"2021 WORLD BOOK DAY " ("Día do Libro")
"2021 WORLD BOOK DAY " ("Día do Libro")
O 23 de abril é unha data simbólica para o mundo da literatura. Nun día como o de hoxe do ano 1616 faleceron William Shakespeare, Miguel de Cervantes e o Inca Garcilaso de la Vega. A mesma data viu nacer ou falecer tamén a figuras prominentes da literatura universal como Vladimir Nabokov, Josep Pla e Manuel Mejía Vallejo.
O “World Book Day” (Día do Libro) creouno a UNESCO no ano 1995 para celebrar a festa dos libros, a dos seus autores e fomentar que a xuventude descubra o pracer da lectura.
IMAGE (Source): UNESCO
Un día como o de hoxe cambia vidas a través do amor polos libros e a lectura compartida. É unha celebración universal que chega a máis de cen países en todo o planeta.
No ano 1923 os libreiros de Cataluña unificaron por primeira vez a homenaxe ao mundo dos libros na data do 23 de abril. Vicente Claver Andrés, escritor valenciano, considerou que se debía honrar a figura de Miguel de Cervantes Saavedra.
E así ata hoxe!
Para conmemorar esta efeméride, nos distintos grupos do noso centro traballamos a competencia lectora con actividades variadas e disfrutando da lectura de distintos tipos de textos escritos.
Como despedida a un día sinalado na vida do noso IES, deixámosvos unhas imaxes do profesorado deste departamento acompañado dun libro: unha arma de construcción masiva.
OLIVIA FIGUEIRA: "Purple Hibiscus" ("La Flor Púrpura"), Chimamanda Ngozi.
ANA PENA: "World without end" ("Un mundo sin fin"), Ken Follet.
ANDRÉS VIZOSO: "Rad Women Worldwide" ("Mujeres Geniales"), Kate Scatz.
E para rematar esta serie, un clásico da literatura norteamericana:
MERCEDES RODRÍGUEZ: "The Catcher in the Rye" ("El Guardián entre el centeno"), J.D. Salinger.
E pechamos este post cunha cita:
“A reader lives a thousand lives before he dies . . . The man who never reads lives only one.” – George R.R. Martin.