que vendeu as participacións.
»
- APIs de Blogue
CONFERENCIA SOBRE CIBERSEGURIDADE
Enviado por iesab08 o Xov, 2023-11-23 22:44A SEGURIDADE NAS REDES SOCIAIS DOS NOSOS FILLOS E FILLAS
O próximo martes, 28 de Novembro as 18.00 horas terá lugar no Salón de Actos do noso IES unha conferencia sobre "CIBERSEGURIDADE" onde un experto no tema da Guardia Civil explicará todo aquelo que ten que ver cos perigos das Redes Sociais en Internet e todo ese mundo virtual e como podemos protexer aos nosos e nosas menores. Xa vén facendo unha serie de charlas co alumnado durante o mes de outubro e novembro. Consideramos que é unha actividade que non debe deixarse pasar pois é un tema que nos preocupa como nais, pais, profesorado e sociedade en xeral.
Contamos coa súa asistencia
»
- APIs de Blogue
FORMACIÓN CFR-CORUÑA
Enviado por iesab08 o Dom, 2023-11-12 21:53"CEREBRO E PANTALLAS" FORMACIÓN PRESENCIAL
ACTIVIDADE PARA TODA A COMUNIDADE EDUCATIVA: FAMILIAS, ALUMNADO, PROFESORADO.
CENTRO DE FORMACIÓN E RECURSOS DE A CORUÑA
Dende o CFR, Centro de Formación e Recursos da Coruña, pídennos que demos difusión á unha charla-conferencia de formación que se vai celebrar no Pazo da Cultura de Carballo o próximo mércores 15 de novembro ás 19.00 horas.
Valoramos a importancia de dita conferencia-formación que leva por título: "Cerebro e Pantallas", cuxa ponente é María Couso, Licenciada en Pedagoxía, entre outros méritos académicos.
Adxúntase cartaz e información a ter en conta para animarse a participar.
»
- APIs de Blogue
PLAN DIXITAL DO CURSO 2023-2024
Enviado por iesab08 o Ven, 2023-11-03 11:04 03/11/2023
Europe/Madrid
Reunido o Consello Escolar, en sesión extraordinaria, ás 11:00 horas do día 26 de outubro, xoves, aproba o "Plan Dixital para curso 2023-2024. Dito plan dixital está recollido na páxina de "educalidade".
Para acceder ao mesmo débese chequear na entrada que pon "plan dos centros" que se atopa nunha columna na marxe esquerda, (de non ver esto chequéase nos tres puntos verticais que hai na man esquerda e debe despregarse o menú) Unha vez accedido a "plan dos centros", en "convocatoria": ano académico 2023/2024; "plan": plan dixital; "centros": escribir ies alfredo brañas, picar nel e finalmente hai unha pestaña laranxa debaixo de "convocatoria" que pon "buscar" unha vez debe aparecer todo e a maiores unha pestana cunha lupa debaixo de "opcións".
»
- APIs de Blogue
- Calendario
PRESENTACIÓN ALUMNADO CURSO 2023-2024
Enviado por iesab08 o Sáb, 2023-09-16 13:42O 11 de setembro fixemos a presentación do alumnado da ESO, BACH e CSCI por niveis no patio cuberto. O Xefe de estudos deu unhas breves normas que foron desenvolvidas polas titoras e titores nas aulas e o director en funcions foi chamando ao alumnado por niveis e aulas-grupo presentando ao seu titor titora.
Desexamos un curso proveitoso.
BENVIDAS E BENVIDOS
»
- APIs de Blogue
